+7 (701) 759 90 19
USD 439.01 EUR 474.61
RUB 5.75 CNY 61.91
Jańalyqtar

Kósherbaev BUU 6 tilindegi qazaq ádebıeti antologııalarynyń tanystyrylymyna qatysty

2020 jylǵy 14 aqpan 17:47
Bólisińiz:
Kósherbaev BUU 6 tilindegi qazaq ádebıeti antologııalarynyń tanystyrylymyna qatysty

ALMATY. QazAqparat - Almaty qalasyndaǵy «Dostyq úıinde» «Jahandaǵy zamanaýı qazaqstandyq mádenıet» jobasy aıasynda BUU-nyń 6 tiline aýdarylǵan qazaq ádebıeti antologııalarynyń tanystyrylymy ótti, dep habarlaıdy QazAqparat Aqordaǵa silteme jasap.

Uqsas jańalyqtar
Kórisý merekesiniń tárbıelik mán-mańyzy da erekshe – tarıhshy Saıalbek Ǵızzatov

Bul joba Qazaqstan Respýblıkasynyń Tuńǵysh Prezıdenti – Elbasy N.Á.Nazarbaevtyń bastamasymen júzege asyrylyp jatqan «Rýhanı jańǵyrý» baǵdarlamasy baǵyttarynyń biri. Onyń negizgi maqsaty – táýelsizdik jyldaryndaǵy qazaq ádebıeti men mádenıetin, mýzykasy men beıneleý ónerin, horeografııa, kıno jáne teatr salasyndaǵy jetistikterin álemge tanytý.

Jıynǵa shyǵarmalary álem tilderine aýdarylǵan avtorlar men aýdarmashylar, QR Memlekettik hatshysy, «Rýhanı jańǵyrý» baǵdarlamasyn iske asyrý jónindegi Ulttyq komıssııanyń tóraǵasy Qyrymbek Kósherbaev, Almaty qalasynyń ákimi Baqytjan Saǵyntaev, QR Mádenıet jáne sport mınıstri Aqtoty Raıymqulova qatysty.

Basqosýda aýdarma jumysy qorytyndylanyp, avtorlarǵa alty tilde jaryq kórgen shyǵarmalarynyń jınaqtary tapsyryldy.

QR Memlekettik hatshysy Qyrymbek Kósherbaev qazaq ádebıetiniń úzdik úlgilerin BUU-nyń 6 tiline aýdarý jáne ony osyndaı keń kólemde taratý bizdiń tarıhymyzda buryn-sońdy bolmaǵanyn aıtty. «Bul jobany uıymdastyrý jáne úılestirý júıesi de burynǵydan ózgeshe boldy. Ondaǵy basty maqsat kórkem aýdarmanyń joǵary sapasyn qamtamasyz etý edi. Osy rette, eń aldymen, jobany júzege asyrýǵa 6 eldiń kórkem aýdarma salasynda tájirıbesi mol, bedeldi degen baspalary tańdaldy. 60 avtordyń úzdik týyndylary engen antologııalar dúnıejúziniń 5 qurlyǵyndaǵy 93 memlekettiń iri kitaphanalaryna, irgeli oqý oryndaryna, mádenıet pen ádebıetke mamandanǵan ǵylymı ortalyqtaryna taratylady», – dedi Qyrymbek Eleýuly.

Qazaq ádebıeti jınaqtarynyń aǵylshyn tilindegi nusqasyn Kembrıdj ýnıversıtetiniń baspasy, arab tilindegi basylymyn Mysyrdyń Ulttyq bilim jáne mádenıet ortalyǵy, ıspan tilindegi jınaqtardy Servantes ınstıtýty, orys tilindegi antologııalardy M.Lomonosov atyndaǵy Máskeý memlekettik ýnıversıtetiniń baspa úıi, qytaı tilindegi jınaqtardy Beıjińdegi ulttar baspasy, frantsýz tilindegi basylymdy Parıjdiń mádenı birlestigi daıyndady. Atalǵan seriktes-uıymdardyń aýdarý, basyp shyǵarý, taratý-nasıhattaý jumystaryna 300-ge jýyq maman jumyldyrdy.

Joba aıasynda aýdarmanyń ereksheligin talqylap, ózara áńgimelesý úshin sheteldik aýdarmashylar men baspagerlerdiń qazaqstandyq avtorlarmen kezdesýi ótkizildi. Bul aýdarmany túpnusqa mátinge meılinshe jaqyndatýǵa ári onyń kórkemdik sapasyn qamtamasyz etýge múmkindik berildi.

Ár antologııanyń taralymy – 10 myń dana. Jalpy sany 120 myń jınaq álemniń 23 myńnan astam iri kitaphanasyna, oqý oryndary men ǵylymı ortalyqtarǵa jetkizildi. Onyń ishinde aǵylshyn tildi basylymdar aǵylshyn tili resmı mártebege ıe 18 memleketke, arab tilindegi jınaqtar osy tilde sóıleıtin Taıaý Shyǵys pen Afrıkadaǵy 22 memleketke, ıspan tilindegi basylymdar Ispanııamen qatar Latyn Amerıkasynyń 20 eline, Qytaı tilindegi basylymdar 1,5 mıllıard halqy bar eldiń barlyq aımaqtaryna, orys tilindegi jınaqtar orys tilin biletin 14 memleketke, frantsýz tilindegi taralym Eýropa men Afrıkanyń 17 eline taratyldy.

Sondaı-aq, qazaq ádebıetiniń antologııalary iri kitaphana qorlary men ondaǵy erekshe kitaptardy esepke alatyn WorldCat dep atalatyn halyqaralyq bıblıografııalyq júıege endi. Antologııalardy alǵan elder men uıymdardan 100-den asa alǵys hat keldi. Máselen, Frantsııa Prezıdenti Emmanýel Makron, Ulybrıtanııa bilim mınıstri Gevın Ýılıamson alǵys hatyn joldady.

Joba QR Mádenıet jáne sport mınıstrliginiń tapsyrysy boıynsha «Ulttyq aýdarma bıýrosy» qoǵamdyq qorynyń úılestirýimen júzege asyryldy.


Bizdiń kanalymyzǵa jazylyńyz:

Bólisińiz:

Avtor:

Qanat Mámetqazyuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT