+7 (701) 759 90 19
USD 425.05 EUR 509.29
RUB 5.58 CNY 64.66
Jańalyqtar

Koronavırýspen kúres: Eraly Toǵjanov ShQO-daǵy medıtsınalyq nysandardyń jumysymen tanysty

2020 jylǵy 31 qazan 10:36
Bólisińiz:
Koronavırýspen kúres: Eraly Toǵjanov ShQO-daǵy medıtsınalyq nysandardyń jumysymen tanysty

NUR-SULTAN. QazAqparat - QR Premer-Mınıstriniń orynbasary Eraly Toǵjanov Shyǵys Qazaqstan oblysyndaǵy epıdemıologııalyq ahýal máseleleri boıynsha jumys keńesin ótkizip, birqatar áleýmettik nysandardy aralady, dep habarlaıdy QazAqparat.

Uqsas jańalyqtar
Qazaqstanda Munaı-gaz mashınasyn jasaýdy damytýdyń halyqaralyq ortalyǵy qurylady ShQO-da jeńgetaılyqpen aınalysqan 3 adam ustaldy ShQO polıtseıleri tórt kúnde 45 mas júrgizýshini ustady

Keńes qalalar men aýdandar ákimderiniń, ShQO boıynsha densaýlyq saqtaý basqarmasynyń, polıtsııa departamentiniń, taýarlar men qyzmetterdiń qaýipsizdigi sapasyn baqylaý departamentiniń basshylarynyń, bas sanıtarııa dárigerleriniń qatysýymen ótti.

Aımaq basshysy Danıal Ahmetov qazirgi epıdemıologııalyq jaǵdaı týraly baıandady. 30 qazandaǵy jaǵdaı boıynsha Shyǵys Qazaqstanda koronavırýs ınfektsııasyn juqtyrýdyń 9565 jaǵdaıy tirkelgen.

Oblys ákiminiń aıtýynsha, eń qıyn jaǵdaı Óskemen, Glýbokoe jáne Aıagóz aýdandarynda oryn alǵan. Baqylaýda 585 ınfektsııa oshaǵy, 1592 baılanysta bolǵan adam bar. COVID-19 taralý qaýpin azaıtý jáne baılanysta bolǵandar men olardyń jaqyndaryn ýaqtyly anyqtaý úshin 516 medıtsına brıgadasy, sondaı-aq oshaqtardy oqshaýlaý ortalyǵy jumys isteıdi.

Koronavırýstyń ekinshi tolqyny bastalǵan kezeńde ýaqytyly sapaly medıtsınalyq kómek kórsetý úshin oblysta 40 ınfektsııalyq statsıonar daıyndaldy, tolyq medıtsınalyq jabdyqtalǵan 6,1 myń tósek-oryn uıymdastyryldy. Sonymen qatar, Danıal Ahmetov atap ótkendeı, birinshi jaǵdaı tirkelgen sátten bastap ınfektsııalyq statsıonarlardyń tósek sany 12 esege artty.

Oblys qajetti jabdyqtarmen qamtamasyz etilgen, qazir aýrýhanalarda 18 kompıýterlik tomograf, 67 rentgen apparaty, 1,1 myńnan astam ottegi kontsentratory, 300-den astam ÓJJ apparaty bar. Aldaǵy kúnderi barlyq aýdandyq jáne qalalyq medıtsınalyq uıymdar ottegimen qamtamasyz etýdiń arnaıy júıelerimen jaraqtandyrylatyn bolady. Oblys boıynsha tósek qorynyń jumyspen qamtylý paıyzy 26,5 qurady.

Budan basqa, Reseı Federatsııasynan qajetti medıtsınalyq preparattardy satyp alý boıynsha jumystar jalǵasýda. Sondaı-aq, óńirde dárilik zattardyń eki aılyq qory bar. 10 kún ishinde aýrýhanalar bazasynda alty PTR-zerthana jasaqtaldy. Sonyń nátıjesinde óńirde zerthanalardyń qýaty táýligine 6 myń testini quraıdy.

Keńes qorytyndysy boıynsha Eraly Toǵjanov oblys ákimdigine on kúndik merzimde óńirdegi epıdemıologııalyq jaǵdaıdy turaqtandyrý boıynsha túbegeıli sharalar qabyldaýdy tapsyrdy. Osyǵan baılanysty, 2 qarashadan bastap Óskemennen kirýge jáne shyǵýǵa áýe jáne temirjol qatynastaryn qysqartý, oblysqa kirýge jáne shyǵýǵa shekteý qoıý, sanıtarlyq beketter ornatý, demalys jáne mereke kúnderi shekteý sharalaryn kúsheıtý, qoǵamdyq kóliktiń qatynaý sanyn ulǵaıtý, adamdar kóp jınalatyn jerlerge erekshe nazar aýdara otyryp, monıtorıngtik toptardyń karantındik rejımdi saqtaý jónindegi jumysyn kúsheıtý, halyq arasynda karantındik rejımdi saqtaý qajettiligi týraly aqparattyq-túsindirý jumystaryn kúsheıtý boıynsha sharalar qolǵa alyndy.

Keńesten keıin QR Premer-Mınıstriniń orynbasary 150 tósekke arnalǵan burynǵy JJMJ bazasyndaǵy pýlmonologııalyq ortalyqqa bardy. 15 qarashaǵa qaraı munda táýlik boıy jumys isteıtin statsıonar, anestezııa, reanımatsııa jáne qarqyndy terapııa bólimshesi óz jumysyn bastaıdy. Barlyq qajetti zamanaýı jabdyqtar, sonyń ishinde kompıýterlik tomografııa apparaty jetkizildi. Ár bólmede ottegi rozetkalary bar. Sondaı-aq pýlmonologııa ortalyǵynda óziniń PTR-zerthanasy jumys isteıtin bolady.

Eraly Toǵjanov Shyǵys Qazaqstan oblystyq mamandandyrylǵan medıtsınalyq ortalyǵynyń, ana men bala ortalyǵynyń, sondaı-aq onkologııa jáne hırýrgııa ortalyǵynyń jabdyqtalý deńgeıin joǵary baǵalady. Ana men bala ortalyǵynda balalar neırohırýrgııasy jáne kardıohırýrgııa, travmatologııa, oftalmologııa, ońaltý qyzmetteri jumys isteıdi.

Aıta keteıik, dárigerler biregeı oftalmologııalyq jabdyqtyń kómegimen 38 shala týǵan balanyń kórý qabiletin saqtap qaldy. Onkologııa jáne hırýrgııa ortalyǵynda búginde – kompıýterlik tomografııa jáne magnıttik-rezonanstyq tomografııa iske qosylǵan. Mamandar úshinshi jyl qatarynan munda 128 bólikke arnalǵan biregeı kompıýterlik tomografpen jumys isteıdi. Elimizde osyndaı 3 KT apparaty bar, onyń ishinde 2 – Óskemende jáne bireýi Nur-Sultanda. Ótken jyly ortalyqqa 3 magnıttik-rezonanstyq tomograf satyp alyndy. Qazir MRT apparatyn ornatý jumystary júrgizilýde.

«Zamanaýı medıtsınalyq jabdyqtar adamdardyń densaýlyǵyn qalpyna keltirýge, ómirin saqtap qalýǵa jańa múmkindikter ashady. Sondaı-aq, dárigerlerdiń tájirıbesi men biliktiligi, olardyń kásibı daıyndyǵy úlken mańyzǵa ıe. Medıtsınadaǵy basty másele-aýrýlardy dıagnostıkalaý. Shyǵys Qazaqstanda aýrýlardy erte kezeńderde dál, jyldam jáne tıimdi dıagnostıkalaý úshin barlyq múmkindikter bar ekeni qýantady. Onkologııa salasynda sizdiń tájirıbeńiz biz úshin óte mańyzdy. Qazir elordada úlken onkologııalyq ortalyq salynýda, biz sizden usynystar alýǵa qýanyshtymyz», – dedi Eraly Toǵjanov.

Sonymen qatar, vıtse-premer bastaǵan delegatsııa «Jumyspen qamtý jol kartasy» aıasynda kúrdeli jóndeý jumystary júrgizilgen áleýmettik nysandardy aralady. Osyndaı nysandardyń ishinde «Januıa» otbasyn qoldaý ortalyǵy bar, endi qala turǵyndary «bir tereze» qaǵıdaty boıynsha AÁK alý, jumysqa ornalasý, óz isin ashý, turǵyn úı baǵdarlamalaryna qatysý, sondaı-aq zańgerlik jáne psıhologııalyq kómek alý boıynsha suraqtarǵa jaýap ala alady. Osydan keıin delegatsııa Óskemendegi eń tanymal balalar mekemeleriniń biri – jańartylǵan jas tehnıkter stantsııasynda boldy. Endi balalar shyǵarmashylyq úıirmelerge úlken qyzyǵýshylyqpen qatysady, óıtkeni JTS jańa zamanaýı dızaın, jaıly ınterer ǵana emes, sonymen qatar jańa baǵyttar paıda boldy: ushqyshsyz ushý apparattary, 3D-modeldeý, baǵdarlamalaý.

Eraly Toǵjanov «Ertis kontsert» ǵımaratynda júrgizilgen jumystarǵa da rıza boldy. Epıdemıologııalyq jaǵdaı jaqsarǵannan keıin oblys turǵyndary aldynda mádenıet jáne óner oshaǵynyń jańartylǵan zaldary, onyń ishinde 744 orynǵa arnalǵan kontsert zaly ashylady.


Jumys saparynyń sońynda QR Premer-Mınıstriniń orynbasary D. Serikbaev atyndaǵy ShQMTÝ. ǵylymı-zertteý jáne tájirıbelik-konstrýktorlyq jumystardyń jobalarymen tanysty. Ǵylymı qyzmetkerler MRT úshin joǵary ótkizgish sym jasaý, tıtan, tantal jáne nıobııden ımplantattar shyǵarý, myrysh pen qorǵasyn alýdyń pırometallýrgııalyq protsesterin jańǵyrtý boıynsha jumys isteýde. Eraly Toǵjanov atalǵan ázirlemelerdiń mańyzdylyǵy men perspektıvalaryn, elimizdiń ǵalymdary men tehnıkalyq joǵary oqý oryndary arasynda tájirıbe almasý qajettiligin atap ótti, sondaı-aq QR BǴM-ge ýnıversıtetpen birlesip ázirlemeler baǵytyndaǵy jumysty kúsheıtýdi, al JOO-ǵa jobalardy iske asyrý naryǵyn keńeıtý boıynsha usynystar daıyndaýdy tapsyrdy.


Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT