+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Koronavırýspen kúres: Qazaqstandyqtar Halyqtyq baqylaý tobyna qosylýda

2020 jylǵy 11 shilde 19:51
Bólisińiz:
Koronavırýspen kúres: Qazaqstandyqtar Halyqtyq baqylaý tobyna qosylýda

NUR-SULTAN. QazAqparat – Aqparat jáne qoǵamdyq damý mınıstriniń keńesshisi Lıma Dıas qazaqstandyqtardy Halyqtyq baqylaý tobyna qosylyp, medıtsınalyq uıymdarǵa monıtorıng júrgizýge shaqyrdy, dep habarlaıdy QazAqparat tilshisi.

«Bul - árbirimizdiń azamattyq jaýapkershiligimiz! Biz pandemııany osy jolmen jeńe alamyz. Qazirgi tańda osynaý úreıli aýrý órship turǵan ýaqytta halyqtyń kúshi qalaı oıanyp kele jatqanyn, qoǵamdyq baqylaýdyń mańyzy zor ekenin kórip otyrmyz. Belsendi qazaqstandyqtar kún saıyn volonterler qataryna jazylyp, elge pandemııany eńserýge kómektesýde. Árkim shama-sharqynsha atsalysýda», - dep jazady Lıma Dıas Facebook-paraqshasynda.

Onyń jazýynsha, belsendiler medıtsınalyq uıymdardyń ishinde qoǵamdyq baqylaý júrgizip jatyr. Osy bastama Densaýlyq saqtaý mınıstri Alekseı Tsoıdyń da nazaryn aýdartqan.

«Memlekettiń osyndaı bastamany qoldap jatqany qýantady. Men de daıynmyn. Taıaýdan beri Aqparat jáne qoǵamdyq damý mınıstri Aıda Balaevanyń keńesshisimin. Aqparat jáne qoǵamdyq damý mınıstrligi tarapynan aýrýhanalarǵa qoǵamdyq baqylaý júrgizý jumysyn úılestirý maǵan júkteldi», - deıdi ol.

Bul rette, Halyqtyq baqylaý medıtsınalyq personaldyń jumysyna kedergi keltirmeýdi basty nazarǵa alyp otyr.

«Sol sebepti dárigerlerge eń birinshi kezekte kómektesý úshin qoǵamdyq baqylaý kerek. Qazirgi ýaqytta mańyzdysy: monıtorıng pen baqylaýdyń tıimdi mehanızmderin daıarlap, qysqa ýaqytta belsendilerdi úılestirý kerek, BAQ pen memlekettik organ bolyp, bir-birimizben yqpaldasa jumys júrgizgenimiz durys. Ideıalaryńyz nemese usynystaryńyz bolsa, qoǵamdyq baqylaý tobyna qosylǵyńyz kelse pikirge usynysyńyzdy qaldyryńyz. Bolmasa diaslimakz@gmail.com poshtasyna hat joldaýǵa bolady. Baılanystamyn», - deıdi ol.

Eske sala ketsek buǵan deıin QR Densaýlyq saqtaý mınıstri Alekseı Tsoı aýrýhanada emdelip jatqan naýqastarǵa dári-dármek jetpeı jatqany týraly áleýmettik jelide taraǵan vıdeoǵa qatysty jaýap bergen edi. Mınıstr medıtsınalyq uıymdardyń jumysyn qadaǵalaıtyn Halyqtyq baqylaý quratynyn aıtqan.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT