+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Koronavırýs: Jambyl oblysynda strategııalyq jospar ázirlendi

2020 jylǵy 21 qazan 07:21
Bólisińiz:
Koronavırýs: Jambyl oblysynda strategııalyq jospar ázirlendi

TARAZ. QazAqparat – Jambyl oblysynda COVID-19-ben aýyrýynyń taralýyn tejep, turaqty sanıtarlyq epıdemılogııalyq ahýaldy saqtaý maqsatynda strategııalyq jospar ázirlenip, bekitildi, dep habarlaıdy QazAqparat tilshisi.

Strategııalyq jospar arnaıy qyzmetter men mekemelerdiń shekteý sharalarynyń tómen, ortasha jáne joǵary deńgeıine ázirligin qamtamasyz etedi. Atalǵan jospardyń oryndalý barysy óńirlik jedel shtabtyń kezekti otyrysynda talqylandy.

Koronavırýstyq ınfektsııanyń taralýynyń aldyn alý maqsatynda júrgizilip jatqan jumystardyń barysyn baıandaǵan taýarlar men kórsetiletin qyzmetterdiń qaýipsizdigi jáne sapasyn baqylaý departamentiniń basshysy mindetin atqarýshy Neılıa Mýlıkova aýqymdy aqparattyq-nasıhattyq jumystar júrgizý kerektigin basa aıtty.

«Turǵyndar vırýstyń áli de qaýipti ekenin túsinýi kerek. Qatań shekteý sharalaryn ustaný arqyly ǵana biz ózimiz ben jaqyndarymyzdy qorǵaı alamyz. Halyqtan maska kııý rejımin saqtap, áleýmettik ara qashyqtyqty saqtaýdy talap etý kerek. Josparlanǵan barlyq sharalardan bas tartqan jón», – dedi Neılıa Mýlıkova.

Oblys ákimdigi densaýlyq saqtaý basqarmasynyń basshysy Áset Qalıev te áriptesin qoldady.

«Basty maqsat – indettiń jappaı taralýyna jol bermeý. Dárigerler koronavırýstyq ınfektsııanyń taralýynyń bolýy múmkin ekinshi tolqynyna daıyndyqty myqtap qolǵa aldy. Sol sekildi turǵyndar da indettiń asqynyp ketý qaýpin tómendetýge qam jasaýy kerek», – dedi ol.

Qazirgi tańda óńirde barlyǵy 2530 tósek oryn daıyndalǵan. Onyń ishinde 253 tósek reanımatsııalyq bólimderde. Medıtsınalyq mekemelerde ókpeni jasandy tynystandyratyn 253 apparat, 706 ottegi ballony, 542 ottegi kontsentratory, 1009 pýlsoksımetr, 19 tsıfrlyq rentgen apparaty, 10 kompıýterlik tomograf jáne 7 magnıttik-rezonansty tomograf bar. Taǵy da qosymsha 74 ókpeni jasandy tynystandyrý apparaty, 7 kompıýter tomografy, 4 tsıfrlyq rentgen apparat, 4 ottegi stansasyn jáne 74 sanıtarlyq avtokólik, 8 jyljymaly medıtsınalyq keshen, 100 kópfýnktsıonaly tósek jetkiziledi dep kútilýde. Dertpen kúreske 4410 medıtsınalyq qyzmetkerdi jumyldyrý josparlanýda.

«Jeke qorǵanys quraldarynyń jetkilikti mólsheri jasaqtaldy. Monıtorıngtik toptar 3 iri aýrýhanada dárilerdiń tapshylyǵyn anyqtady. Berilgen ótinimderge saı «SK-Farmatsııa» jaýapkershiligi shekteýli seriktesgi medıtsınalyq prepararattardy jetkizip beretin bolady», – dedi Áset Qalıev.

Oblys ákim Berdibek Saparbaev densaýlyq saqtaý basqarmasynyń basshysy Áset Qalıevke barlyq reanımatsııalyq tósekterdiń ókpeni jasandy tynystandyrý apparatymen qamtylýyn baqylaýǵa alýdy tapsyrdy. Al «SK-Farmatsııa» jaýapkershiligi shekteýli seriktestiginiń óńirdegi ókili Aıjan Tortaeva dárilerdi ýaqytyly jetkizýdi basty nazarda ustaıdy.

«Aýrýhanalardy ózderińizde aralap medıtsınalyq ınfraqurylymnyń koronavırýstyq ınfektsııanyń bolýy múmkin kezekti tolqynyna daıyndyǵyn tekserińizder. Ótkennen sabaq alyp, sol qatelikterge qaıta jol bermeńizder», – dedi óńir basshysy jıynǵa onlaın rejımde qatysqan aýdan ákimderine.

Oblys ákimdigi densaýlyq saqtaý basqarmasynyń basshysy Áset Qalıev búginde tumaýǵa qarsy ekpeniń 243 278 adamǵa egilgenin atap ótti. Bul jalpy oblys turǵyndarynyń 21 paıyzyn quraıdy. Óńir basshysy ekpeni birinshi kezekte táýekeldi topqa jatatyn turǵyndarǵa júrgizý kerektigin eskertti. Sondaı-aq oblys ákimi mobıldik toptar jumysynyń naqty algorıtmin jasaýǵa nazar aýdardy.

1-14 qazan aralyǵynda mobıldik toptar 1922 nysandy tekserip, 74 hattama toltyrǵan. Jambyl, Moıynkum, Shý, Sarysý aýdandaryndaǵy mobıldik top músheleri atalǵan aımaqtarda sanıtarlyq talaptardy saqtaý boıynsha zańǵa qaıshy árekettiń oryn almaǵanyn aıtyp sendiredi.

«Buǵan sený qıyn. Sebebi turǵyndar áli de otbasylyq jıyndardy ótkizip, onyń sýretterin áleýmettik jelige jarııalaıdy. Mobıldik toptar tapsyrmany oryndaı almaı jatyr. Respýblıkada bizdiń oblys karantındik rejımdi buzýdy anyqtaý kórsetkishi boıynsha sońǵy orynda tur», – dedi oblys ákimi.

Óz kezeginde aýdan ákimderi barlyq eskertýlerdiń nazarǵa alynatynyn jetkizdi. Saqtyq sharalary tipti mektepterdiń ózinde saqtalmaıdy. Oblys ákimi apparatynyń bas ınspektorlary Taraz qalasyndaǵy birqatar mektepter men balabaqshalardy tekserip shyǵyp, birqatar zań buzýshylyqtardy anyqtady. Atap aıtqanda №51, 46, 53, 39, 13, 8 mektepter men №26 «Bóbekjaı» balabaqshasynda balalar da, ustazdar da betperde taqpaǵan. Áleýmettik araqashyqtyq saqtalmaǵan. Sondaı-aq, dezınfektsııalyq kilemsheler joq.

«Mektep dırektorlaryn jaýapkershilikke tartý kerek. Bul ózgelerge jaqsy sabaq bolsyn», – dedi óńir basshysy.

Jıyn qorytyndysymen jaýapty tulǵalarǵa naqty tapsyrmalar júkteldi.


Bizdiń kanalymyzǵa jazylyńyz:

Bólisińiz:

Avtor:

Saıa Sembaı

Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT