+7 (701) 759 90 19
USD 427.93 EUR 506.71
RUB 5.55 CNY 64.29
Jańalyqtar

Koronavırýs: Profılaktıkalyq maqsatta KT men rentgenge túsýge bola ma

2020 jylǵy 23 qyrkúıek 16:44
Bólisińiz:
Koronavırýs: Profılaktıkalyq maqsatta KT men rentgenge túsýge bola ma

ALMATY. QazAqparat –Almatydaǵy №7 qalalyq klınıkalyq aýrýhanasyna qarasty emhananyń ınfektsıonıst-dárigeri Ábdijámıeva Baqytkúl Jumahmetqyzy QazAqparat tilshisine halyq koronavırýs ınfektsııasy týraly neni bilý kerektigin aıtyp berdi.

– Qazir aýrýdyń beti qaıtty, aldaǵy qatelikterdi qaıtalamas úshin ne isteý kerek?

– Halyq ózin-ózi saqtap, bekitilgen sanıtarlyq talaptardy oryndaý kerek dep oılaımyn. Máselen, betperde taǵý, ara qashyqtyqty saqtaý jáne adamdardyń qoǵamdyq oryndarda kóp jınalmaýy da mańyzdy. Sebebi aýrý órshıgen kezde, keseldi indetti saý adamdar juqtyrýy múmkin.

– Aýrý órshigen kezde salmaqtyń bári dárgerlerge túskeni anyq, qandaı qıynshylyqtar boldy?

– Dárigerlerge naýqasqa kómek kórsetý alǵashqy aılarda óte qıyn boldy. Sebebi, dárigerler bul aýrýmen alǵash ret betpe-bet kelip, aýrýdyń bastalýy, órshýi, saýyǵýy degen sııaqty kezeńderde naýqastarǵa naqty dárigerlik kómek kórsetýi kerek boldy. Naýqastardy osy aýrýdyń baryna sendirý, jappaı karantın kezinde ózin-ózi oqshaýlaýdyń qajettigin túsindirý, dárigerlerdiń úı-jaıyn ýaqytsha umytyp, ózderin tek jumysqa arnaý –ońaı emes. Bastapqyda dárigerlerge qıyn bolsa da, aq halatty jandar qıyndyqtardy eńsere bildi. Olardyń qaısarlyǵy men mamandyqtaryna degen adaldyǵy osy kezeńde kórinip jatty.

– Bul derti ekinshi ret juqtyrý múmkin be? Koronavırýs ınfektsııasymen aýyrǵan adamdarda ımmýnıtet paıda bola ma?

– Bul jańa shyqqan dert bolǵandyqtan, onyn qaıta juǵý qaýpi áli tolyq zerttelip bitken jok, álemniń ǵylym zertteýshileri onymen jumys jasaýda. Elimizde aýrýdan saýyqqan naýqastardyń qan taldaýlarynda Ig G anyqtalyp jatyr. Negizinde, barlyq ótip ketken aýrýlardan soń adam aǵzasynda vırýs jáne bakterııalarga qarsy ımmýnıtet qalyptasady. ıAǵnı, antıdeneler IgG paıda bolady. Biraq antıdenelerdiń bolýy naýqastardyń qaıta aýyrýyna qaýip joq degen sóz emes. Ǵalymdardyń tolyq zertteýlerinen soń bul sýraqqa tolyq jaýap berýge bolady. Degenmen, saqtyq sharalarymen tolyq kelisip, olardy mindetti túrde oryndaý qajet.

– Aýrýhanaǵa jatqyzarda koronavırýs ınfektsııasy aýyr ótip jatqan adamǵa basymdyq beriledi. Aýrý belgisi joq adamdardyń kóbi úıinde medıtsınalyq qyzmetkerlerdiń baqylaýynda bolady. ıAǵnı, úıdegi adam koronavırýs ınfektsııasy aýrýynyń toqtaǵanyn qalaı biledi? Dám, ıis sezý retseptorynyń qaıtyp kelýi sııaqty negizgi belgisi bar ma?

– KVI men negizgi aýrý belgisi joq nemese jeńil túrde aýyrǵan naýqastar dáriger baqylaýynda bolyp, asqynýy bolmaǵan jaǵdaıda úıde emdelse bolady. Úı jaǵdaıynda em alatyn naýqastar úshin mobıldik toptar emhanalarda jumys istep jatyr. Máselen, bizdiń emhananyń mobıldik toptardyń qyzmetkerleri naýqastardyń úılerine baryp, qajet medıtsınalyq kómek berdi.

Aýrýdy juqtyrǵan kúnnen bastap alsaq, dám jáne ıis sezbeı qalý kezeńderinde vırýs adam aǵzasynda óte kóp mólsherde bolady. Al ol kezeńder basylsa, vırýs aǵzada azaıady. Sondyqtan, osy kezeńderge qarap, naýqastyń jaǵdaıynyń jaqsarǵanyn kórýge bolady.

– Tek profılaktıkalyq maqsatta KT men rentgenge túsýge bola ma?

– Árıne, jok! Sebebi KT jáne Rentgen tekseris barysynda adam aǵzasy ýltra kúlgin sáýlesimen sáýlelenedi. Sol kezde aǵzaǵa keri áser tııý qaýpi bar. Ol aǵzadan shyǵyp tazarý úshin uzaq ýaqyt qajet. Aǵzada ýltra kúlgin sáýlesi kóp mólsherde jınalsa, qaterli isik aýrýyna shaldyqtyrýy múmkin.

–JRVI aldyn-alý úshin qandaı keńes berer edińiz. Ózimizge dárýmender keshenin taǵaıyndaý qanshalyqty durys, onyń janama áserleri qalaı bolmaq?

– JRVI-dyń aldyn alý úshin, salaýatty ómir saltyn ustaý qajet. Deneni shynyqtyryp, taza aýada serýendep, durys tamaqtaný men durys ýaqytynda dem alýdy qalyptastyrý kerek. Zııandy ádetterden arylý kerek. Aǵzany qajetti dárýmendermen baıytyp otyrýkerek. Óz betinshe dárýmenderdi qabyldaýdyń janama áserleri bar, sondyqtan dárýmen qabyldar aldynda dáriger keńesine júginý qajet.

– KVI kezinde kandaı preparattardy dárigerdiń nusqaýynsyz qoldanýǵa bolady jáne qandaı dárilerdi paıdalanbaǵan jón?

– Naýqastyń óz betinshe dári qabyldaýyna bolmaıdy. Sebebi, keıbir dáriler qaýipti allergııalyq reaktsııalar berýi múmkin.

– Koronavırýs tuzdy sýda óledi degen qanshylyqty shyndyqqa sáıkes keledi?

– Mundaı shyndyqqa janaspaıtyn tujyrymǵa senýdiń qajeti joq. Medıtsınalyk preparattardyń ishinde quramynda tuzy bar darilik zattar bar, biraq olar jalǵyz tuzdan quralmaıdy. Aǵzaǵa qajetti ıondarmen baıytylǵan, solardyń ǵana kómegi tııýi múmkin. Jáne barlyq naýqastar ne qabyldasa da dáriger nazarynda bolýy tıis.

– Suhbatyńyzǵa rahmet!


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janat Qapalbaeva
Janat Qapalbaeva
954-059

MURAǴAT