+7 (701) 759 90 19
USD 422.87 EUR 512.1
RUB 5.63 CNY 64.49
Jańalyqtar

Koronavırýsqa qarsy kúres: Qazaqstandyq telearnalar tyń jobalardy bastaıdy

2020 jylǵy 9 shilde 17:03
Bólisińiz:
Koronavırýsqa qarsy kúres: Qazaqstandyq telearnalar tyń jobalardy bastaıdy

NUR-SULTAN. QazAqparat – Koronavırýs ınfektsııasynyń taralýyna baılanysty elimizde qatań karantındik sharalardyń engizilgeni belgili. Búgingi kúni respýblıkalyq jáne aımaqtyq telearnalar arqyly belsendi túrde túsindirme jumystary júrgizilip jatyr, dep habarlaıdy QazAqparat tilshisi.

Uqsas jańalyqtar
Koronavırýs: Qazaqstannyń 3 qalasynda bastaýysh mektep oqýshylary tolyqtaı qashyqtan oqytylady Vaktsına koronavırýstan 100% qorǵaı ma – professor jaýaby Jambyl oblysyna 72 jastaǵy qart koronavırýstan aıyqty

Qazirgi ýaqytta mańyzdy aqparattardy taratýǵa respýblıkalyq telearnalar jumyldyrylǵan. Koronavırýstyń taralý problemasynyń ózektiligi men ótkirligin túsine otyryp, «Qazaqstan», «Habar», «Habar 24» qatarly memlekettik telearnalar COVID-19 indetimen kúresý jáne onyń aldyn alý máselelerin talqylaıtyn alańǵa aınaldy. Sonymen birge telearnalardyń efırlerinde sarapshylar saǵat saıyn halyqqa paıdaly málimetterdi bólisýde.

Telearnalardyń qazirgi baǵdarlamalary koronavırýspen kúres boıynsha máselelerdi talqylaý baǵytyna ózgertilgen. Naqtyraq aıtqanda «Qazaqstan» arnasyndaǵy «Ashyq alań», «Habar» arnasyndaǵy «Qoǵamdyq talqylaý», «Bizdiń nazarda», «Narodnyı kontrol» jáne «Kak borolıs s epıdemııamı v Kazahstane» baǵdarlamalary, «Eýrazııa 1-shi arnasyndaǵy» «Dobroe ýtro», «Basty Prime», «Astana TV» arnasyndaǵy «Aıtarym bar» baǵdarlamalary halyq úshin úzdiksiz mańyzdy málimetterdi taratýda.

Al «Habar 24» jáne «El Arna» arnalarynan osy jyldyń naýryzynan bastap «Almaznye sovety v borbe s COVID/Myńjylqy Keńes» baǵdarlamalarynyń 64 serııasy shyǵyp úlgerdi. Baǵdarlamalar qazaq jáne orys tilderinde taralady. Bul baǵdarlamalarǵa ártúrli baǵyttaǵy 40-qa tarta spıker, onyń ishinde D. Baesheva, M. Smaǵul, Ý. Ahmedına, R. Rozenson, J. Bekshın, L. Qoıshıeva, J. Bekenov syndy mamandar sóz sóılegen. Pandemııa bastalǵaly beri 50-ge tarta vıdeoónim (rolıkter, derekti fılmder men telegrafıkalar) shyǵarylǵan. Olar kún saıyn eldegi telearnalar arqyly kórsetilip turady.

Al «Qazaqstan» telearnasy «Telemedıtsına» atty jańa jobany bastady. Ol aptasyna bes ret kórermenge jol tartady. Baǵdarlama barysynda bilikti dárigerler koronavırýspen kúres joldaryn túsindirip, ol keseldiń aldyn alý boıynsha qajetti keńesti beredi. Baǵdarlama barysynda kez kelgen azamat qońyraý shalyp, ózin qyzyqtyrǵan nemese mazalaǵan suraqtarǵa jaýap ala alady. Sonymen qatar kórermen messendjerler arqyly aldyn alý vıdeoótinim jiberý arqyly da mamandardyń keńesin tyńdaıdy. Odan bólek dárigerlerdiń Skype-baılanys arqyly saýalnama alýǵa bolady.

Sonymen birge «Habar» jáne «Habar 24» telearnalarynda jańa jobalardyń óndirisi bastaldy. Solardyń biri - áleýmettik jelilerdi paıdalanýshylardyń jıi kezdesetin jáne tanymal suraqtary men bilikti mamandardyń - dárigerlerdiń, psıhologtardyń, osy salanyń mamandarynyń jaýaptary bar «suraq-jaýap» formatyndaǵy kúndelikti aqparattyq-anyqtamalyq «Online Doctor» baǵdarlamasy. Sondaı-aq «COVID-19. Halyqaralyq sarapshylar men Almas Sharman» atty halyqaralyq ǵalymdardyń qatysýymen tyń baǵdarlama bastalady. Baǵdarlamanyń júrgizýshisi - ǵalym, medıtsına professory Almas Sharman. Ol áriptesterimen koronavırýs týraly eń ózekti taqyrypta sóılesedi. Jobanyń qonaqtary - AQSh aýrýlardy baqylaý ortalyqtarynyń (CDC) Ortalyq Azııa bóliminiń dırektory, fılosofııa doktory Danıel Sınger, Ispanııa Qoǵamdyq densaýlyq saqtaý ulttyq mektebiniń professory Antonıo Santamero jáne taǵy basqalar. Olar óz tájirıbelerimen bólisip, óz elderinde vırýspen kúres qalaı júretini týraly áńgimelesip, birqatar keńes beredi.

Bastama kommertsııalyq telearnalar tarapynan da qoldaý taýyp otyr. «31 arna» qazaq jáne orys tilderinde óziniń «Koronovırýs: ne isteý kerek» degen jobasyn iske qosty. «Astana» telearnasy «COVID-19» jańa jobasyn - el azamattaryna arnalǵan medıtsınalyq telekonsýltatsııany bastady. Joba qonaqtary - ártúrli profıldegi dárigerler onda kórermenniń suraqtaryna jaýap berip, emdeý jáne aldyn-alý boıynsha keńes beredi.

Aıta ketsek telearnalardyń áleýmettik jelilerinde COVID-19 taqyrybynda ártúrli rolıkter men derekti fılmder kórsetiledi. Infektsıonıst-dárigerler tikeleı efırde jazylýshylarmen birge ózin qyzyqtyrǵan suraqtardy qoıa alady.



Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT