+7 (701) 759 90 19
USD 435.54 EUR 473.08
RUB 5.76 CNY 61.64
Jańalyqtar

Koronavırýs órshigen Qytaıdyń Ýhan qalasynda 98 stýdent qaldy – QR SІM

2020 jylǵy 24 qańtar 16:57
Bólisińiz:
Koronavırýs órshigen Qytaıdyń Ýhan qalasynda 98 stýdent qaldy – QR SІM

NUR-SULTAN. QazAqparat – QR Syrtqy ister mınıstrliginiń resmı ókili Aıbek Smadııarov Ýhan qalasynda 230 qazaqstandyq stýdent oqıtynyn aıtady, dep habarlaıdy QazAqparat tilshisi.

Uqsas jańalyqtar
Shymkentte koronavırýs juqtyrǵandardyń qatarynda 13 jastaǵy jasóspirim bar Qyzylorda oblysynda koronavırýs juqtyrǵan 9 adamnyń barlyǵy Shıeli aýdanynan Sheteldik professor qazaqstandyq dárigerlerdiń suraǵyna jaýap berdi

«Karantınniń engizilýine baılanysty Qytaı aýmaǵyndaǵy bizdiń azamattar úshin Beıjińdegi Qazaqstan elshiligi táýlik boıy jumys isteıtin jedel jeli ashty. Telefondardy elshiliktiń veb-saıtynan nemese SІM saıtynan qaraýǵa bolady. Qazaqstannyń Qytaıdaǵy elshiliginiń jáne QR SІM saıttarynda jedel aqparatty qadaǵalaýǵa jáne jergilikti bılik organdarynyń usynystaryn naqty ustanýǵa keńes beremiz», - dedi Aıbek Smadııarov.

Onyń aıtýynsha, Ýhan qalasynda 230 qazaqstandyq stýdent tirkelgen.

«Búgingi tańda qalada 98 stýdent qalyp otyr. Al qalǵandary demalystyń bastalýyna baılanysty Qazaqstanǵa jáne basqa da elderge ketip qalǵan. Bizdiń dıplomattar Ýhandaǵy barlyq stýdentpen baılanys ornatqan. Olar tanymal messendjerler arqyly Ýhan men Qytaıdyń basqa qalalarynda qalyptasqan epıdemıologııalyq jaǵdaılar kezinde qabyldaý qajet saqtyq sharalary men tártip erejeleri týraly habardar etilgen. Bizdiń stýdentter oqıtyn JOO basshylarymen tikeleı jumys baılanystary ornatylǵan. Sondaı-aq, Qazaqstan elshiligi Hýveı provıntsııasynyń Syrtqy ister basqarmasymen baılanysyp, ózekti aqparat almasý jáne azamattarymyzdy izdestirýge barynsha kómek kórsetý jóninde kelisimge qol jetkizdi», - dedi ol.

Aıbek Smadııarov atap ótkendeı, elshilikte bar aqparat boıynsha, Qytaı aýmaǵynda anyqtalǵan koronavırýstyń jańa túrinen týyndaǵan aýrýdy juqtyrǵan patsıentterdiń arasynda Qazaqstan azamattary joq.

Aıta ketsek, Aıbek Smadııarov buǵan deıin Qytaıdaǵy koronavırýsty 830 adam juqtyryp, 25 adam kóz jumǵanyn habarlaǵan bolatyn.


Foto: delo.ua
Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT