+7 (701) 759 90 19
USD 448.52 EUR 490.32
RUB 5.69 CNY 63.23
Jańalyqtar

Koronavırýstyń ınkýbatsııalyq kezeńi 24 kúnge jetýi múmkin – zertteý

2020 jylǵy 11 aqpan 17:38
Bólisińiz:
Koronavırýstyń ınkýbatsııalyq kezeńi 24 kúnge jetýi múmkin – zertteý

BEIJІŃ. QazAqparat – Jańa koronavırýstyń ınkýbatsııalyq kezeńi eki apta emes, 24 kúnge sozylýy múmkin.

Uqsas jańalyqtar
Shymkentte koronavırýspen tirkelgender jaıly sońǵy aqparat jarııalandy BQO-da karantın rejimin buzǵan turǵyn qamaýǵa alyndy Elimizde 21 adam koronavırýs juqtyrdy: Jalpy 423 adam indetke shaldyqqan

Mundaı tujyrym belgili epıdemıolog Chjýn Nanshan bastaǵan QHR Densaýlyq saqtaý isi jónindegi memlekettik komıtettiń saraptaý komıssııasy júrgizgen zertteý nátıjesinde jasaldy, dep habarlaıdy QazAqparat tilshisi medRxiv medıtsınalyq serverine silteme jasap.

Zertteý osy jyldyń 1-29 qańtary aralyǵynda QHR-dyń 31 ákimshilik-aýmaqtyq bólimindegi 552 aýrýhanada jańa koronavırýs ınfektsııasyn juqtyrǵan 1000-nan astam naýqasqa júrgizilgen. Onyń barysynda ortasha ınkýbatsııalyq kezeń úsh kúnge jalǵasatyny anyqtaldy, eń kóbi 24 kúnge jetýi múmkin.

Bul rette 1099 naýqastyń tek 1,18%-y jabaıy tabıǵatpen tikeleı baılanysta bolǵan.

Olardyń úshten bir bóligi Ýhan qalasynda (Hýbeı provıntsııasy, Ortalyq Qytaı) bolǵan, al 71,8% Ýhannan, epıdemııa oshaǵynan kelgen adamdarmen baılanysqan. Bul - koronavırýstyń adamnan adamǵa berilýiniń taǵy bir dáleli. Alynǵan nátıjeler boıynsha, koronavırýs óziniń otbasy múshelerinen jıi juǵatyny rastaldy.

Zertteý kóptegen basqa adamdarǵa qaraǵanda asa úlken kólemde ınfektsııa beretin «sýper taratýshylardyń» bolýyn joqqa shyǵarmaıdy. Mundaı taratý joly jańa koronavırýstyń tez taralýyna yqpal etýi múmkin.

Qytaı dárigerleri koronavırýs tek aýa-tamshy jolymen jáne tyǵyz baılanys arqyly ǵana emes, nájis arqyly beriletinin de anyqtady.

Bul rette koronavırýsty dıagnostıkalaý ádisinde kóptegen aýrý juqtyrǵandardyń anyqtalmaı qalýyna ákelýi múmkin aqaýlar bolýy múmkin, delingen zertteý jumysynda.

Zertteýde medıtsınalyq qyzmetkerlerdiń de aýrý juqtyryp jatqany aıtylǵan. Medpersonaldyń jańa koronavırýsqa shaldyǵý koeffıtsıenti 1099 naýqastyń arasynda 2,09%-dy qurady.

Dúnıejúzilik densaýlyq saqtaý uıymy (DDU) Jenevada 11-12 aqpanda koronavırýsqa qarsy kúreske kúsh-jigerdi jumyldyrý maqsatynda zertteýler men ınnovatsııalar boıynsha jahandyq forýmǵa shaqyrýda.

Forýmǵa jetekshi ǵalymdar, densaýlyq saqtaý uıymdarynyń ókilderi men medıtsına qyzmetkerleri jınalady. Pikirtalas barysynda vırýsty dıagnostıkalaý, aldyn alý jáne emdeý ádisteri, sondaı-aq vaktsınalardy ázirleý talqylanady.

Avtor: Tımýr Dúısekeev


Bizdiń kanalymyzǵa jazylyńyz:

Basty sózder: Medıtsına, Álem, Koronavırýs,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT