Kosmomonıtorıng arqyly 2000-ǵa jýyq qoqys zańsyz tastalǵan oryn anyqtalǵan
2022 jylǵy 22 maýsym 22:30

Kosmomonıtorıng arqyly 2000-ǵa jýyq qoqys zańsyz tastalǵan oryn anyqtalǵan

NUR-SULTAN. QazAqparat - Jyl basynan beri 2000-ǵa jýyq qoqys tastalǵan oryn Ǵarysh Sapary kosmomonıtorıngi arqyly anyqtaldy, dep habarlaıdy QR Ekologııa, geologııa jáne tabıǵı resýrstar mınıstrliginiń baspasóz qyzmeti.

«Jyl basynan beri 2000-ǵa jýyq qoqys oryny Ǵarysh Sapary kosmomonıtorıngi arqyly anyqtaldy. Bul túıtkildi máselemen kúresý úshin ІІM jáne jergilikti atqarýshy organdarmen birlesip qoqys tastaıtyn jerlerdi joıý boıynsha úshjaqty is-sharalar jospary jumys isteıdi. Qabyldanyp jatqan josparly is-qımyldar sheńberinde Qazaqstannyń birqatar óńirlerinde qaldyqtardy zańsyz tógý oryndaryn anyqtaý boıynsha reıdtik is-sharalar ótti» delingen habarlamada.

Máselen, mamyr aıynda respýblıka boıynsha barlyǵy 31 reıd ótkizildi. Іs-sharalar Atyraý, Qyzylorda, Aqmola, Almaty, Batys Qazaqstan, Soltústik Qazaqstan, Qostanaı, Qaraǵandy oblystarynda, sondaı-aq Almaty, Nur-sultan jáne Shymkent qalalarynda uıymdastyryldy. Nátıjesinde 150-ge jýyq ruqsat etilmegen qoqys oryndary anyqtaldy. Qabyldanǵan sharalarmen 14 fakt boıynsha (bul shamamen 88 qaldyq nysany) tıisti tulǵalarǵa ÁQBtK-niń 344-babymen 153 myń teńge mólsherinde aıyppul salyndy.

20-dan astam oryndaǵy qaldyqtar joıyldy. Qoqys tastaıtyn jerlerdi anyqtaý sharalary jalǵasatyn bolady.


Uqsas jańalyqtar

Jańalyqtar

Úrdis

MURAǴAT