+7 (701) 759 90 19
USD 437.20 EUR 475.32
RUB 5.79 CNY 61.94
Jańalyqtar

Qoryqshyny óltirgender ómir boıyna bas bostandyǵynan aıyryldy

2020 jylǵy 21 aqpan 11:30
Bólisińiz:
Qoryqshyny óltirgender ómir boıyna bas bostandyǵynan aıyryldy

QARAǴANDY. QazAqparat – Búgin Qaraǵandy oblysynyń qylmystyq ister boıynsha mamandandyrylǵan aýdanaralyq sotynda qoryqshy Erlan Erlan Nurǵalıevti óltirgenderge qatysty sot úkimi shyqty, dep habarlaıdy QazAqparat.

Erlan Nurǵalıevti óltirý áreketine qatysty sot tyńdaýy Qaraǵandyda 2019 jyldyń tamyz aıynda bastaldy. Qylmystyq is 40 tomnan turady, tyńdaýǵa 80-nen astam kýáger qatysty. Sottalýshylar oryndyǵynda Berik Ahmetov, Nurlan Shúkildikov jáne Qaırat Aqshanov otyrdy.

Osyǵan deıingi sot tyńdaýynda prokýror barlyq úsh aıyptalýshyǵa ómir boıyna bas bostandyǵynan aıyrý jazasy berilsin, ony aıypkerler qaýipsizdigi erekshe kolonııada ótesin dep suraǵan bolatyn.

Qylmystyq ister jónindegi mamandandyrylǵan aýdanaralyq sotynyń sýdıasy Qaırat Qasymov prokýrordyń talap-aryzyn qanaǵattandyryp, sot úkimimen Berik Ahmetov, Qaırat Aqshanov jáne Nurlan Shúkildikulynyń ómir boıy bas bostandyǵynan aıyrý jazasyna kesilgendigin aıtty.

Osy iske qatysy bar taǵy tórt azamat: Berden Bazarov, Batyrbek Qaıyrbekov, Jarashan Myrzabaev jáne Aıdos Ákimovke qatysty qylmystyq isti sotqa deıingi tergeý organdary toqtatqan bolatyn. Alaıda Erlan Nurǵalıevtiń balasynyń advokaty ekijaqty pikirtalas barysynda bul sheshimmen kelispeıtinin, osyǵan baılanysty jeke qaýly shyǵaryp, qylmysty jasyrý men ol týraly quzyrly organdarǵa der kezinde habar bermeý baby boıynsha qylmystyq tergeýdi qaıta bastaýdy suraǵan bolatyn.

Osylaısha, joǵaryda atalǵan 4 azamat 6 jylǵa bas bostandyǵynan aıyryldy. Olar kinásin qylmystyq atqarý júıesiniń qaýipsizdigi ortasha mekemesinde óteıtin bolady.

Osyǵan deıingi otyrysta jábirlenýshi tarapynyń qorǵaýshysy 20 mln. teńge moraldyq shyǵyn jáne 9 mıllıon 137 myń 600 teńge kóleminde materıaldyq shyǵyn keltirilgenin atap ótti. Sonymen qatar, sottalýshy 17 aqbóken úshin ótemaqy tóleýge týra keledi – bul 89 mıllıon teńge.

7 azamattyń barlyǵyn sot zalynan alyp ketti.

Esterińizge sala keteıik, 13 qańtarda Teńiz kólinen ońtústik-batys baǵytta ornalasqan «Aq qoshqar» bógetiniń mańynda «Ohotzooprom» memlekettik kásipornynyń ınspektorlary Nıtsyk pen Nurǵalıev bes aqbókendi óltirgen brakonerlerdiń izine túsken bolatyn. Kóp uzamaı olar memlekettik nómiri joq eki jol talǵamaıtyn kólikti qýyp jetken.

Іzderine túskenin baıqaǵan kóliktegiler jasyrynýǵa tyrysqan, biraq olardyń bireýi toqtaýǵa májbúr bolǵan. Brakonerler ınspektorlarǵa shabýyl jasap, onyń sońy tóbeleske ulasqan. Oqıǵa saldarynan Erlan Nurǵalıev oqtan jaralanyp, aýyr bas súıek-mı jaraqatyn alǵan – qoryqshy qaıtys boldy. Shabýyldaýshylar onyń áriptesi Petr Nıtsyktiń jaǵyn syndyryp, birneshe pyshaq jaraqatyn salǵan. Qylmyskerlerge qashyp úlgergen.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT