+7 (701) 759 90 19
USD 410.70 EUR 465.28
RUB 5.80 CNY 58.81
Jańalyqtar

Koronavırýs juqtyrǵan provızor: Tynysym tarylyp, tósekte durys jata almadym

2020 jylǵy 29 mamyr 12:49
Bólisińiz:
Koronavırýs juqtyrǵan provızor: Tynysym tarylyp, tósekte durys jata almadym

ALMATY. QazAqparat – Koronavırýs ınfektsııasyn juqtyrǵandar arasynda № 12 qalalyq emhananyń provızory Manat Álmahanova da bar. Ol QazAqparat tilshisine qaýipti vırýspen qalaı kúreskeni týraly egjeı-tegjeıli aıtyp berdi.

Uqsas jańalyqtar
Qazaqstandyq dıplomattar dárigerlerge qoldaý kórsetedi Mahambet Dosmuhambetov koronavırýs juqtyrǵandardyń jaǵdaıyn bildi Elordada dári-dármek baǵasyn negizsiz kótergendermen kúres kúsheıedi

Vırýs juqtyrǵan Manat Álmahanova 4 mamyrdan beri úıden shyǵa almaı otyr.

Alǵash ret 12 sáýir, ıaǵnı jeksenbi kúni tamaǵy jybyrlaı bastaǵanda ol jaı ǵana sýyq tıgen bolar dep oılaǵan. Emhana qyzmetkeri koronavırýs juqtyrǵany úsh uıyqtasa túsine kirmegenin aıtty.

«Bala kezimnen mende sozylmaly angına bar bolatyn. Sodan bolar eski aýyrý dep qamsyz júre berdim. Bir kún ótti. Kelesi kúni denem tońyp, qaltyrap birden qyzýym kóterildi. Alaıda ózim provızor bolǵandyqtan qolda bar preparattardyń barlyǵyn ishe bastadym. Biraq, bir baıqaǵanym qansha dári ishsem de maǵan kómektespedi. Birneshe kún ótken soń arqamnyń ókpe tusy aýyra bastady. Sol kezde mende qorqynysh sezimi paıda boldy. Aýyryp tursam da aptanyń demalys kúnderin kúttim. Sársenbi kúni jumysta test tapsyrdym. Test nátıjesi kúmándi boldy. Sol úshin maǵan PTR taldaýdan ótý usynyldy. Beısenbi kúni PTR tapsyrdym. Juma kúni jumysta dirildep qaltyrap otyra almaı kettim. Senbi kúni mende dene qyzýym túsip, tamaǵym aýyrǵany basylǵanymen demikpe, jótel paıda boldy. Tósekte gorızontaldy jata almaı, tynysym taryla bastady», -dedi Manat.

Onyń aıtýynsha, senbi kúni túngi saǵat 23:00 shamasynda qyzmettik chattan «Álmahanova Manat – COVID-19 test oń nátıje kórsetti» degen habarlama keldi.

«Osy habarlamadan soń meniń uıqym qashty. Boıymdy úreı, qorqynysh bıledi. Jeksenbi kúni tańerteń meni jedel járdem Almaty qalasy ftızıopýlmanologııa ortalyǵyna alyp ketti. Sol jerde dárigerler maǵan emdeý kýrsyn belgiledi. Rentgenge túskenimde nátıjesi taza bolyp shyqty. Vırýsqa qarsy Alývıa degen preparat ishtim», - dedi Manat.

Vırýsqa qarsy preparat aýyr bolǵandyqtan, patsıentke keri áseri óte kóp bolǵan. Manat birneshe kún boıy qusyp, tamaqqa tábeti nasharlaǵan.

«Júregim aını berdi. Sosyn emdeýshi dáriger Alývıa preparatyn birneshe kúnge toqtatty. Ertesine uıqybezdiń, baýyr jumysyn tekserý úshin tamyrdan qan aldy. Biraz kúnde tábetim qaıta jaqsarǵan soń dárini qaıta qosty. Osylaı 10 kún ótti. 10 kúnnen soń taǵy da júregim aınyp qusa bastadym. Odan keıin de dáriger kishkene úzilis berdi. Al jaǵdaıym jaqsy bolatyn. Jótel, entigý 10 kúnde ketken bolatyn. Biraq, dárilerdiń kúshi ishki organdaryma áser ete bastady», - dedi ol.

Ol aýrýhananyń mamandarynyń biliktiligi men emhanadaǵy qyzmetke kóńili tolatyndyǵyn jasyrmady.

«Tamaqtary óte dámdi boldy. Kúndelikti ártúrli jemis-jıdek, pisilgen ystyq bálish, buqtyrmalar, salat beretin. Kóp adam as-aýqatqa qatysty narazylyq bildirdi ǵoı. Biraq men jatqan aýrýhanada 5 ýaqyt qunarly tamaq berip turdy. Bergen tamaqtary 10 kúnde qaıtalanbady desem de artyq emes. Medıtsına qyzmetkerleri bizdiń kóńil-kúıimizdi kóterip, árdaıym pozıtıv syılaıtyn. Dálizde 24 saǵat shaı qaınap, ústel ústinde shaı, qant, tuz turady. Mıneraldy sý taratady», - dedi ol.

Aýrýhanaǵa túskenine 15 kún bolǵanda Manat Álmahanova qorytyndy PTR taldaýyn tapsyrǵan.

«Ol kúni qobaljyp, qorqyp kúttim. 4 mamyrda PTR taldaýy alyndy. Nátıjesin kútkende de saǵattar jylǵa aınalǵandaı boldy. Taldaý nátıjesi áli vırýs bar ekenin kórsetkende qatty kúızeliske tústim. Odan keıin 7 mamyrda tapsyrǵanda taǵy da test nátıjesi qýantpady. Men ózim osy vırýstan ómiri qutyla almaıtyndaı kúı keshtim. Qorqynysh, úreı bıledi. Senbi kúni estigennen bastap mende bir apta uıqy bolǵan joq. Psıhologııalyq turǵydan óte aýyr boldy. 15 mamyrda taǵy qorytyndy PTR tapsyrdym. Sol kezde test nátıjesi teris bolyp shyqty. Eki ret qatar teris nátıje shyqqan soń 16 mamyrda meni aýrýhanadan shyǵardy», - dedi Manat.

Patsıent áli de úıinde 14 kúndik karantınde jatyr.

Qazir ol taǵy da PTR taldaýyn kútip otyr. Teris shyqsa, jumysyna oralmaqshy.

Manat óziniń koronavırýsty naqty qaıda juqtyrǵanyn bilmeıdi. Ózi qyzmet etetin № 12 qalalyq emhanada odan buryn koronavırýs degen dıagnozben 7 adamdy jedel járdemmen alyp ketken.

«Aýrýhanada jatqanda kópshiliktiń bir-aq suraǵy boldy. Shynymen vırýs bar ma eken degen. Iá, vırýs bar eken. Bolǵanda da jaı ǵana tumaý emes, óte aýyr bolady eken. Baıqasańyz men aýrýhanaǵa túskende kóktem bolǵan. Qazir dalada jaz. Al men áli úıde qamalyp otyrmyn. Úkimet beretin aqsha úshin aýyryp jatyr degen qaýeset te bar. Biraq men aıtar edim, basymnan ótken qıyn ahýaldy qansha aqsha berse de qaıtalamaýǵa bar kúshimdi salar edim», - dedi ol.

Manat jalǵyz ózi turady. Sondyqtan da onyń týystary, jaqyndarynda vırýs juqtyrý qaýpi bolmaǵan.


Bizdiń kanalymyzǵa jazylyńyz:

Bólisińiz:

Avtor:

Gúlmıra Ǵosmanálı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT