Koronavırýs: ShQO-da naýqastarǵa 350 dozadan astam ımmýndyq plazma quıyldy

ÓSKEMEN. QazAqparat – Shyǵys Qazaqstan oblysynda COVID-19 ınfektsııasyna shaldyqqan 180-nen astam patsıent qan plazmasymen emdeldi, dep habarlaıdy QazAqparat tilshisi.

Uqsas jańalyqtar

Atyraýda koronavırýs juqtyrǵandardyń deni – Teńiz kenishiniń jumysshylary

COVID-19 juqtyrý jaǵdaılary kóbinese aldyn alý sharalaryn elemeýden - dáriger Shetelden ushyp kelgen 201 jolaýshynyń PTR anyqtamasy joq Qazaqstanda 27 myń naýqas koronavırýstan emdelip jatyr

Óńirde koronavırýstan jazylyp shyqqan adamdardyń ımmýndyq plazmasyn naýqastarǵa quıý ádisi jıi qoldanylýda. ShQO Densaýlyq saqtaý basqarmasynyń málimetinshe, búgingi tańda ártúrli qan toptaryndaǵy plazmanyń 3 123 dozasy daıyndalǵan.

«Infektsııalyq statsıonarlardyń dárigerleri úshin ımmýndyq plazmany paıdalaný boıynsha semınarlar ótkizildi. Osy ýaqytqa deıin 181 patsıentke 352 doza plazma quıylǵan», - delingen habarlamada.

Immýndyq plazmany durys saqtaý úshin Óskemen jáne Semeı qalalarynda eki qan ortalyǵy úshin 20 muzdatqysh kamera satyp alý josparlanǵan. Sondaı-aq aýdandyq aýrýhanalarǵa qosymsha 15 arnaıy muzdatqysh jáne 19 plazmalyq muzdatqysh satyp alynbaq.