+7 (701) 759 90 19
USD 389.98 EUR 434.01
RUB 6.10 CNY 55.04
Jańalyqtar

Qos qoly joq tarazdyq kásipker: Talaptansań jetistikke jetesiń

2019 jylǵy 21 qyrkúıek 11:20
Bólisińiz:
Qos qoly joq tarazdyq kásipker: Talaptansań jetistikke jetesiń

TARAZ. QazAqparat – Jambyldyq Anar Beksultanova qos qoly joq bolsa da, eki aıaǵymen is tigip, óziniń jeke kásibin júrgizip otyr, dep habarlaıdy QazAqparat tilshisi.

Uqsas jańalyqtar
Malaızııalyqtar Almatyda halal bıznesin damytqysy keledi SQO-da «Ulpan» bıznes aımaǵy» dıalog alańy quryldy Qazaqstanda 5 myń jas kásipkerge aqysyz onlaın kýrs ótkiziledi

Dúnıege eki qolsyz kelgen Anar Beksultanova búginde qyz jasaýyn tigip, kópke iskerligimen, batyldyǵymen jáne ójettiligimen tanylyp otyr. Ol eń alǵash «Janome» tigin mashınasymen quraq qurap, kórpe tigýdi úırenipti. Áli kúnge sol tigin quralymen jumys istep, eńbek etýde eken.


Búginde ol eki qyzdyń anasy. Aıaǵymen tigin tigip, shaǵyn kásibin dóńgeletip otyrǵan tiginshi ózin de, qyzdaryn da asyrap, birneshe adamnyń tabys tabýyna múmkindik jasaýda. Onyń bul áreketi – kópke úlgi.

Osydan 4 jyl buryn Anar «Bıznestiń jol kartasy – 2020» baǵdarlamasy aıasynda 3 mıllıon teńge qaıtarymsyz grant utyp alyp, tigin tsehyn ashqan bolatyn. Sodan beri elden tapsyrys alyp qyz jasaýyn tigýde. Onyń aıtýynsha, qazirgi tańda tapsyrys berýshiler óte kóp eken. Bir aptada 4-5 qyzdyń jasaýyn tigip berip otyrýda.

Anar kezinde tigin tsehyn úlkeıtkisi keletindigin, múgedektigine baılanysty ekinshi deńgeıli bankterden nesıe ala almaı júrgenin aıtyp, nesıe alýǵa kómektesýin suraǵan bolatyn. Onyń qaısarlyǵy óńir basshysy Asqar Myrzahmetovty da beı jaı qqaldyrmady.

Sol nesıege Anardyń qol jetkizgenin óńirimizge Memleket basshysy Qasym-Jomart Toqaevtyń jumys saparymen kelip, «Arai Plaza» bıznes ortalyǵynda oblystyń zııaly qaýym, ardagerler, qoǵamdyq birlestikter, úkimettik emes uıymdar men etno-mádenı birlestikterdiń ókilderimen jáne jastarmen ótkizgen kezdesýinde bilgen edik.

Anar Beksultanova sol jıynda óziniń bul dúnıege eki qolsyz kelgenine qaramastan, joǵary oqý ornyn aıaqtap, 20 jyl oblystyq mýzeıde jumys istegenin aıtty.

Búginde ol eki qyz tárbıelep, jeke kásipkerlikti qosymsha alyp júr.


«Jumys isteımin degen azamattarǵa eki qolǵa bir kúrek tabylady. Men aıaǵymmen is tigemin, sýret te salamyn. Kórmelerge de qatysamyn. Úı sharýasymen de aınalysamyn. Úıimniń bir bólmesinen tigin tsehyn ashtym. Sol jerde qyz jasaýyn tigip otyrmyn. Osy isimdi bastaǵanda «Bıznestiń jol kartasy – 2020» baǵdarlamasy aıasynda 3 mıllıon teńge qaıtarymsyz grant jeńip alyp, jeti tigin mashınasyn aldym. Tórt áıeldi jumyspen qamtydym. Jaqynda osy isimdi keńeıtý úshin ekinshi dengeıli bankten taǵy da 3 mıllıon teńge nesıe alyp otyrmyn», - deıdi Anar.

Qazir ol aýlasynda jańa ashqaly otyrǵan tigin tsehynyń jumysy aıaqtap, tigin stanoktaryn ornatýda eken.

Osy bir taǵdyrdyń basqa salǵanyna qarsy turyp, kásip ashyp, ózgelerge jumys berip otyrǵan kásipker jýyrda Qazaqstan Respýblıkasy Ulttyq ekonomıka mınıstrliginen Qurmet gramotasymen marapattalypty. Anar óziniń az ǵana ýaqytta eńbegi elenip, osyndaı marapatqa ıe bolyp jatqanyna qýanyshty.

«Jumys istegisi keletin adamdarǵa jumys tabylatyndyǵyn, talaptansa jetistikke jetýge bolady», - dep qosty Anar.

Onyń aldaǵy maqsattarynyń biri – qyz jasaýyn satatyn dúken ashý.



Bizdiń kanalymyzǵa jazylyńyz:

Bólisińiz:

Avtor:

Ǵıbrat Sembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT