+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Kóshpendilerdiń umyt qalǵan taǵamdaryn daıyndaýdan respýblıkalyq festıval ótýde

2019 jylǵy 22 qarasha 11:20
Bólisińiz:
Kóshpendilerdiń umyt qalǵan taǵamdaryn daıyndaýdan respýblıkalyq festıval ótýde

QARAǴANDY. QazAqparat - Qaraǵandyda «Biregeı qazaqtyń ulttyq taǵamdary» atty respýblıkalyq gastrofestıval-baıqaýdyń kezekti kezeńi ótti, dep habarlaıdy QazAqparat.

Uıymdastyrýshylar men qatysýshylar kóshpendiler men dala taǵamdarynyń alýan túrliligin kórsetýge tyrysty. Umytylǵan retsept boıynsha daıyndalǵan as máziri jınalǵan qaýymnyń zor qyzyǵýshylyǵyn týdyrdy.

Baıqaýǵa tek kásibı aspazdar ǵana emes, sonymen qatar úı sharýalary, kolledj stýdentteri de qatysty.«Asúı qupııasyn urpaqtan-urpaqqa jetkizetin otbasylar bar. Men kóp jyl boıy el boıynsha ekspedıtsııalar ótkizdim. Búgin qazaq taǵamdarynyń umytylǵan 200 túrin ázirleý qupııalaryn qaıta jandandyrdyq. Ulttyq asúıimiz týraly áńgime bolǵanda, et, qýyrdaq, qurt, qymyz jáne taǵy bireń-sarań ataýlar ǵana eske túsedi. Alaıda, qazaq ashanasy biregeı, kópqyrly jáne ártúrli», - deıdi QR Ulttyq mýzeıi janyndaǵy «Halyq qazynasy» ǴZI materıaldyq emes mádenı mura bóliminiń basshysy, etnograf Áıgerim Musaǵajınova. Ol qaraǵandylyqtar úshin sheberlik sabaqtaryn ótkizdi. Zertteýshi jylqynyń asqazanynan kóshpendilerdiń taǵamy - qaryn bórtpe daıyndady. Áıgerim Musaǵajınova sondaı-aq qýyrylǵan bıdaıdan jasalǵan tóńkerme taǵamynyń qalaı daıyndalatynyn kórsetti. Ony qazaqtar bosanatyn áıelderge arnaıy daıyndap, bala týǵannan keıin birden bergen. Bul taǵam jas anaǵa kúsh beredi jáne áıel sútiniń qunarlyǵyn arttyrady. Baıqaýǵa qatysýshylar kóne retsept boıynsha taǵamdar ázirledi. Kópbalaly ana Baqytty Qanapınovanyń ústeliniń ereksheligi batyrlar úshin jınaqtalǵan dalalyq shaǵyn qapshyq boldy. Onyń ishinde súr jáne qurt saqtalǵan. Osy jıyntyǵy bolsa, batyrlar dalada oǵan sý qosyp, ońaı ǵana sorpa ázirleı alǵan.


Saıyskerler ózderimen birge ulttyq sýsyndardyń 7 túrin alyp kelgen. «Bul – halyq arasynda umytylyp qalǵan qyshqyl-sút sýsyny shalap. Ol nárli jáne paıdaly. Ońaı jáne tez daıyndaýǵa bolady. Aırandy alyp, oǵan sý qosý qajet, artezıan sýy bolsa tipti jaqsy. Sonan soń azdap tuz qosý qajet. Bul kaltsııge baı taǵam. Biz otbasymyzben únemi shalap ishemiz, balalar jaqsy kóredi jáne ózderi daıyndaýdy úırenip alǵan», - deıdi Baqytty. Al úlpershek salttyq taǵamyn Shahtınsk tehnologııalyq kolledjiniń komandasy usyndy. Jylqynyń nemese sıyr malynyń júreginen ázirlengen astyń óz tarıhy bar. Bul taǵamdy turmysqa shyǵyp, alysqa ketken qyzyna ata-analary daıyndaǵan. Osylaısha qyzdyń týǵandary ony saǵynyp, jaqsy kóretinderin bildirgen.

Baıqaýdy QR Aqparat jáne qoǵamdyq damý mınıstrligi men «Altyn qazyna» qoǵamdyq birlestigi uıymdastyrdy. Shara «Rýhanı jańǵyrý» baǵdarlamasy aıasynda «Qazaqtaný» ǵylymı-aǵartýshylyq jobasy boıynsha ótkizilýde.

Qaraǵandy aspazdyq baıqaýdyń aımaqtyq kezeńderi ótkizilgen úshinshi qala boldy. Qazaq asúıiniń úzdik bilgirleri 25 qarasha kúni Nur-Sultanda ótetin qorytyndy kezeńge jınalady. Festıval qorytyndysy boıynsha Qazaq ashanasynyń biregeı jáne umytylǵan taǵamdarynyń albomy shyǵarylady.







Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT