+7 (701) 759 90 19
USD 376.72 EUR 408.67
RUB 5.76 CNY 53.68
Jańalyqtar

Koronavırýstyń elimizde taralýyna jol bermeý jónindegi komıssııanyń otyrysy ótti

2020 jylǵy 27 qańtar 20:51
Bólisińiz:
Koronavırýstyń elimizde taralýyna jol bermeý jónindegi komıssııanyń otyrysy ótti

NUR-SULTAN. QazAqparat - Berdibek Saparbaev QR aýmaǵynda koronavırýstyń paıda bolýyna jáne taralýyna jol bermeý jónindegi VAK otyrysyn ótkizdi, dep habarlaıdy primeminister.kz.

Uqsas jańalyqtar
Densaýlyq mınıstri koronavırýs boıynsha qabyldanǵan sharalar týraly aıtty Eljan Birtanov: 20 aqpannan beri 160 adam karantınge jatqyzyldy Iran Densaýlyq saqtaý mınıstriniń orynbasary koronavırýs juqtyrdy

27 qańtar kúni QR Premer-Mınıstriniń orynbasary Berdibek Saparbaev QR aýmaǵynda koronavırýstyń paıda bolýyna jáne taralýyna jol bermeý jónindegi vedomstvoaralyq komıssııanyń otyrysyn ótkizdi.

Komıssııa quramyna densaýlyq saqtaý, syrtqy ister, ishki ister, bilim jáne ǵylym, qarjy, ındýstrııa jáne ınfraqurylymdyq damý, mádenıet jáne sport, aqparat jáne qoǵamdyq damý mınıstrlikteriniń, UQK Shekara qyzmetiniń basshylary, Almaty, Shyǵys Qazaqstan, Mańǵystaý, Aqtóbe oblystarynyń, Nur-Sultan jáne Almaty qalalarynyń ákimderiniń orynbasarlary kirdi.

« Qytaıda 2700-den asa koronavırýspen syrqattaný oqıǵasy tirkeldi, 80 adam kóz jumdy. Álemde 50 aýrýdyń juǵý oqıǵasy tirkeldi. Memleket basshysynyń tapsyrmasy boıynsha Úkimet qorǵaný sharalaryn qabyldady, tıisti is-sharalar jospary ázirlendi «, - dedi vıtse-premer.

Otyrysta shekarada sanıtarııalyq-epıdemıologııalyq baqylaýdy kúsheıtý, QHR-dan kelýshilerdiń barlyǵyn turǵylyqty jeri boıynsha baqylaý, medıtsına uıymdary men qyzmetkerleriniń ázirligin qamtamasyz etý, QHR-dan keletin tranzıttik jolaýshylar úshin QR aýmaǵynda 72 saǵattyq vızasyz bolý rejıminiń kúshin toqtatý jáne basqa da máseleler qaraldy.

Sonymen qatar Ýhan qalasyndaǵy Qazaqstan azamattaryn evakýatsııalaý máselesi talqylandy.

Syrtqy ister mınıstriniń birinshi orynbasary Sh. Nuryshevtiń aıtýynsha, Ýhan qalasynda búginde 98 qazaqstandyq stýdent bar. Dıplomattar olarmen baılanysta jáne QHR SІM-men birlesip olardy evakýatsııalaý máselelerin pysyqtaýda. QHR-daǵy QR elshiliginde jedel jeli ashyldy, táýlik boıǵy kezekshilik uıymdastyryldy. Bul rette, qytaı tarapy áli eshqandaı memleketke óz azamattaryn alyp ketýge ruqsat bergen joq.

Óz kezeginde, densaýlyq saqtaý mınıstri Eljan Birtanov bıyl 6 qańtardan bastap sanıtarııalyq-epıdemologııalyq qyzmetterdiń kúsheıtilgen rejımde jumys istep jatqanyn atap aıtty.

« QHR-men shekara arqyly ótkizý pýnktterinde 20 myńǵa jýyq adam tekserildi. Olardyń barlyǵy monıtorıngke alyndy jáne 14 kún boıy esepte turady. Qaıta kelgenderdiń barlyǵyn da osylaısha qadaǵalaıtyn bolamyz. Oqý-jattyǵý júrgizildi, call-ortalyq ashyldy, qosymsha 4780 tósek-orynǵa karantın úshin rezervtik statsıonarlar ázirlendi. Medıtsına buıymdary men preparattarynyń qosymsha qajettiligi boıynsha esep-qısap jasalýda «, - dedi mınıstr.

Otyrysty qorytyndylaǵan Berdibek Saparbaev densaýlyq saqtaý, aqparat jáne qoǵamdyq damý mınıstrlikterine turǵyndar arasynda kún saıyn aqparattyq-túsindirý jumystaryn júrgizýdi tapsyrdy. Oblystar men qalalardyń ákimdikteri de óńirlik deńgeıde osyndaı jumystar júrgizýi tıis.

« Barlyq jaýapty memlekettik organdar ózara tıimdi árekettestik ornatyp, Іs-sharalar josparynyń múltiksiz oryndalýyn qamtamasyz etýi kerek. Búginde Qazaqstanda bul aýrýǵa shaldyǵý oqıǵasy tirkelgen joq, biraq biz daıyn bolyp, qajet bolǵan jaǵdaıda jyldam áreket etýimiz kerek. Densaýlyq saqtaý mınıstrligi men jergilikti atqarýshy organdar qosymsha kúshter men quraldardy, onyń ishinde jeke qorǵanysh quraldary men dári-dármekterdi, medıtsına uıymdaryn qarastyrýy kere k», - dedi vıtse-premer.


Bizdiń kanalymyzǵa jazylyńyz:

Bólisińiz:

Avtor:

Qanat Mámetqazyuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT