Koronavırýs: Taraz «sary aımaqqa» endi

TARAZ. QazAqparat – Taraz qalasy «sary aımaqqa» endi. Osyǵan qaraı másele koronavırýstyń taralýyna qarsy kúres jónindegi oblystyq jedel shtabtyń kezekti otyrysynda talqylandy,- dep habarlaıdy QazAqparat tilshisi.

Uqsas jańalyqtar

Koronavırýstan elimizde bir táýlikte 700-ge jýyq adam jazyldy

Koronavırýs boıynsha bir táýliktegi málimetter jarııalandy Almaty oblysynda vaktsınatsııalaýdyń ekinshi kezeńi bastaldy Jańa qaýly: 27-shi aqpannan bastap Aqmola oblysynda qandaı shekteýler alynady

Oblystyq densaýlyq saqtaý basqarmasynyń basshysy Áset Qalıevtiń aıtýynsha, óńirde juqpaly aýrýlar aýrýhanasyndaǵy 1000 kereýettiń júktemesi 454 oryndy qurap otyr. Karantın statsıonarynda – 23 adam, úı karantıninde – 1341 adam jatyr, 240 myń jambyldyq PTR-testileýden ótken.

Sońǵy aptanyń qorytyndysy boıynsha vırýs juqtyrǵandardyń eń kóbi Taraz qalasynda (85 jaǵdaı, ósim 3,5%), Jambyl aýdanynda (9 jaǵdaı, ósim 3,4%) jáne T.Rysqulov (7 jaǵdaı, ósim 3,9%) aýdanynda tirkelgen. Sondaı-aq, KVI sebepteri boıynsha jedel járdemdi shaqyrtýlar sany otyz paıyzǵa artqan.

Basqa aýdandarda qolaısyz epıdemıologııalyq ahýalǵa baılanysty 2000 tósektik rezerv daıyndalýda, qosymsha 3150 medıtsına qyzmetkeri kerek bolady. COVID-19 aldyn alý jáne emdeý úshin oblys statsıonarlaryna 1,2 mıllıard teńgege dári-dármekter men jabdyqtar jetkizildi.

Sanıtarlyq-epıdemıologııalyq baqylaý departamenti basshysynyń m.a. Neılı Mýlıkovanyń aıtýynsha, azamattardyń Taraz medıtsınalyq uıymdaryna óz erkimen júginýi barysynda anyqtalǵan naýqastardyń úles salmaǵy artqan (53,5%).

Ahýaldy talqylaý barysynda Shý aýdanynyń ákimi Nurjan Kalenderov oqý sabaqtarynyń bastalýyn eskere otyryp, barlyq mektepterdi tekserýdi usyndy.

«Taraz «Sary aımaqqa» endi, sondyqtan barlyq talaptardyń saqtalýyn baqylaýdy kúsheıtý qajet. Oblys ortalyǵynda karantın ortalyǵyn qurý qajet. Ásirese, mektep oqýshylary men zeınetkerler arasynda aqparattyq-túsindirý jumystaryn arttyrý kerek. Qoǵamdyq kólikte betperde taǵýǵa jáne jolaýshylardyń áleýmettik araqashyqtyqty saqtaýyna erekshe nazar aýdarý mańyzdy. Dári-dármekter men tósek-oryndarynyń jetkilikti ekendigin nazarda ustańyzdar. Medıtsına mamandary bar, biraq kadrlyq rezervti de daıyndaı berý qajet. Naýqastardyń qandaı jaǵdaıda em alyp jatqandyǵyn zerdeleńizder. Aqpan aıynda bastalatyn jappaı vaktsınalaý naýqanyna daıyndalý, bıofarmatsevtıkalyq zaýyttyń qurylysyn jedeldetý kerek», - dedi Berdibek Saparbaev.