+7 (701) 759 90 19
USD 432.64 EUR 505.02
RUB 5.47 CNY 64.7
Jańalyqtar

Kórshi elge shıkizat eksportyn tejeý kerek - Azat Perýashev

2020 jylǵy 23 qyrkúıek 15:08
Bólisińiz:
Kórshi elge shıkizat eksportyn tejeý kerek - Azat Perýashev

NUR-SULTAN. QazAqparat - «Aq jol» partııasy shıkizat eksportyn tejeý jáne Ózbekstanǵa óńdelgen ónimderdiń eksportyn yntalandyrý baǵytynda ulttyq ekonomıkanyń múddesin qorǵaýdy qajet dep sanaıdy. Osy oraıda Májilistiń jalpy otyrysynda depýtat Azat Perýashev Úkimetke saýal joldady, dep habarlaıdy QazAqparat tilshisi.

Uqsas jańalyqtar
Qazaqstan koronavırýsqa qarsy vaktsına satyp alý úshin qashan qarajat bóledi Májiliste bıýdjet zańnamasyn jetildirý boıynsha zań jobasy birinshi oqylymda maquldandy Depýtat: Ekologııalyq quzyretti ýákiletti organǵa berý bızneske qysym jasaýǵa jol ashady

«Eksportty damytý – bul memlekettik ekonomıkalyq saıasattyń mańyzdy baǵyttarynyń biri jáne otandyq óndirýshilerdiń naqty básekege qabilettiliginiń aıqyn kórinisi. Alaıda, eksporttyń damýyna tek kásipkerlerdiń kúsh-jigeri ǵana emes, sonymen qatar potentsıaldy eksporttaýshy elderdiń qazaqstandyq taýarlarǵa qatysty shekteý sharalary da áser etedi. TMD elderindegi Qazaqstannyń mańyzdy saýda seriktesteriniń biri – bul bizdiń jaqyn kórshimiz Ózbekstan Respýblıkasy. Kórshi elmen 2019 jyldyń sońynda saýda kólemi 2,7 mıllıard AQSh dollarynan asqan. Alaıda, bul kórsetkishter áldeqaıda joǵary, al eksport qurylymy áldeqaıda kúrdeli jáne tabysty bolýy múmkin», - dedi A. Perýashev Premer-Mınıstr Asqar Mamınge joldanǵan depýtattyq saýalynda.

Osy oraıda ol 1997 jyly eki el arasynda erkin saýda týraly Kelisim jasalǵanyn eske saldy. Sonymen qatar, 2013 jylǵy 31 mamyrdaǵy Hattamamen Ózbekstan 2011 jylǵy 18 qazandaǵy Erkin saýda aımaǵy týraly kelisimge qosyldy. Soǵan sáıkes Kelisimge qatysýshy memleketter jáne Ózbekstan taraptarǵa kedendik aýmaǵynan shyqqan taýarlardy ákelýge kedendik bajdardy qoldanbaýdy mindeti aldy.

«Soǵan qaramastan, búginde Ózbekstan tarapy 96 taýarlyq pozıtsııaǵa taýarlardyń kedendik qunynan 5-ten 50 paıyzǵa deıin aktsızdik salyq belgiledi. Sonymen qatar, olar shıkizat (eń aldymen aýyl sharýashylyǵy: bıdaı, maıly daqyldar, et pen janýarlardyń terisi jáne t.b.) eksportyn yntalandyryp, qazaqstandyq óńdelgen ónimderdiń ımportyn ádeıi shekteıdi. Bolashaqta bul Ózbekstanda shıkizattar óńdelip, sol qosymsha qun, jumys oryndary men joǵary paıda ákeledi. Al qazaqstandyq shıkizattan óndirilgen ónimniń bir bóligi odan ary qaraı, sonyń ishinde Qazaqstan naryǵyna eksporttalady. Qazaqstanda ózbekstandyq taýarlarǵa aktsızder nemese salyqtar salynbaıdy. Mundaı jaǵdaıda otandyq taýar óndirýshilerge ózbekstandyq taýar óndirýshilerimen tek ózbek naryǵynda ǵana emes, sonymen qatar óz elimizde de básekege túsý qıyn», - dedi depýtat.

Onyń sózine qaraǵanda, Qazaqstan men Ózbekstan bir-birine «erkin saýda» rejımin, ıaǵnı taýarlardyń eksporty men ımporty úshin teń jaǵdaılardy qamtamasyz etýi kerek. Іs júzinde, qazaqstandyq kásipkerler daıyn ónimdi emes, óńdelmegen shıkizatty satýǵa májbúr bolyp, alatyn paıdasynyń edáýir bóligin joǵaltyp otyr.

«Biz ózbek sheneýnikteriniń óz memleketine degen qamqorlyǵyn túsinemiz. Biraq bizdiń memlekettik organdar ózderiniń ulttyq múddelerin nege oılamaıtynyn túsinbeımiz? Árıne, ózbek halqy – qudaı qosqan dos kórshimiz. «Aq jol» QDP depýtattyq fraktsııasy osy aıtylǵandarǵa baılanysty másele úkimetaralyq deńgeıde sheshilgenge deıin, shıkizat eksportyn tejeý jáne Ózbekstanǵa óńdelgen ónimderdiń eksportyn yntalandyrý, sondaı-aq kórshi respýblıkadan taýarlarǵa qosymsha salyq salýdy yntalandyrý úshin osyndaı ashyq kedendik saıasatty júrgizý arqyly ulttyq ekonomıkanyń múddesin qorǵaýdy qajet dep sanaıdy», - dedi Azat Perýashev.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT