Koronavırýs oshaǵy týraly eskertetin «Saqbol» qosymshasyn qansha adam júktedi

NUR-SULTAN. QazAqparat - Koronavırýs ınfektsııasynyń taralýyn baqylaý jáne juqtyrý oshaqtaryn ýaqtyly oqshaýlaý maqsatynda ázirlengen «Saqbol» mobıldi qosymshasy 100 myń ret júktep alyndy, dep habarlaıdy QazAqparat tilshisi.

«100 myń júkteý – bul óte jaqsy kórsetkish. Óıtkeni qosymsha tek qazan aıynda iske qosyldy. Biraq, bul da jetkiliksiz. Ol tıimdi bolýy úshin el turǵyndarynyń kem degende 60 paıyzy qosymshany smartfondaryna ornatýy kerek. Sondyqtan men qazaqstandyqtardy ózi men jaqyndarynyń qaýipsizdigi úshin «Saqbol» qosymshasyn júkteýge jáne PTR-test oń bolǵan jaǵdaıda habarlama jiberýden qoryqpaýǵa shaqyramyn. Habarlamalar anonımdi, aýyrǵandardyń aty-jónin, meken jaıyn, baılanystaryn, ornalasqan jerin kórsetýdiń qajeti joq», - dedi «Ulttyq aqparattyq tehnologııalar» AQ-nyń basqarma tóraǵasy Áset Turysov.

Aıta keteıik, Saqbol paıdalanýshylardyń telefondary arasynda Bluetooth arqyly shıfrlanǵan derekterdi berý arqyly jumys isteıdi. Eger adam koronavırýsqa PTR testin tapsyrsa jáne onyń nátıjesi oń shyqsa, ol sońǵy 14 kún ishinde 2 metr qashyqtyqta 5 mınýttan artyq baılanysta bolǵan adamdarǵa jasyryn túrde eskertý jasaı alady.

Qosymsha qazan aıynyń sońynda iske qosyldy.