+7 (701) 759 90 19
USD 427.91 EUR 506.9
RUB 5.6 CNY 64.17
Jańalyqtar

Koronavırýspen aýyrmaý úshin qandaı erejelerdi qatań saqtaý kerek

2020 jylǵy 21 qyrkúıek 18:25
Bólisińiz:
Koronavırýspen aýyrmaý úshin qandaı erejelerdi qatań saqtaý kerek

NUR-SULTAN. QazAqparat – Koronavırýs ınfektsııasynan jazylǵannan keıin densaýlyqtyń qandaı kórsetkishterin baqylaý kerek? Koronavırýs indeti kezinde ımmýnıtetti qalaı saqtaýǵa bolady? Antıbıotıkti durys qoldanbaýdyń saldary qandaı bolmaq? Bul týraly QazAqparat tilshisine Eýrazııa medıtsına qaýymdastyǵynyń basqarma tóraǵasy Nadejda Petýhova aıtty.

Uqsas jańalyqtar
Aqtóbede adamdar ortalyq stadıon men arbatta maskasyz serýendep júr ShUAA Qashǵar okrýginiń 4,7 mln turǵyny koronavırýs testileýinen ótedi Bir adam koronavırýstyq ınfektsııa belgileri bar pnevmonııadan kóz jumdy

Dárigerdiń aıtýynsha, qazirgi ýaqytta koronavırýs ınfektsııasy boıynsha jaǵdaı turaqtalyp, aýyrǵandar sany azaıa bastady.

«Qazir tumaýǵa qarsy vaktsına egý naýqany júrip jatyr. Onyń tıimdiligi aıtarlyqtaı joǵary – 60%. Egde jastaǵy adamdarǵa, balalarǵa, dárigerlerge, muǵalimderge jáne sozylmaly aýrýlarmen aýyratyndarǵa jáne kóp adamdarmen baılanysqa túsetinderge vaktsına egý kerek. Vaktsına 14 kúnnen keıin ımmýnıtetti qalyptastyrady. Vaktsına koronavırýstan qorǵamaıtynyn aıtyp ótý kerek. Eger adam tumaýmen aýyr asqynýlarmen aýyrsa jáne onyń ımmýnıteti álsirese, onda koronavırýstyń juqtyrý yqtımaldyǵy edáýir artady», - dep túsindirdi Nadejda Petýhova.

Onyń aıtýynsha, koronavırýstan emdelgennen keıin de medıtsınalyq tekseristen ótý kerek, sebebi túbegeıli zerttelmegen qaýipti vırýs adamǵa zııanyn tıgize beredi.

«Ulybrıtanııadaǵy ǵalymdardyń zertteýi boıynsha, koronavırýstan emdelgenderdiń 70%-ynyń júrek bulshyqeti zaqymdanýynan zardap shegedi. Sondaı-aq, búırek, baýyr, júıke júıesi de zaqymdanady. Sol sebepti medıtsınalyq tekseristen ótip, birtindep ońaltý sharalaryn júrgizý kerek», - deıdi ol.

Ol qazirgi ýaqytta emhanalarda arnaıy ońaltý bólimderi bar ekenin aıtty. Adamnyń jasyna, koronavırsýpen qanshalyqty aýyr aýyrǵanyna baılanysty dáriger qajetti usynymdardy aıtady. Onyń pikirinshe, ımmýnıtetti saqtaý máselesi bir kúnniń, aptanyń nemese aıdyń máselesi emes.

«Qazir taǵamdyq qospalar, dárýmen satyp alý ımmýndyq júıeni kúsheıtedi dep oılaý sánge aınaldy. Eń bastysy – fızıkalyq belsendilik rejımin saqtaý kerek, odan keıin ýaqtyly tamaqtanýdy jáne 7-8 saǵattyq uıqyny qalypqa keltirýdi qolǵa alý kerek. Taǵy bir mańyzdy másele – taza aýada kóp júrý. Skandınavııalyq júrý ádisi de densaýlyqty aıtarlyqtaı jaqsartady jáne tynys alý júıesin qalypqa keltirýge kómektesedi», - deıdi Nadejda Petýhova.

Onyń aıtýynsha, koronavırýs ınfektsııasyna qarsy antıbıotıkterdi qoldanýdyń esh negizi joq. Aýrýdyń patogenezi vırýs bolǵandyqtan – antıbıotıkter bakterııalyq ınfektsııa qosylǵan kezde taǵaıyndalady.

«Dárigerdiń keńesinsiz antıbıotık qabyldaýdyń qajeti joq. Ol aýrýdy asqyndyryp qana qoımaı, aldaǵy ýaqytta antıbıotıkke turaqty sezimtaldyqty joıady», - deıdi dáriger.

Ol koronavırýs indeti adamdarǵa densaýlyqtyń qadirin bilýge, jaqyndaryńa janashyr bolýǵa úıretti.

«Eger aýrýdyń belgileri bolsa, burynǵydaı jumysqa bara berýdiń qajeti joq. Sizge ómir saltyn ózgertý kerek jáne dostaryńyzben birge dámhana, meıramhanaǵa barmaı, saıabaqta nemese qaladan tys jerde serýendeý kerek. Sozylmaly aýrýy bar naýqastar únemi tekserilip, salaýatty ómir saltyn saqtaý jónindegi usynystardy oryndaǵany abzal. «Qoǵamnyń saýlyǵy degenimiz – ár adamnyń óz densaýlyǵyn saqtap, baqylap otyrýy» degen sóz kóńilimnen shyǵady», - deıdi Eýrazııa medıtsına qaýymdastyǵynyń basqarma tóraǵasy Nadejda Petýhova.


Bizdiń kanalymyzǵa jazylyńyz:

Bólisińiz:

Avtor:

Zarına Qaharman

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT