+7 (701) 759 90 19
USD 421.91 EUR 511.57
RUB 5.59 CNY 65.2
Jańalyqtar

Koronavırýs: Saqbol jańa mobıldi qosymshasy qalaı jumys isteıdi

2020 jylǵy 25 qarasha 18:01
Bólisińiz:
Koronavırýs: Saqbol jańa mobıldi qosymshasy qalaı jumys isteıdi

NUR-SULTAN. QazAqparat – Koronavırýs ınfektsııasynyń taralý qaýpine baqylaý júrgizý maqsatynda Saqbol atty mobıldi qosymsha jumysyn bastady, dep habarlaıdy QazAqparat tilshisi.

Saqbol mobıldi qosymshasy koronavırýs ınfektsııasynyń taralý qaýpine baqylaý júrgizý, Exposure Notification (Google jáne Apple kompanııasynyń indet juqtyrý qaýpine qarsy habarlama júıesi) tehnologııalaryn paıdalana otyryp, indet oshaǵyn tabý maqsatynda jasalǵan.

Qosymshanyń jumysy dál osy qosymsha ornatylǵan basqa qurylǵylarmen baılanysta bolǵan adamdardy jasyryn túrde izdeýge baǵyttalǵan.


Saqbol mobıldi qosymshasyn Google Play (Android 6.0 nemese odan keıingi nusqasy), App Store (iOS 13.5 nemese odan keıingi nusqasy) arqyly júkteýge bolady. Qosymshanyń durys jumys isteıtinine kóz jetkizý úshin sizde operatsııalyq júıeniń eń sońǵy nusqasy ornatylǵanyn tekserińiz.

Bul qosymsha qalaı jumys isteıdi? Saqbol qosymshasyn smartfonǵa júkteńiz, Bluetooth-di qosyńyz da telefonyńyzdy únemi ózińizben birge alyp júrińiz. Saqbol qosymshasy ornatylǵan basqa adamdarmen jaqyn qarym-qatynasta bolǵan kezde, sizdiń smartfondaryńyz Bluetooth arqyly shıfrlanǵan ıdentıfıkatorlarmen almasady. Árbir ıdentıfıkatorlyq baqylaý somasy ony qurǵannan keıin eki aptadan soń paıdalanýshynyń qurylǵysynan avtomatty túrde joıylady.

PTR-testten ótken soń, paıdalanýshynyń uıaly telefon nómirine 10 tańbaly kody bar SMS habarlama keledi. Ony test nátıjesin bilý úshin Saqbol qosymshasyna engizý kerek.

Eger Saqbol qosymshasyn paıdalanýshynyń koronavırýs juqtyrǵany belgili bolsa (ıaǵnı oǵan indet juqtyrǵany týraly test qorytyndysy habarlama arqyly kelse), ol óz baǵdarlamasyndaǵy habarlama fýnktsııasyn iske qosa alady. Bul qadam sońǵy 14 kúnde vırýs juqtyrǵan adammen baılanysta bolǵan mobıldi qosymshany qoldanýshylarǵa eskertý joldaıdy.

Habarlama iske qosylǵan kezde, qosymsha avtomatty ári anonımdi túrde qosymshanyń basqa paıdalanýshylaryna eskertý joldaıdy.

Habarlama alǵan qoldanýshylar Qazaqstan Respýblıkasy Densaýlyq saqtaý mınıstrliginiń odan ári is-sharalar týraly usynymdaryn oqı alady.

Eske sala ketsek, buǵan deıin Tsıfrlyq damý, ınnovatsııalar jáne aeroǵarysh ónerkásibi mınıstrligi men Densaýlyq saqtaý mınıstrligi koronavırýs ınfektsııasynyń taralýyn baqylaý jáne juqtyrý oshaqtaryn ýaqtyly oqshaýlaý maqsatynda «Saqbol» mobıldi qosymshasyn usynǵan bolatyn.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT