Koronavırýs juqtyrǵan 900-den asa bala emdelip jatyr – mınıstrlik

NUR-SULTAN. QazAqparat -Qazirgi ýaqytta koronavırýstan 13 164 adam emdelip jatyr. Bul týraly QazAqparat Densaýlyq saqtaý mınıstrligine silteme jasap habarlaıdy.

Olardyń arasynda 905 bala bar.

«Statsıonarlarda 3 516 naýqas jatyr. 9 648 adam ambýlatorııalyq jaǵdaıda emdelýde.
Jalpy naýqastardyń arasynda 222 adamnyń ahýaly nashar. Sonyń ishinde 31 naýqastyń ahýaly asa qatty aýyr dep baǵalanýda. 33 naýqas ókpeni jasandy jeldetý apparatynda jatyr», - delingen habarlamada.