+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Koronavırýstyń jańa shtamdarynyń taralýy: Balalardaǵy alǵashqy belgiler

2021 jylǵy 26 qyrkúıek 22:05
Bólisińiz:
Koronavırýstyń jańa shtamdarynyń taralýy: Balalardaǵy alǵashqy belgiler

NUR-SULTAN. QazAqparat - Eger pandemııanyń basynda balalarda koronavırýs kóp jaǵdaıda jeńil nemese asımptomatıkalyq túrde ótse, vırýstyń jańa shtamdarynyń paıda bolýymen aýrý kúsheıe tústi. COVID-19 belgileri jáne onyń balalarǵa qalaı áser etetini jóninde pedıatr, ınfektsıonıst, medıtsına ǵylymdarynyń doktory, S.D. Asfendııarov atyndaǵy QazUMÝ balalar ınfektsııasy kafedrasynyń professory Ləzzat Eralıeva aıtyp berdi. QazAqparat bul týraly elorda ákimdiginiń saıtyna silteme jasap habarlaıdy.

Uqsas jańalyqtar
Antırekord: Reseıde bir táýlikte 1 075 adam koronavırýstan kóz jumdy Epıdahýaldy baǵalaý matrıtsasy: Atyraý oblysy «jasyl» aımaqqa ótti Qazaqstanda koronavırýstan emdelip jatqan 162 naýqastyń jaǵdaıy óte aýyr

Pedıatrdyń aıtýynsha, álemde COVID-19 vırýsynyń aýyr túrimen aýyratyn balalar jıi tirkele bastady. Bul jańa, anaǵurlym agressıvti jáne juqpaly koronavırýs shtamdarynyń paıda bolýymen baılanysty.

«Kovıdti týdyratyn SARS-CoV-2 vırýsy balanyń denesine aýa tamshylary nemese baılanys arqyly (zattar arqyly) enedi. Balalarda COVID-19-dyń alǵashqy belgileri eresekterde sekildi, ınfektsııa juqqan soń orta eseppen bir aptadan keıin paıda bolady. Immýnıteti álsiz balalarda ınkýbatsııalyq kezeń 2-3 kúnge deıin qysqarady. Bastapqy kezeńde aýrý qarapaıym sýyq tıgenge uqsaıdy: tamaq aýyryp, muryn biteledi jáne dene temperatýrasy joǵarylaıdy», - dep túsindirdi Lázzat Eralıeva.

Onyń aıtýynsha, kelesi 2-3 kún ishinde aldyńǵy belgilerge jeńil jótel, álsizdik, tábettiń joǵalýy, keýdedegi aýyrsyný, entigý jáne úlken dárettiń suıyq bolýy qosylady.

KVI-diń asa aýyr aǵymy bir jasqa deıingi balalarda jáne sozylmaly patologııalary men qosymsha aýrýlary bar 15 jastan asqan jasóspirimderde baıqalady.

«Ádette, balalar aýyrǵannan keıin 7-11 kúnde qalypqa kele bastaıdy. Balada COVID-19-ǵa tán alǵashqy belgiler paıda bolǵan kezde birden pedıatr shaqyrý kerek. Eń bastysy mynany este saqtańyz: balaǵa óz betinshe dıagnoz qoıýǵa, óz betinshe emdeýge jáne ózge de belgilerdiń paıda bolýyn kútýge múldem bolmaıdy!» - dep atap ótti medıtsına ǵylymdarynyń doktory.

Ol qazirgi ýaqytta balalardy koronavırýstan qorǵaýdyń naqty quraldary joq ekenin aıtty.

Balalardy vırýstan qorǵaýdyń jalǵyz ádisi – eresek turǵyndardy vaktsınalaý jáne ınfektsııaǵa shaldyqqandarmen baılanysqa túspeý.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT