Koronavırýstyń taǵy bir jańa shtamy anyqtaldy
2021 jylǵy 26 qarasha 09:12

Koronavırýstyń taǵy bir jańa shtamy anyqtaldy

NUR-SULTAN. QazAqparat - Ońtústik Afrıka Respýblıkasynda koronavırýstyń 1.1.529 ataýy bar jańa mýtatsııasy anyqtalǵan. Bul týraly QazAqparat VVS agenttigine silteme jasap habarlaıdy.

«Bul nusqa burynǵylarǵa qaraǵanda áldeqaıda juqpaly jáne vaktsınalardyń oǵan áseri tıimsiz bolýy ábden múmkin», - dep baıandady agenttikke bergen suhbatynda ońtústikafrıkalyq epıdemıolog, professor Salım Karım.

Juma kúni Dúnıejúzilik densaýlyq uıym sarapshylary jaǵdaıdy baǵalaý úshin Ońtústik Afrıka respýblıkasynda osy eldiń sheneýnikterimen kezdesedi. Vırýstyń jańa nusqasy grek alfavıtiniń bir árpimen («delta» nusqa sııaqty) ataý berilýi múmkin. Jańa shtamm «Nıý» dep atalýy joqqa shyǵarylmaıdy.
Beısenbi keshinde Ulybrıtanııa bıligi Afrıkanyń birneshe memleketinen (OAR, Namıbııa, Zımbabve, Bostvana, Lesoto jáne Esvatını) kelýshiler úshin mindetti karantın engizdi. Bul memleketterden Brıtanııaǵa áýe reısterine ýaqytsha tyıym salynǵan.
Ázirge Ońtústik Afrıka Respýlıkasynda, Gonkong jáne Bostavanada jańa nusqany juqtyrýdyń 59 oqıǵasy rastaldy. Ol alǵash ret Pretorııa aýdanyndaǵy birneshe stýdentten anyqtalǵan.


Jańalyqtar

MURAǴAT