+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Koronavırýstan keıingi ońaltý jumystary qalaı júrgizilýde

2020 jylǵy 24 qyrkúıek 19:42
Bólisińiz:
Koronavırýstan keıingi ońaltý jumystary qalaı júrgizilýde

ALMATY. QazAqparat – Almatydaǵy №4 qalalyq emhananyń bas dárigeri Zýhra Omarova medıtsınalyq ońaltý ortalyǵynda kardıologııa, nevrologııa,neırohırýrgııa, travmatologııa, ortopedııa baǵyttary boıynsha 3 kezeńnen turatyn ambýlatorlyq ońaltý júrgiziletinin málim etti, dep habarlaıdy QazAqparat tilshisi.

Dárigerdiń aıtýynsha, patsıentterdi jalpy tájirıbedegi ýchaskelik dárigerdiń joldamasy boıynsha mindetti áleýmettik medıtsınalyq saqtandyrý jáne ambýlatorly-emhanalyq kómek aıasynda qabyldaıdy. Qazirgi ýaqytta koronavırýspen aýyrǵandar úshin belsendi túrde ońaltý júrgizilýde: oksıgenoterapııa, arnaıy drnajdy massaj, tynys alý gımnastıkasynyń belgili tehnıkalary, emdik dene shynyqtyrý. Sonymen birge, psıhologııalyq jáne áleýmettik beıimdeý kómegi kórsetiledi.

«Bronh-ókpelik júıe ǵana emes, sondaı-aq, júrek-qan tamyry júıesine zaqym kelgennen keıin mamandar tek tynys alýmen ǵana emes, búkil aǵzamen birtutas júıe retinde jumys isteıdi.Ortalyqta qalpyna keltirý medıtsına dárigeri, reabılıtolog, kınezıterapevt, ergoterapevt, dıplomdy ıne terapevti, logoped-defektolog, psıhologtar, áleýmettik qyzmetker, massaj jasaýshy maman, emdik gımnastıka jáne tynys alý gımnastıkasy boıynsha ınstrýktorlar qyzmet etedi. Sonymen birge, fızıoterapııa, parafınoterpııa, ıne terapııasy, galoterapııa, ıaǵnı, tuzdy shahta jasalady», – dedi dáriger.

Sonymen qatar, ol mehanıkalyq terapııaǵa arnalǵan apparattar bar ekenin atap ótti.

«Mysaly, ıyq býyndarynyń, jambas, tize, taban býyndarynyń passıvti apparattary bar. Belsendi mehanıkalyq terapııa úshin qosymsha quraldar balalar men eresekterge arnalǵan vertıkalızatorlary bar. Ergoterpııa júrgizip, usaq motorıka daǵdylaryn qalpyna keltirý úshin arnaıy ergostoldardy qoldanamyz»,– dep qosty Zýhra Omarova.

Bas dáriger ońaltý qyzmetteri ambýlatorly túrde jáne telemedıtsınalyq jáne aqparattyq tehnologııalardy qoldaný arqyly kórsetiletinin tilge tıek etti.

Qazirgi ýaqytta koronavırýstan keıin qalpyna keltiretin ońaltý kýrstarynan 67 adam ótýde. Ortasha eseppen ońaltý kýrsy 10-20 kúnge jalǵasady.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janat Qapalbaeva
Janat Qapalbaeva
954-059

MURAǴAT