Koronavırýs: Nur-Sultanda tórt naýqastyń jaǵdaıy aýyr

NUR-SULTAN. QazAqparat – Nur-Sultan qalalyq qoǵamdyq densaýlyq saqtaý basqarmasynyń basshysy Sáýle Qısyqova elordada koronavırýs ınfektsııasymen tirkelgen sońǵy 20 naýqas týraly aıtyp berdi, dep habarlaıdy QazAqparat.

Uqsas jańalyqtar

Koronavırýs: Taraz «sary aımaqqa» endi

Qazaqstanda 25 myńnan astam adam koronavırýstan emdelip jatyr Koronavırýs pnevmonııasynan 3 adam qaıtys boldy Germanııa men Italııada karantın merzimi uzartyldy

«20 naýqastyń 14-i — statsıonarlyq emdeýde jatqan naýqastar. Olardyń bir bóligi ókpe qabynýy kúdigimen JRVI belgilerimen jáne dene qyzýymen aýrýhanaǵa túsken. Ekinshi bir bóligi – 24-25 naýryzda koronavırýstyq ınfektsııa anyqtalǵan adamdarmen jaqyn baılanysta bolǵany úshin tekserýge alynǵandar. Sonymen birge, naýqastar arasynda ózge elderden ushyp kelip, oqshaýlanǵan adamdar da bar», - dedi basqarma basshysy «Habar 24» telearnasynda ótken brıfıngte.

Onyń aıtýynsha, 6 jaǵdaı Nur-Sultan qalasy turǵyndary arasynda júrgizilgen monıtorıng barysynda tirkelgen.

«Qazirgi ýaqytta Nur-Sultanda 61 adamnan koronavırýstyq ınfektsııa tabylyp, statsıonarda jatyr. Tórt naýqastyń jaǵdaıy – turaqty aýyr. Olardyń ókpe qabynýy rastaldy jáne tynys jetispeýshiligi bar. Koronavırýstyq ınfektsııa boıynsha hattamaǵa sáıkes em-dom alyp jatyr. Qalǵan naýqastardyń jaǵdaıy qanaǵattanarlyq, shaǵym joq, dene qyzýy qalypty», - dedi Sáýle Qısyqova.

Aıta keteıik, Qazaqstan Respýblıkasy aýmaǵynda koronavırýs ınfektsııasyn juqtyrǵan jalpy 109 naýqas tirkeldi.

Nur-Sultan qalasynda 61 adamda koronavırýs ınfektsııasy anyqtaldy. Almaty qalasynda - 40 adam, Shymkent qalasynda – 2 adam, Qaraǵandy qalasynda - 2, Almaty, Aqtóbe, Jambyl, Soltústik Qazaqstan oblystarynda – 1 adamnan tirkelgen.