Qosshyda elektr nysandaryn salý kezinde 222 mıllıon teńge jymqyrylǵan
2022 jylǵy 28 mamyr 00:51

Qosshyda elektr nysandaryn salý kezinde 222 mıllıon teńge jymqyrylǵan

KÓKShETAÝ. QazAqparat - Qosshy qalasynda syrtqy elektrmen jabdyqtaý obektilerin salý kezinde 222 mıllıon teńgeden astam bıýdjet qarjysy jymqyryldy, dep habarlaıdy QazAqparat tilshisi.

Aqmola oblysy prokýratýrasy baspasóz qyzmetiniń málimetinshe, atalmysh qylmys prokýrorlyq tekseris barysynda anyqtaldy.

«Tapsyrys berýshi retinde Qosshy qalasynyń qurylys bólimi transformatorlyq qosalqy stantsııalardy ornatpaǵan. Alaıda 222,2 mıllıon teńge mólsherinde negizsiz tólem júrgizip, osy jumystardy oryndaý týraly aktilerge qol qoıǵan (2019 jyldan bastap qazirgi ýaqytqa deıin jumystar oryndalǵan joq). Arnaıy prokýrorlar basqarmasy osyǵan baılanysty QR Qylmystyq kodeksiniń 189-babynyń 4-bóligi 2-bólimshesi (asa iri kólemde jymqyrý) boıynsha qylmystyq isti tergep jatyr», - dedi prokýratýranyń baspasóz qyzmeti.

Qazirgi ýaqytta tergeý organy sottyń sanktsııasymen qurylys bóliminiń basshysyn qamaýǵa aldy.

«Osy rette, prokýratýra bıýdjet qarajatyn jymqyrǵandarǵa QR Qylmystyq Kodeksiniń 189-baby 4-bóligi 2-bólimshesi boıynsha 7 jyldan 12 jylǵa deıin bas bostandyǵynan aıyrý jazasy qarastyrylǵanyn habarlaıdy. Ózge aqparat tergeý múddesi úshin jarııa etýge jatpaıdy», - dep tolyqtyrdy vedomstvodan.

Aıta ketsek, Aqmolada jemqorlyq jasap sottalǵan 42 sheneýniktiń 16-sy ǵana túrmege qamalǵan.


Jańalyqtar

MURAǴAT