+7 (701) 759 90 19
USD 432.64 EUR 505.02
RUB 5.47 CNY 64.7
Jańalyqtar

Koronavırýspen kúres: Dári-dármekti tegin taratý men emhanalardyń daıyndyq deńgeıi

2020 jylǵy 1 qazan 21:44
Bólisińiz:
Koronavırýspen kúres: Dári-dármekti tegin taratý men emhanalardyń daıyndyq deńgeıi

NUR-SULTAN. QazAqparat – Jyl saıyn kúzgi-qysqy kezeńde joǵarǵy tynys joldarynyń jedel respıratorlyq vırýstyq aýrýlarynyń kóbeıýi baıqalady. Al koronavırýs ınfektsııasyna qatysty epıdemııalyq jaǵdaı nasharlaýy múmkin. Bul turǵyda elimizde daıyndyq jumystary júrgizilýde. Búgin Ortalyq kommýnıkatsııalar qyzmetinde ótken baspasóz máslıhatynda Densaýlyq saqtaý mınıstrliginiń basshylyǵy osy baǵytta atqarylyp jatqan saýaldarǵa jaýap berdi.

Uqsas jańalyqtar
Nur-Sultanǵa Mınskiden kelgen eki áýe jolaýshysy PTR testileýden bas tartty Koronavırýs mýtatsııalana bastady: Jańa vırýsqa 20A.EU1 degen ataý berildi PTR-anyqtamasy joq sheteldikter ushaqqa otyra almaıdy – aptalyq sholý

Vıtse-mınıstr Ajar Ǵınııattyń aıtýynsha, bıylǵy sońǵy eki aıda (tamyz-qyrkúıek) JRVI-men tirkelgender sany ótken jylmen salystyrǵanda 25 paıyzǵa tómendedi. Osy ınfektsııalarǵa qarsy kúresti uıymdastyrý úshin tıisti sharalar qabyldandy. Birinshiden, alǵashqy medıtsınalyq-sanıtarlyq kómek kórsetetin uıymdar daıyndalýda. Búginde búkil el boıynsha 1 955 mekeme, sonyń ishinde 577 emhana jumys isteıdi, olar 12,3 myń ýchaskege qyzmet kórsetedi.

Emhanalarda medıtsınalyq qyzmetkerler men patsıentterdiń sanıtarlyq-gıgıenalyq talapty oryndaýy úshin jaǵdaı jasalyp jatyr.

«Ambýlatorııalyq-emhanalyq naýqastarda tynys alý jetispeýshiligin erte anyqtaý úshin emhanalarǵa 25,5 myń ımpýls oksımetr beriledi, 3640 mobıldi top qaýip tobyna qyzmet etýdi jalǵastyrady, 550 jedel járdem toby halyqtyń 4 sanatyna qyzmet kórsetýde. Josparlanǵan naýqastardy qabyldaý aldyn ala jazylý arqyly júzege asyrylady, sonymen qatar Call-ortalyǵy, konsýltatıvti ortalyqtary keńes berýde. Barlyq emhanalar jumys isteıdi jáne indet ýshyqan kezde ádettegideı jumysyn jalǵastyrady», - dedi A. Ǵınııat.

Aıta keteıik, tumaýdyń aldyn alý úshin emhana deńgeıinde asqyný qaýpi joǵary adamdarǵa vaktsınatsııa jasalady. 2,2 mıllıonnan astam doza vaktsına satyp alyndy. Qazirge ýaqytta memleket boıynsha 1 mıllıonǵa jýyq adamǵa josparly ekpe jasaý júrgizilýde. Mysaly, 220 myń júkti áıeldiń 49 myńǵa jýyǵy nemese 22 paıyzy vaktsınatsııadan ótken, kem degende 40 paıyzyn vaktsınatsııalaý josparlanǵan.

«Jedel respıratorlyq vırýs ınfektsııasy, tumaýdyń jáne koronavırýs ınfektsııasynyń aýyr túrleriniń damýyn boldyrmaý úshin ambýlatorııalyq deńgeıde barlyq emhanalarda dári-dármek tegin beriledi. KVI ınfektsııasyna 5 dári tegin beriledi jáne olar emhanalarda bar. Odan basqa, tizim boıynsha JRVI-ǵa qarsy em alý úshin 5 dári-dármek te tegin beriledi (antıbıotık, qyzýdy basatyn dáriler)», - dep naqtylady ol.

Vıtse-mınıstrdiń sózine qaraǵanda, naýqastardyń anestezıologııa, reanımatsııa jáne qarqyndy terapııa bólimine aýysýynyń negizgi sebebi – ol qatar júretin aýrýlar men sozylmaly aýrýlardyń asqynýy, medıtsınalyq kómekke kesh júginýi jáne ózin-ózi emdeýge baılanysty.

«Qazirgi ýaqytta medıtsınalyq mekemelerdiń jumysy jáne josparly statsıonarlyq kómek tolyq qalpyna keltirildi. Jedel járdem deńgeıinde qazirgi kezde 1 400 brıgada jumyldyrylǵan, onyń úshten bir bóliginen astamy aýylda (498). Kúnine orta eseppen 17 myń shaqyrý túsedi, onyń 3,6 paıyzy joǵarǵy tynys joldarynyń vırýstyq ınfektsııa belgilerimen. Kovıdke kúdikpen jedel járdem shaqyrýlarynyń azaıýy baıqalady. Mysaly, shildede kúnine ortasha eseppen 3 myń, tamyzda 1 myń, qyrkúıekte 500 qońyraý shalyndy», - dep naqtylady Ajar Ǵınııat.

Kezekshi synyptarda koronavırýs anyqtaldy

«Qazirgi kezde kezekshi synyptar arasynda 36 oqıǵa tirkeldi. Osy balalarmen baılanysta bolǵan 575 oqýshy anyqtaldy, olardyń arasynda da 10 balada analız oń nátıje berdi. Aýrý kóbine balalar arasynda sımptomsyz nemese jeńil túrimen ótip jatyr. Bul balalardyń ishinde beseýi statsıonarlyq kómekke júgindi. Onyń úsheýiniń jaǵdaıy ortasha dárejede ekeni anyqtaldy», - dedi A. Ǵınııat.

Sonymen qatar vıtse-mınıstr qashyqtan oqyp jatqan balalarǵa toqtaldy. Qashyqtan oqyp júrgen oqýshylar arasynda 73 jaǵdaı tirkelip otyr. Baılanysta bolǵan 242 adam anyqtalyp, olardyń ishinde 15 jaǵdaı boıynsha analızde oń nátıje anyqtaldy. Barlyq balalardyń densaýlyǵy qatań baqylaýda. Osy oqýshylar arasynda aýyr jaǵdaı tirkelmedi.

Densaýlyq saqtaý vıtse-mınıstri balalardy qashyqtan oqytýǵa kóshirý múmkindigine qatysty pikir bildirdi.

«Bastaýysh synyptar mektepke (kezekshi synyptarǵa) ata-analardyń ótinishimen barǵan bolatyn. Qazir balalar mektepterde sanıtarııa talaptaryna sáıkes oqyp jatyr. Aýamen taralatyn ınfektsııa bolǵandyqtan (koronavırýs), balalar arasynda osy indet baıqalýda. Eger synyp ishinde bir bala aýyrǵan bolsa, tutas synyp karantınge jabylady. Qazir birinshi toqsannyń aıaqtalýyna bir aı ýaqyt qalǵandyqtan, balalardyń birinshi toqsandy bitirýin kútip otyrmyz. Sodan keıin epıdemıologııalyq jaǵdaıǵa baılanysty tıisti sheshim qabyldanady», - dedi Ajar Ǵınııat.

Aıta keteıik, Qazaqstanda 41 bala Kavasakıge uqsas sındromǵa shaldyqty. Belgili bolǵandaı, Almaty men Nur-Sultanda mýltıjúıeli qabyný sındromynan eki bala kóz jumdy.

«Qaıtys bolǵan balalarǵa toqtalsaq, onyń biri 15 jasta edi. Ol júıeli qyzyl jegimen aýyrdy. Bul aýrý aǵzany júıeli túrde zaqymdaıdy. Balanyń qanynda koronavırýs antıdeneleri anyqtaldy. Ekinshi bala 2,5 jasta boldy. Ol trombozben aýrýhanǵa tústi. Sábıdiń qan analızinde koronavırýs ınfektsııasy tirkeldi», - dedi A. Ǵınııat.

Kavasakı tárizdi sındromǵa shaldyǵýdyń birinshi jaǵdaıy 29 shildede tirkelgen.


Elde dúrbeleń joq

QR Densaýlyq saqtaý mınıstri Alekseı Tsoı elimizde koronavırýs ınfektsııasyna qatysty jaǵdaı jaqsarǵanyn aıtty.

«Mınıstrliktiń is-qımyly tikeleı jaǵdaıdy jaqsartýǵa baǵyttalǵan. Osy oraıda ahýaldyń jaqsarǵanyn baıqaısyzdar. Turǵyndar arasynda dúrbeleń joq ekenin kórip otyrmyz, dárihanalarda dári-dármek jetkilikti, sondaı-aq aýrýhanalarda qosymsha oryndar jasaqtaldy. ıAǵnı, qajetti sharalar qabyldandy», - dedi mınıstr Ortalyq kommýnıkatsııalar qyzmetinde.

Baspasóz máslıhatynda Vedomstvoaralyq komıssııanyń otyrysynan keıin karantındi jeńildetý nemese qatańdatý múmkindigi týraly suraldy.

«Osy kezeńde jeńildetý sharalary bolmaıdy. Búgin aıtylǵandaı, áýe sapary men shekaradan ótýge qatysty jekelegen sharalar eskeriledi», - dedi A. Tsoı.

Sonymen qatar mınıstr qaýipsizdik talaptary saqtalmasa, aldaǵy ýaqytta qatań karantındik sharalar engizilýi múmkin ekenin eskertti.

«Árıne, buǵan deıin bolǵan karantınnen sabaq alýymyz kerek. Osy oraıda, densaýlyq saqtaý júıesin tıisti daıyndyqtan ótkizdik, ıaǵnı aýrýhanadaǵy oryndar men dári-dármek, jabdyqtar jáne basqa da qajetti zattar tolyqtyryldy. Eń myńyzdysy – ol ár adam qaýipsizdik erejesi men áleýmettik qashyqtyqty saqtaýy kerek», - dep toqtaldy vedomstvo basshysy.

Bul rette A.Tsoı turǵyndar qoǵamdyq oryndarda tıisti qaýipsizdik talaptaryn oryndamaı jatqanyn atap ótti.

«Quqyq qorǵaý organdary bizdiń aýmaqtyq departamentterimizben birlese osy baǵytta qajetti sharalardy qabyldaýda. Ókinishke qaraı, aıyppuldar da salynýda. Aı saıyn aıyppul sany artyp keledi. Bul, óz kezeginde bizde rejımniń oryndalmaı turǵanyn baıqatady. Elimizdegi jaǵdaı turaqty. Degenmen, tıisti talaptardy oryndamasaq, karantın engizilýi múmkin. Atap aıtqanda, indetke tosqaýyl qoıý ózimizge baılanysty. Sondyqtan barlyǵyn oryndasaq, karatın engizilmeýi yqtımal. Alaıda, ereje saqtalmasa, onda karantındik sharalardy engizýge keńes berýge májbúr bolamyz», - dedi Densaýlyq saqtaý mınıstri.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT