+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Koronavırýspen kúrestegi yntymaqtastyq Qazaqstan - Qytaı seriktestiginiń jarqyn sáti boldy – QR Prezıdenti

2020 jylǵy 3 maýsym 12:00
Bólisińiz:
Koronavırýspen kúrestegi yntymaqtastyq Qazaqstan - Qytaı seriktestiginiń jarqyn sáti boldy – QR Prezıdenti

NUR-SULTAN. QazAqparat – Memleket basshysy Qasym-Jomart Toqaev Reseıdiń «Komsomolskaıa pravda» gazetine bergen suhbatynda Qazaqstan men Qytaı qarym-qatynasynyń negizgi jetistikterin atady, dep habarlaıdy QazAqparat.

Uqsas jańalyqtar
Elimizde koronavırýs juqtyrǵandar sany 58 myńnan asty Mańǵystaýǵa Reseıden bir top dáriger kómekke keldi Atyraý oblysyna 55 jedel járdem kóligi jetkiziledi

«Qytaımen yntymaqtastyqty damytýda Tuńǵysh Prezıdentimiz Nursultan Nazarbaev jemisti eńbek etti. Qazirgi ýaqytta eki memleket arasyndaǵy qarym-qatynastar uzaq merzimdi strategııalyq seriktestik deńgeıine jetti. Joǵary saıası deńgeıdegi baılanystardyń oń qarqyny qalyptasty. Byltyr qyrkúıek aıynda Sı Tszınpınmen júrgizilgen kelissózder barysynda eki el arasyndaǵy yntymaqtastyqtyń basym baǵyttaryn aıqyndaıtyn Birlesken málimdeme qabyldandy. Biz halyqaralyq jáne aımaqtyq uıymdarda (BUU, ShYU, AÓSShK) tyǵyz jumys isteımiz»,- dedi Qazaqstan Prezıdenti.

Prezıdenttiń aıtýynsha, Qytaı – Qazaqstannyń mańyzdy ekonomıkalyq seriktesi. 2019 jyly ekijaqty taýar aınalymy 14,5 mıllıard dollarǵa jetti.

«COVID-2019 pandemııasymen kúrestegi yntymaqtastyq pen kórsetilgen ózara kómekti seriktestik tarıhyndaǵy jarqyn sát dep aıtýǵa bolady. Qazaqstan Ýhanǵa medıtsınalyq gýmanıtarlyq kómek jiberdi. Telefon arqyly sóıleskenimizde Tóraǵa Sı Tszınpın «Dos basyńa is túskende tanylady» degen maqaldyń dál osyndaı sátte ózekti ekenin aıtty. Koronavırýs tolqyny Qazaqstanǵa kelgende Qytaı tarapy da dereý gýmanıtarlyq kómek kórsetip, Qazaqstanǵa bilikti mamandar tobyn jiberdi»,-dedi - dedi Qasym-Jomart Toqaev.

Budan bólek, suhbat barysynda Prezıdent Ortalyq Azııa, Qytaı jáne Reseı halyqtary ǵasyrlar boıy bir-birimen belsendi saýda jasasyp, rýhanı ilim-bilimderin almasyp keletinin, sondyqtan Uly Jibek joly aımaqtyń tarıhı sımvolyna aınalǵanyn atap ótti.

«Ortalyq Azııanyń geostrategııalyq ornalasýy men onyń aýqymdy áleýeti álemdik qaýymdastyqtyń jáne Qytaıdyń da nazaryn ózine aýdartyp otyrǵany sózsiz. «Bir beldeý – bir jol» bastamasy Ortalyq Azııada tartymdy jobalardy qolǵa alýǵa múmkindik berdi. Olardyń kópshiligi Azııa ınfraqurylymdyq ınvestıtsııalar banki men Jibek joly qorynyń kómegimen júzege asyryldy. Árıne, «Bir beldeý – bir joldyń» qurlyqtyq quramyn Qytaı men Eýropany, Taıaý Shyǵysty baılanystyryp otyrǵan Qazaqstan jáne aımaqtaǵy basqa da eldersiz elestetý múmkin emes. Qytaıdan tartylǵan ınvestıtsııa men ekijaqty saýda kólemi turaqty túrde ósip keledi. 2018 jyly aımaqtyń bes eline jınaqtalǵan Qytaıdyń tikeleı ınvestıtsııasy 15 mıllıard dollarǵa jýyqtady. Byltyr Ortalyq Azııanyń Qytaımen jalpy taýar aınalymy 33 mıllıard dollardan asty. Eki tarap ta saýda-ekonomıkalyq jáne ınvestıtsııalyq yntymaqtastyqty damytýǵa múddeli. Sondyqtan «Qytaı ekspansııasy» týraly pikir istiń naqty jaǵdaıyna sáıkes keledi dep oılamaımyn»,-dedi dedi Memleket basshysy.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT