Koronavırýs juqtyrǵandar kóbeıse, maska rejımine qaıta oralamyz – Eraly Toǵjanov
2022 jylǵy 30 maýsym 11:19

Koronavırýs juqtyrǵandar kóbeıse, maska rejımine qaıta oralamyz – Eraly Toǵjanov

NUR-SULTAN. QazAqparat – QR Premer-Mınıstriniń orynbasary Eraly Toǵjanov eldegi koronavırýs ınfektsııasy ahýaly týraly baıandady, dep habarlaıdy QazAqparat tilshisi.

«Ázirge eń mańyzdy másele vaktsınalaý bolyp otyr, aıtarlyqtaı kúrdeli jaǵdaı joq. Degenmen, naýqastar sany kóbeıse, maska taǵý rejımine qaıta oralýymyz múmkin. Qazir táýligine 100 adamǵa deıin naýqastar sany artyp keledi, sondyqtan másele joq emes, bar. Karantın talaptaryn kúsheıtý máselesin vedomstvoaralyq komıssııanyń otyrysynda kóteremiz. Tek qana maska taǵý jóninde emes, jalpy sharalar týraly», - dep jaýap berdi E. Toǵjanov Májilis kýlýarynda tilshilerge bergen jaýabynda.

Eske sala ketsek, Qazaqstanda ótken táýlikte 137 adam koronavırýs juqtyrdy.

Birneshe kún boıy elimizde koronovırýs juqtyrý derekteri artyp keledi. Sońǵy kúnderi bul kórsetkish birden 20 esege kóbeıgen.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT