+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Koronavırýspen kúresip, Eńbek Eri atanǵan dárigerdiń marapaty jubaıyna berildi

2020 jylǵy 14 shilde 19:45
Bólisińiz:
Koronavırýspen kúresip, Eńbek Eri atanǵan dárigerdiń marapaty jubaıyna berildi

AQTÓBE. QazAqparat – Oblystyq juqpaly aýrýlar aýrýhanasynyń bas dárigeri marqum Qalıhan Qozbaǵarov pen medbıke Qulaı Egeýbaıdyń nagradalary jubaıy men qyzyna tapsyryldy, dep habarlaıdy QazAqparat tilshisi.

Uqsas jańalyqtar
Astana kóshelerine koronavırýspen kúresip júrgen dárigerlerdiń sýreti ilindi

Keshe Prezıdent Qasym – Jomart Toqaev birqatar medtsına qyzmetkerlerine memlekettik nagrada berý týraly Jarlyqqa qol qoıdy. Búgin oblystyq klınıkalyq juqpaly aýrýlar aýrýhanasynyń bas dárigeri marqum Qalıhan Qozbaǵarovtyń jubaıyna Altyn juldyz ben «Otan» ordeni tabys etildi. Sonymen birge Baıǵanın aýdandyq aýrýhanasynyń medıtsına qyzmetkeri Qulaı Egeýbaıdyń qyzyna «Qurmet» ordeni tapsyryldy.

«Osyndaı qıyn qystaý kezeńde bizdiń dárigerler azamattarymyzdyń ómirin aman alyp qalý úshin eshteńemen sanaspaı aýyr dertke betpe bet keldi. Ókinishke qaraı, bul kúreste biz aldyńǵy qatarda turǵan medıtsına qyzmetkerlerimizden de aırylyp qalyp jatyrmyz. Prezıdentimiz Qasym-Jomart Kemeluly Toqaev ómiriniń sońyna deıin boryshyn ótegen dárigerlerdiń eńbegin joǵary baǵalap, oblystyq klınıkalyq ınfektsııalyq aýrýhananyń bas dárigeri Qalıhan Esbosynuly Qozbaǵarovqa qaıtys bolǵannan keıin «Qazaqstannyń Eńbek Eri» ataǵyn berý týraly jarlyqqa qol qoıdy. Bul elimiz ben otandyq densaýlyq saqtaý salasy úshin orny tolmas qasiret«,- dedi dárigerdiń jubaıyna Altyn juldyz ben «Otan» ordenin tabys etken oblys ákimi.

Aıta keteıik, Qalıhan Qozbaǵarov 40 jylǵa jýyq ýaqyt boıy tynbaı eńbek etti. 1985 jyly nevropatolog-dáriger bolyp qyzmet atqardy. 1997 jyldan bastap Hromtaý aýmaqtyq - medıtsınalyq birlestiginiń bas dırektory, 1999 jyldan bastap Hromtaý aýdandyq densaýlyq saqtaý bóliminiń meńgerýshisi, 2003 jyldan 2012 jylǵa deıin Hromtaý ortalyq aýdandyq aýrýhanasynyń bas dárigeri bolyp eńbek etti. 2012 jyl jeltoqsan aıynan kúni búginge deıin Aqtóbe oblystyq ınfektsııalyq aýrýhananyń bas dárigeri qyzmetin atqardy.

«Jaýapkershiligi joǵary adam boldy. Ol tapsyrma beredi, biraq bárin qaıta tekseredi. Qolǵa alǵan isti sońyna deıin jetkizetin. Aldymen ózim aýyrdym, keıin Qalıhan naýqastandy. Únemi aýrýhanada júrdi. Demalys almady. Jan-tánimen óz mamandyǵyna berilgen jan edi», - deıdi Qalıhan Qozbaǵarovtyń jubaıy Valentına ıÝrııqyzy.

Baıǵanın aýdandyq aýrýhanasynyń medıtsınalyq qyzmetkeri Qulaı Egeýbaı qaıtys bolǵannan keıin «Qurmet» ordenimen marapattalǵan bolatyn. Marapat marqumnyń qyzyna berildi.

«Anam 35 jyl medıtsına salasynda eńbek etti. Abyroıly jan. Buǵan deıin de eńbegi elenip, marapattalǵan edi. 6 balanyń alasy, Kúmis alqa ıegeri. Aýdan, aýylǵa tanymal, meıirimdi jan. Bári qazasyna qatty qaıǵyrdy. Ózi aýyrsa da tynym tappady», - deıdi Qulaı Egeýbaıdyń qyzy Ásel Baqytjanqyzy.


Bizdiń kanalymyzǵa jazylyńyz:

Bólisińiz:

Avtor:

Altynaı Saǵyndyqova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Úmbet Sholpan
Úmbet Sholpan
954-059

MURAǴAT