+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Koronavırýs pandemııasyndaǵy bıznes: Qalaı ınvestıtsııa tartýǵa bolady

2020 jylǵy 29 maýsym 09:00
Bólisińiz:
Koronavırýs pandemııasyndaǵy bıznes: Qalaı ınvestıtsııa tartýǵa bolady

NUR-SULTAN. QazAqparat - Bıylǵy «Online Astana Finance Days» konferentsııasynda álemdik sarapshylar pandemııa kezeńindegi ekonomıkany damytý men qoǵamdy qoldaýdyń naqty sheshimderi men mehanızmderin jáne COVID-19 keıingi jaǵdaıda bıznestiń ınvestor tartý qajettigi týraly aıtady, dep habarlaıdy QazAqparat tilshisi.

2020 jyldyń basty oqıǵasy - koronavırýs pandemııasy boldy. Bul jaǵdaı jahandyq ekonomıkalyq báseńdeýge ákep soqty. Halyqaralyq valıýta qorynyń sońǵy boljamyna sáıkes, 2020 jyly álemdik ekonomıka birden 4,9% quldyraıdy, al odan keıin 5,4% ósim kútilýde. Degenmen, kóp nárse adamzattyń pandemııamen kúrestegi tabysyna tikeleı baılanysty bolyp otyr. 2020 jyldyń sońyna deıin naýqastar sany azaımasa, retsessııa 2021 jyly da jalǵasýy múmkin. Mundaı jaǵdaıda bıznestiń óz jumysyn qoldaýǵa nemese damýyna ınvestıtsııa tartý qıyndaı túsedi. Investorlar barlyǵyna saqtyqpen qaraıdy jáne olardyń kópshiligi damýshy naryqtardan kapıtalyn shyǵaryp jatyr.

Mundaı jaǵdaıda qarjylyq alańdar - halyqaralyq qarjy ortalyqtary kómektese alady. Olar túrli formattaǵy qarjylandyrý joldaryn usynyp, naryqty damytýǵa septigin tıgizedi. Qazaqstan 2018 jyly ekonomıkasyn ártaraptandyrýdy qoldaý úshin óziniń «Astana» halyqaralyq qarjy ortalyǵyn iske qosty. Onyń júıesinde tek qarjylyq kompanııalar ǵana emes, dástúrli sala ókilderi de jumys isteı alady. Qalaısha?

«Online Astana Finance Days 2020» konferentsııasynda osy taqyrypta eki sessııa ótedi - «AHQO-daǵy fandraızıng» jáne «Qazaqstan - aýylsharýashylyq jobalar jáne ınvestıtsııalyq syn-qaterdi azaıtý».

«AHQO-daǵy fandraızıng» vebınarynda sarapshylar AHQO-da ınvestıtsııalyq jobalarǵa qarajat tartý platormasyna qandaı qyzmetter qoljetimdi ekenin aıtyp beredi. Aqshalaı qarajatty tartýdyń túrli mehanızmderi men kózderi kórsetiledi. Máselen, 300 myń dollarǵa deıingi qaryz boıynsha - iKapitalist jobasy (AHQO qarjy tehnologııalary aıasynda); 100 mln dollarǵa deıingi úlestik qatysýda - KIDF qory; 100 mln dollarǵa deıingi úlestik qatysý men qaryz boıynsha - Qytaı qurylys bankiniń AHQO-daǵy fılıaly.

Ekinshi sessııa Qazaqstannyń aýylsharýashylyq áleýetin júzege asyrýǵa jáne osy sektorǵa ınvestıtsııa tartýǵa arnalady. McKinsey keltirgen sońǵy esepke súıensek, mundaı bıznes aktsıonerler úshin tıimdi bolmaq jáne 2004 jyldan bastap, halyqaralyq ınvestorlar osy sektordaǵy bızneste belsendiligin úsh ese arttyrǵan.

2019 jyly elimizdegi aýylsharýashylyq sektoryna salynǵan ınvestıtsııalardyń jalpy kólemi 1,1 mlrd dollar bolǵan. Bul bir jyl burynǵy kórsetkishten 41% joǵary. Agroónerkásiptik keshendegi belsendilik boljamy aldaǵy 5 jylda 10,3 mlrd dollar ınvestıtsııa túsetinin kórsetip otyr.

Investıtsııalaýdyń naqty múmkindikterin tanystyrý maqsatynda «Qazaqstan - aýylsharýashylyq jobalar jáne ınvestıtsııalyq syn-qaterdi azaıtý» sessııasy ótedi. Onda memlekettiń aýyl sharýashylyǵy salasyna qatysýy, COVID-19 kezeńindegi jáne odan keıingi jaǵdaıda ınvestorlardyń qajettigi, elimizdiń halyqaralyq naryqtaǵy múmkindikteri men ınvestorlyq qajettilikteri talqylanady.

Tutas «Online Astana Finance Days 2020» konferentsııasy 29 maýsym - 3 shilde aralyǵynda onlaın formatta ótedi. Ondaǵy pikirtalastyń basty taqyryby - «Ózgermeli álemdegi naryqtar» bolmaq. Sarapshylar men saıasatkerler qalyń jurtshylyqqa óz boljamdaryn aıtyp qana qoımaı, pandemııa kezeńindegi ekonomıkany damytý men qoǵamdy qoldaýdyń naqty sheshimderi men mehanızmderin usynbaq.

Konferentsııanyń arnaıy saıtynda shara baǵdarlamasymen tanysyp, akkredıtatsııadan ótýge bolady.

Tirkelgen qatysýshylarǵa vebınar jazylymdary qoljetimdi bolady jáne olar álemdik sarapshylarǵa tikeleı efırde suraq qoıa alady.

Sonymen birge, Online Astana Finance Days 2020 barysyn Twitter, Facebook jáne Instagram jelilerindegi resmı paraqshalarda baqylaýǵa bolady.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT