+7 (701) 759 90 19
USD 399.51 EUR 447.33
RUB 5.78 CNY 56.10
Jańalyqtar

Koronavırýspen kúres: Elordada 30 naýryz ben 6 sáýir aralyǵynda jańa tártip engiziledi

2020 jylǵy 28 naýryz 19:15
Bólisińiz:
Koronavırýspen kúres: Elordada 30 naýryz ben 6 sáýir aralyǵynda jańa tártip engiziledi

NUR-SULTAN. QazAqparat - Nur-Sultan qalasynyń aýmaǵynda koronavırýstyq ınfektsııanyń (COVID-19) taralýyna jol bermeý jónindegi sharalar qabyldanýda. Bul týraly QazAqparat ákimdik saıtyna silteme jasap habarlaıdy.

«Azamattyq qorǵaý týraly» 2014 jylǵy 11 sáýirdegi Qazaqstan Respýblıkasynyń Zańyna, «Qazaqstan Respýblıkasynda tótenshe jaǵdaıdy engizý týraly» Qazaqstan Respýblıkasy Prezıdentiniń 2020 jylǵy 15 naýryzdaǵy №285 Jarlyǵyna, Qazaqstan Respýblıkasy Prezıdenti janyndaǵy tótenshe jaǵdaı rejımin qamtamasyz etý jónindegi memlekettik komıssııanyń 2020 jylǵy 26 naýryzdaǵy № 6 jáne 2020 jylǵy 27 naýryzdaǵy № 7 hattamalaryna sáıkes azamattardyń ómiri men densaýlyǵyn qorǵaý, koronavırýstyq ınfektsııanyń (COVID-19) taralýyna jol bermeý maqsatynda, sondaı-aq Nur-Sultan qalasynda koronavırýstyq ınfektsııanyń anyqtalý jaǵdaılarynyń kóbeıýine baılanystyNur-Sultan qalasy boıynsha koronavırýstyq ınfektsııanyń taralýyna jol bermeý jónindegi jedel shtab, tótenshe jaǵdaıdy joıý basshysy bylaı dep ShEShTІ :

1. 2020 jylǵy 30 naýryzdaǵy saǵat 00:00 bastap 6 sáýirdegi 00:00 deıin:

1) osy sheshimge qosymshaǵa sáıkes óz qyzmetin júzege asyratyn mekemelerdi qospaǵanda, barlyq uıymdardyń (menshik nysanyna qaramastan) qyzmeti;

2) qoǵamdyq kóliktiń qozǵalýy;

3) qurylys alańy shekarasynan shyqpaı, jumys rejımin qamtamasyz etý múmkindigimen jumysshylar úshin qurylys alańdarynda jataqhanalary bar kompanııalardy qospaǵanda, qurylys kompanııalarynyń qyzmeti toqtatylsyn.

2. Qarjy naryǵynyń sýbektileri 2020 jylǵy 30 naýryzdaǵy saǵat 00:00 bastap 6 sáýirdegi 00:00 deıingi kezeńde Qazaqstan Respýblıkasy Ulttyq banki tóraǵasynyń 2020 jylǵy 27 naýryzdaǵy № 88 jáne Qazaqstan Respýblıkasy Qarjy naryǵyn retteý jáne damytý agenttigi tóraǵasynyń 2020 jylǵy 27 naýryzdaǵy № 169 birlesken buıryǵyn, sondaı-aq «Karantın rejımin kúsheıtý kezeńinde Qazaqstan Respýblıkasy Ulttyq bankiniń enshiles uıymdary men jekelegen fılıaldarynyń qyzmeti týraly» Qazaqstan Respýblıkasy Ulttyq bankiniń 2020 jylǵy 27 naýryzdaǵy № 87 buıryǵyn basshylyqqa alsyn.

3. Nur-Sultan qalasynyń aýmaǵynda karantın jáne tótenshe jaǵdaıdyń qoldanylý kezeńinde:

1) qoǵamdyq oryndardyń: saıabaqtar, shaǵyn baqtar, jaǵalaýlar, kóshelik balalardyń oıyn alańdary men azamattardyń ózge de demalys oryndarynyń jumys isteýi toqtatylsyn;

2) qolma-qol shetel valıýtasymen aıyrbastaý operatsııalaryn júzege asyrýǵa quqyǵy bar ýákiletti uıymdardyń jumysy toqtatylsyn;

4. Karantın aımaǵynyń aýmaǵyna myna jaǵdaılardy qospaǵanda,
2020 jylǵy 30 sáýirdegi saǵat 00:00 bastap 6 sáýirdegi 00:00 deıin asa qajettiliksiz qalada adamdar men jeke kóliktiń jyljýyna shekteý engizilsin:

1) qosymshaǵa sáıkes uıymdar úshin jumys oryndarynan anyqtama (ne qyzmettik kýáligi) bar bolǵan kezde turǵylyqty jerinen jumys ornyna deıin jáne keri jyljýyn;

2) turatyn nemese jumys oryndarynyń tikeleı janyndaǵy dúkender men dárihanalardan azyq-túlik taýarlaryn, dárilik preparattar men medıtsınalyq buıymdardy satyp alýdy;

3) shuǵyl jaǵdaı boıynsha medıtsınalyq mekemege shyǵýdy;

4) turǵylyqty jeriniń tikeleı mańyndaǵy jerlerge úı janýarlaryn serýendetýdi.

5. Nur-Sultan qalasynyń aýmaǵynda karantın jáne tótenshe jaǵdaıdyń qoldanylý kezeńinde 55 jastan joǵary adamdarǵa osy sheshimniń 3-tarmaǵynyń 1), 2), 3) jáne 4) tarmaqshalarynda kórsetilgen jaǵdaılardy qospaǵanda, asa qajettiliksiz kóshege shyǵýyna shekteý usynylsyn.

6. Qosymshaǵa sáıkes qyzmetin júzege asyratyn uıymdar (menshik nysanyna qaramastan):

1) qyzmetkerlerdi jumys ornyna deıin jetkizilýin qamtamasyz etsin;
2) qyzmetkerlerdi jumys orny týraly anyqtamalarmen qamtamasyz etsin.

7. kóppáterli turǵyn úılerde ornalasqan dúkenderge jumys kestesi saǵat 10:00 bastap 20:00 deıin bolyp belgilensin.

8. Nur-Sultan qalasynyń Polıtsııa departamenti:

1) tótenshe jaǵdaı men karantınniń qoldanylý kezeńinde belgilengen joǵaryda kórsetilgen talaptardyń buzylýy ne oryndamaýy anyqtalǵan kezde tıisti ákimshilik sharalar qabyldasyn;

2) azamattardyń qoǵamdyq oryndarda, saıabaqtarda, shaǵyn baqtarda jáne t.s.s. bolýyna jol bermeý maqsatynda engizilgen shekteýlerdi saqtaý boıynsha patrýldeý uıymdastyrylsyn;

9. Nur-Sultan qalasynyń Investıtsııalar jáne kásipkerlikti damytý basqarmasy Aqmola oblysynyń Tselınograd jáne Arshaly aýdandarynyń ákimdikterimen birlesip irgeles eldi mekenderdi ortalyqtandyrylǵan azyq-túlikpen qamtamasyz etý úshin júk kóligi uıymdastyrylsyn.

10. «Nur-Sultan qalasynyń Іshki saıasat basqarmasy» memlekettik mekemesi astana turǵyndary arasynda juqtyrý oshaqtaryn oqshaýlaýdy jáne onyń taralý qaýipterin meılinshe azaıtýdy qamtamasyz etýge arnalǵan shekteý jáne áleýmettik oqshaýlaý boıynsha qabyldanatyn sharalardy buqaralyq aqparat quraldarynda, áleýmettik jelilerde, jáne messendjerlerde aqparattyq súıemeldeýdi, adam men azamattyń, qoǵam men memlekettiń qaýipsizdigin qamtamasyz etýge baǵyttalǵan sheshimderdiń mańyzdylyǵyn ashyp kórsetýdi júrgizsin.

11. Barlyq memlekettik organdar men aýmaqtyq bólimsheler osy sheshimnen týyndaıtyn sharalardy qabyldasyn.

12. Osy sheshimniń oryndalýyn baqylaýdy ózime qaldyramyn.

13. Osy sheshim oǵan qol qoıylǵan kúnnen bastap qoldanysqa engiziledi.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT