Koronavırýs: Japonııada besinshi kún qatarynan táýliktik  rekord jańartyldy
2022 jylǵy 29 qańtar 19:52

Koronavırýs: Japonııada besinshi kún qatarynan táýliktik  rekord jańartyldy

TOKIO. Japon bıligi ótken táýlikte koronavırýstyq ınfektsııanyń 84 934 jaǵdaıyn anyqtady, besinshi kún qatarynan eń joǵary kórsetkish bolyp otyr, dep habarlaıdy QazAqparat Kyodo agenttigine silteme jasap.

Buǵan senbi kúni eldegi prefektýralardyń ákimshilikteri jarııalaǵan málimetter dálel.

Aldyńǵy rekord jumada 81 810 jaǵdaımen ornatyldy. Tokıoda sońǵy 24 saǵatta ınfektsııanyń 17 433 jaǵdaıy rastaldy. Jalpy, indet bastalǵannan beri 2,6 mıllıonǵa jýyq adam juqtyrǵan.

Sonymen qatar, ólim-jitim tómen deńgeıde qalyp otyr: ótken táýlikte shamamen 126 mıllıon halqy bar elde kovıdpen aýyratyndar arasynda 39 ólim tirkeldi. 734 adam jansaqtaý bóliminde jatyr. Japonııadaǵy indet kezinde indetti juqtyrǵandar arasynda 18,7 myń adam qaıtys boldy.

Japonııada koronavırýstyń taralýy ótken jyldyń jeltoqsan aıynyń ortasyna deıin salystyrmaly túrde tómen boldy, ol kezde omıkron shtamynyń taralýyna baılanysty aýrýshańdyqtyń kúrt ósý úrdisi baıqaldy. Mamandar ólim-jitim deńgeıiniń tómen bolýyn halyqtyń ımmýndaý deńgeıiniń joǵary bolýymen baılanystyrady.

Búgingi tańda Japonııada 99,7 mıllıon adam nemese halyqtyń 78,7 paıyzy eki dozalyq ekpeden ótken. Bul rette 3,4 mln adam (halyqtyń shamamen 2,7%-y) kúsheıtkish dozamen egildi.

Japon úkimeti ınfektsııamen kúresý úshin 27 qańtardan bastap 47 jergilikti prefektýranyń 34-ine, sonyń ishinde Úlken Tokıo aımaǵyna jańa koronavırýstyń taralýyna qarsy kúsheıtilgen sharalar engizdi. Ol boıynsha birinshi kezekte qoǵamdyq tamaqtaný oryndarynyń jumys ýaqytyn qysqartýdy jáne onda alkogol ónimderin satýdy qataıtýdy kózdeıdi.

Jańalyqtar

MURAǴAT