+7 (701) 759 90 19
USD 439.01 EUR 474.61
RUB 5.75 CNY 61.91
Jańalyqtar

Koronavırýsty aldyn alý: ShQO-da jedel shtab quryldy

2020 jylǵy 27 qańtar 23:30
Bólisińiz:
Koronavırýsty aldyn alý: ShQO-da jedel shtab quryldy

NUR-SULTAN. QazaAqparat - Qytaıdan shyqqan koronavırýstyń taralýyna jol bermeý úshin ShQO-da jedel shtab quryldy. Bul týraly óńir basshysy Danıal Ahmetov facebook paraqshasynda jazdy, dep habarlaıdy QazAqparat.

«QHR-men bizdiń oblystyń shyǵys bóligi shektesedi. 2 aqpanǵa deıin «Baqty» jáne «Maıqapshaǵaı» keden beketteri arqyly shekaradan ótý toqtatyldy. Qazirgi tańda eki baǵytta da azamattar men taýarlardyń qozǵalysyn tolyq toqtatý máselesi sheshilýde», - deıdi oblys ákimi.

Onyń habarlaýynsha, ShQO-da azamattarymyzdy qaýipti aýrýdan qorǵaý úshin shekaralyq beketterdegi sanıtarlyq-baqylaý pýnktteri teplovızorlarmen jabdyqtalǵan.

«Baqty jáne Maıqapshaǵaıda 6 teplovızor bar. Semeı jáne Óskemen áýejaılarynda jolaýshylardy monıtorıngten ótkizý úshin úsh teplovızor jumys isteıdi. Aldaǵy kúnderi «Aqtoǵaı» temirjol stantsııasyn teplovızorlarmen qamtamasyz etýdi josparlap otyrmyz», - deıdi ákim.

Sonymen qatar, óńirdiń barlyq medıtsınalyq uıymdary joǵary daıyndyq rejıminde jumys isteýde. Vırýsqa qarsy preparattardyń qajetti qory, sondaı-aq 12 400 qorǵanysh kostıýmderi, 670 000 respırator jáne 7 mln. birrettik maskalar bar.

«Kúdikke ilingen, vırýs juqtyrǵan adamdardy tasymaldaıtyn 2 jeke kólik kapsýlasyn daıyn. Taǵy 4 kapsýlaǵa jáne L-1 tıpti 18 qorǵanysh kostıýmine ótinim berildi. Qytaı shekarasynan ary-beri ótken azamattardyń densaýlyq jaǵdaıy muqııat baqylaýǵa alynǵan. Dostar, qazirgi ýaqytta Shyǵys Qazaqstan oblysynyń aýmaǵynda koronavırýspen aýrý faktileri tirkelgen joq. Jaǵdaı meniń jiti baqylaýymda», - dep jazdy Danıal Ahmetov.



Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT