+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Koronavırýstyń aldyn alý men emdeýdiń qazaqstandyq ádisi ázirlenbek

2020 jylǵy 22 mamyr 17:44
Bólisińiz:
Koronavırýstyń aldyn alý men emdeýdiń qazaqstandyq ádisi ázirlenbek

ALMATY. QazAqparat – Qazaqstandyq ǵalymdar personaldy jáne preventıvti medıtsına arqyly COVID -19 baqylaý, aldyn alý men emdeýdiń qazaqstandyq ádisin ázirlemek. Bul týraly QazAqparat Densaýlyq saqtaý mınıstrliginiń baspasóz qyzmetine silteme jasap habarlaıdy.

Búgin Almatyda QR Densaýlyq saqtaý mınıstri Eljan Birtanovtyń qatysýymen 2020-2022 jyldarǵa arnalǵan «Qazaqstanda personaldy jáne preventıvti medıtsına engizý týraly» ǵylymı-tehnıkalyq baǵdarlamaǵa arnalǵan keńes ótti.

Mınıstr bastaǵan top pen respýblıkalyq ǵylymı qoǵamdastyq bakterıologııa, vırýsologııa, ımmýnologııa jáne molekýlalyq genetıka máselelerin talqylady.

Negizgi baıandamashy S.D. Asfendııarova atyndaǵy QazUMÝ ǵylym jáne tsıfrlandyrý jónindegi prorektory B. Júsipov 2020-2022 jyldarǵa arnalǵan «Qazaqstan Respýblıkasynda personaldy jáne preventıvti medıtsına engizý týraly» ǵylymı-tehnıkalyq baǵdarlama usyndy.

Ǵylymı jobanyń maqsaty - densaýlyq saqtaý salasyna genomdyq, jasýshalyq jáne aqparattyq tehnologııalarmen birge personaldy medıtsına engizý, sondaı-aq negizgi ınfektsııalyq emes aýrýlardyń jáne COVID-19 profılaktıkasyn, terapııasyn basqaratyn sheshimder ázirleý.

Baǵdarlama iske assa, epıdemıologııalyq, ekonomıkalyq, normatıvtik quraldardy qoldanyp, genetıkalyq faktorlardy eskere otyryp, áleýmettik mańyzy bar aýrýlar men COVID-19, negizgi nozologııalar boıynsha Qazaqstanda personaldy profılaktıka men terapııany engizý úshin dáleldeme bazasyn, onyń ishinde otandyq referenttik genom qurylady.

Sondaı-aq, adamnyń genetıkalyq erekshelikterin eskere otyryp antıdenelerdiń taralýyn, vırýstyń jáne aýrýdyń dárejesine áser etetin, COVID -19 baqylaý, aldyn alý jáne emdeý ádisterin ázirleý máselesi qaraldy. Sozylmaly derti bar patsıentterdi emdeý nátıjesin jaqsartý úshin olardyń jeke sıpattamalaryn eskeretin jasandy ıntellekt engizý de talqylandy.

Keńeske elimizdegi jetekshi ǵylymı uıymdar: Densaýlyq saqtaý mınıstrligine qarasty joǵary oqý oryndary men ǵylymı ortalyqtardyń qyzmetkerleri, ǵalymdar, mınıstrliginiń vedomstvolyq uıymdary qatysty.

Kezdesý sońynda Eljan Birtanov qatysýshylarǵa alǵys bildirdi. COVID-19 dıagnostıkalaý men emdeý úshin jańa ǵylymı komponenttiń óte mańyzdy ekenin jáne ol praktıkada asa qajettigin eskerdi.

Mınıstrdiń aıtýynsha, koronavırýs ınfektsııasyn ǵylymı zertteýler vırýspen kúresýdiń jáne onyń taralýyn tejeýdiń tyń jolyn kórsetedi. Birtanov ǵylymı tájirıbeni preventıvti medıtsınaǵa tezirek ımplementatsııalaý úshin tıisti uıymdarmen birge ınstıtýtsıonaldyq rásimderdi iske qosýdy jáne QR DSM janynan epıdemıologııa men bıoqaýipsizdik máseleleri boıynsha mamandandyrylǵan konsýltattsııalyq-keńes qurýdy tapsyrdy.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT