Koronavırýstyń qaýipti delingen jańa shtamyna «Omıkron» degen ataý berildi
2021 jylǵy 27 qarasha 10:25

Koronavırýstyń qaýipti delingen jańa shtamyna «Omıkron» degen ataý berildi

NUR-SULTAN. QazAqparat – Ǵalymdar «biz kórgen aýrýdyń eń jamany» dep ataǵan koronavırýstyń jańa shtamynyń taralýy týraly habarlamadan keıin kóptegen shekaralar jabylyp, reıster toqtatyldy jáne búkil álemde naryq qulady, dep habarlaıdy QazAqparat VVS-ge silteme jasap.

DDU shuǵyl otyrysynda «qaýip týdyratyn» jańa nusqany resmı túrde jiktep, oǵan «Omıkron» degen ataý berdi. Jergilikti BAQ-tyń habarlaýynsha, vırýs Izraıl men Eýropaǵa jetken.

Reseı bıligi jańa nusqanyń taralýyna baılanysty juma kúni Afrıkanyń segiz memleketiniń, Madagaskar men Gonkong azamattaryna elge kirýge tyıym saldy.
Kovıdtiń taralýyna qarsy kúres boıynsha jedel shtabtyń habarlamasynda shekteý 28 qarasha kúni saǵat 00:00-den bastap engiziledi. Shekteý qoıylǵan memleketter tiziminde OAR, Botsvan, Lesoto, Namıbııa, Zımbabve, Mozambık, Esvatını jáne Tanzanııa bar.

Eske salsaq, Ońtústik Afrıka Respýblıkasynda koronavırýstyń 1.1.529 ataýy bar jańa mýtatsııasy anyqtalǵan edi.

Bul nusqa burynǵylarǵa qaraǵanda áldeqaıda juqpaly jáne vaktsınalardyń oǵan áseri tıimsiz bolýy ábden múmkin ekendigi aıtyldy.


Avtor:
Tilshi

Jańalyqtar

MURAǴAT