+7 (701) 759 90 19
USD 409.19 EUR 461.24
RUB 5.67 CNY 58.26
Jańalyqtar

Koronavırýstyń qaýipti ekendigin óz basymnan ótkizip bildim – oraldyq dáriger

2020 jylǵy 25 mamyr 03:11
Bólisińiz:
Koronavırýstyń qaýipti ekendigin óz basymnan ótkizip bildim – oraldyq dáriger

ORAL. QazAqparat – Koronavırýstyń qaýipti aýrý ekendigin óz basymnan ótkizip bildim. Bul týraly oraldyq dáriger Ádilbek Nurymbet málim etti, dep habarlaıdy QazAqparat tilshisi.

Uqsas jańalyqtar
Mańǵystaý oblystyq aýrýhanasy kópbeıindi provızorlyq statsıonarǵa aýysty Almatyda koronavırýsty anyqtaıtyn taǵy bir test ortalyǵy ashyldy Nur-Sultanda kúnine 300 adam ókpeniń qabynýymen aýrýhanaǵa túsedi

Óziniń aıtýynsha, ol S.Asfendııarov atyndaǵy Qazaq ulttyq medıtsına ýnıversıtetin bitirgennen keıin 2011-2014 jyldary Qyzylorda qalasynda jumys istegen.

Ádilbek 2014 jyldan beri Oral qalasyndaǵy №4 emhanada jalpy tájirıbelik dáriger retinde eńbek etip keledi eken. Ol sonymen qatar alty jyl boıy oblystyq juqpaly aýrýlar aýrýhanasynda da túnde kezekshilik jumys atqaryp, ınfektsıonıst retinde mamandanypty.

Óziniń Facebook-tegi paraqshasynda jazǵanyndaı, Oralda koronavırýs kóbeıip ketkennen sáýir aıynyń aıaǵynda osy dertke shaldyqqan naýqastardy emdeýge shaqyrǵan.

«Dáriger, onyń ishinde ınfektsıonıst bolǵan soń, tikeleı boryshym ǵoı dep daıyndalyp bardym. Barar aldynda emhanada COVID-19-ǵa PTsR tapsyrdym. Taza bolǵan soń jumysqa kirisip kettim. Qorǵanysh kıimderin kıip, saqtyq

sharalaryn saqtadyq. Patsıentterdi emdep, barynsha túsindirip júrdik. Sol sáýir aıynyń aıaǵynda birneshe medıtsına qyzmetkeriniń (dárigerler, medbıke, sanıtarkalar) koronavırýs juqtyrǵany anyqtaldy. Menen de alǵan. Taza bolyp shyqty. Solarmen tikeleı qatynasta boldyńdar dep bizdi Kýmyskadaǵy provızorlyq statsıonarǵa jatqyzdy», deıdi ol.

Sodan úsh kún ótkende, dene qyzýy 37.3°S-qa joǵarylap, basy, beli, býyndary qatty aýyrǵany sonshalyq, jany kózine kóringen. Túnimen qusyp shyqqan. Erteńine koronavırýsqa taǵy synama alǵan. Synama qorytyndysynda

koronavırýs bary anyqtalyp, 3 mamyrda juqpaly aýrýhanaǵa ákep jatqyzǵan.

«Qyzýym 37,2-37,3 gradýs aınalasynda boldy. Basym, býyndarym, belim aýyrǵany kúsheımese basylmady.

Basymdy kótere almadym. Shynymdy aıtsam, bes kún nár tatpadym. Tamaqqa tábetim múldem bolmady. Ózim ınfektsıonıst bolyp jumys jasaǵanda qansha vırýsty aýrýlardy emdeı júrip, arasynda tumaýmen ózim de

aýyrdym. Biraq dál osyndaı aýrýdy kórgen emespin.Temperatýra 38,0-38,5 gradýs bolǵanda da paratsetamol iship, jumysymyzdy jalǵastyryp júre berýshi edik. Al myna

aýrýda bes kún basymdy kótere almadym. Oǵan jótel men keýdedegi qatty aýyrsyný qosyldy. Ókpeni kompıýterlik tomografııaǵa túsirgende, eki jaqty pnevmonııa anyqtaldy.

Qosymsha taǵy em qosyldy. 15 kún degende tolyq ózime keldim. 24 kún jatyp, eki ret synama tapsyryp, taza bolǵan soń 24 mamyr kúni aýrýhanadan shyqtym. Karantın bastalǵanda, aıaǵy aýyr kelinshegimdi balalarmen aýylǵa

jibergen edim. Koronavırýs juqtyryp alǵanymdy áke-shesheme de, kelinshegime de aıtpadym. Tek kontaktyda bolǵanym úshin karantınde jatyrmyn dedim. Sebebi olar qur

basqa ýaıymdaǵannan basqa ne isteı alady!? Tek shyqqan soń ǵana aýyryp emdelgenimdi, ýaıymdaýdyń qajeti joq ekenin aıttym», dep jazady Á.Nurymbet basynan ótkenin jasyrmaı.

«Aıtaıyn degenim, koronavırýs basqa juqpaly aýrýlarǵa uqsamaıdy. Óte aýyr ótedi jáne uzaq emdelýdi qajet etedi.

Qandaı aýrý bolsa da 7-9 kúnnen aspaıtyn. Qasymda jatqandarda da, birge túsken medqyzmetkerlerde de menikindeı jaǵdaı boldy. Intoksıkatsııa, pnevmonııa.

Sondyqtan bul aýrýǵa nemquraıly qaraýǵa bolmaıdy. Men jatqanda bir jigit tústi. Koronavırýs juqtyrǵan naýqaspen

qarym-qatynasta bolǵan. Synama alǵanda, taza bolyp shyqqan. Baılanysta bolǵany úshin 14 kún provızorlyq statsıonarǵa jat degendi tyńdamaı, aıqaılasyp, úıine ketip qalǵan. Bes kúnnen soń búkil otbasymen kelip tústi.

Barlyǵynda temperatýra, jótel, ıntoksıkatsııa.

Qazir ózimde barlyǵy jaqsy. Biraq qatty aýyrǵan kezimdi oılasam, júregim aýyryp ketedi.

Abaılaıyq, baýyrlar, saqtyq sharalaryn umytpaıyq!» dep túıindedi oıyn oraldyq dáriger.


Bizdiń kanalymyzǵa jazylyńyz:

Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT