+7 (701) 759 90 19
USD 385.76 EUR 427.89
RUB 6.04 CNY 54.79
Jańalyqtar

Qosshyda júrgizýshi aıazdy kúni múgedek stýdentti avtobýstan túsirip tastaǵan

2019 jylǵy 22 qarasha 12:03
Bólisińiz:
Qosshyda júrgizýshi aıazdy kúni múgedek stýdentti avtobýstan túsirip tastaǵan

NUR-SULTAN. QazAqparat – Aqmola oblysy aýmaǵyndaǵy «Lesnaıa polıana» aıaldamasynda qoǵamdyq kólik júrgizýshisi 17 jastaǵy múgedek stýdentti aıazdy kúni avtobýstan túsirip tastaǵan, dep habarlaıdy QazAqparat tilshisi.

Uqsas jańalyqtar
QR Qorǵanys mınıstri Qosshyda patrıottyq sabaq ótkizdi

«Keshe tańerteńgi saǵat 7.30-da ekinshi toptyń múgedegi – 17 jastaǵy jıenimdi «Lesnaıa Polıana» aıaldamasynda №303 avtobýs júrgizýshisi «jol júrý bıletiń jaramsyz» dep joldan túsirip jibergen. Kóshedegi 25 gradýstyq aıazda jıenim kolledjdegi sabaǵyna keshigip qalǵan. Qaltasynda nebary 105 teńge bolatyn. Bul jerde qandaı problema bar? Park basshylyǵy jyl saıyn zeınetkerler men múgedekterge memleket belgilegen jeńildikterdiń kúshin joıady. Qossha aýyly qala aýmaǵynan 500 metr ǵana qashyqtyqta ornalasqan. Mundaı aıazda adamdy qalaı túsirip ketýge bolady? Nelikten Qosshy turǵyndary úshin mundaı erejeler engizilgen? Nege qaladaǵy zeınetkerler jol júrý bıletterimen júrip kele jatyp, jol ortasynda zeınetker sanatynan shyǵyp qalady. Bári qalada jumys isteıdi, qalada aqsha qalady, salyqtar tólenedi», - dep jazdy Jámılá Eleýsizova atty turǵyn facebook paraqshada.

Bul máselege qatysty «Astana LRT» JShS basqarma tóraǵasy Bekmyrza Igenberdınov áleýmettik jelide jaýap berdi.

«Qala mańyndaǵy baǵdarda kórý qabileti tómen, kámeletke tolmaǵan kolledj stýdentin tastap ketken oqıǵany túsindirgim keledi. Kelisemin, júrgizýshi kámeletke tolmaǵan jolaýshyny tastap ketip, durys istemedi. Sebebi, «aıazdy kúnderi jolaýshylardy tastamańyzdar» degen naqty nusqaý bolǵan. Mán-jaı anyqtalý ústinde. Alaıda ishki tergeý júrgizý úshin bizge avtobýs pen júrgizýshi týraly naqty aqparat qajet. Jolaýshyny tastap ketken júrgizýshini anyqtap, oǵan qatysty tıisti sharalar qoldaný kerek», - deıdi Bekmyrza Igenberdınov.

Kompanııa basshysy avtobýs júrgizýshi jolaýshynyń jasyn jáne kórý qabiletiniń nashar ekenin baıqamaǵan bolýy kerek dep tuspaldaıdy. Aryzdanýshynyń aıtýynsha, onyń jıeniniń bir kózi múlde kórmeıdi.

«Múmkin júrgizýshi ony aqshasy jetpeı qalǵan jolaýshy dep qana oılaǵan shyǵar. Sonymen birge, men jeńildetilgen sanattaǵy azamattar úshin qoǵamdyq kólikterde júrý aqysynan bosatý túrindegi áleýmettik qoldaý kórsetý tártibin túsindirgim keledi. Birinshiden, jeńildetilgen «Aımaq» kólik kartalaryn paıdalanýshylar 2019 jyldyń 31 jeltoqsanyna deıin qala mańyndaǵy baǵdarlarda tegin jol júrý múmkindigine ıe. ıAǵnı, azamattardyń jeńildikke ıe sanatyna jatatyn Tselınograd jáne Arshaly aýdandarynyń turǵyndary qala mańyndaǵy marshrýttarda tegin júrýge quqyly. Nur-Sultan qalasy máslıhatynyń 2017 jylǵy 20 shildedegi № 167/21-VI sheshimimen elordanyń jekelegen sanattaryna jatatyn qala jolaýshylaryna jol júrý aqysyn tóleýden bosatý túrindegi áleýmettik kómek kórsetiledi. Osy qujattaǵy erejeler qala mańyndaǵy marshrýttarǵa qoldanylmaıdy. Joǵaryda aıtylǵandardy qorytyndylaı kele Nur-Sultanda tirkelgen jeńildetilgen kólik kartalaryn paıdalanýshylar tek qalalyq jáne ekspress marshrýttar boıynsha tegin qatynaýǵa, «Aımaq» jeńildik kartalaryn paıdalanýshylar - tek qala mańyndaǵy marshrýttarda ǵana júrýge quqyly ekenin habarlaımyn», - deıdi ol.

Bizdiń kanalymyzǵa jazylyńyz:

Basty sózder: Aqmola oblysy, Oqıǵa,
Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT