+7 (701) 759 90 19
USD 397.56 EUR 445.94
RUB 5.82 CNY 55.96
Jańalyqtar

Koronavırýs: Qyzylordada bas sanıtar kópshilikti qonaqqa barmaýǵa shaqyrdy

2020 jylǵy 8 sáýir 13:40
Bólisińiz:
Koronavırýs: Qyzylordada bas sanıtar kópshilikti qonaqqa barmaýǵa shaqyrdy

QYZYLORDA. QazAqparat - Qyzylorda oblysynyń bas sanıtar dárigeri Álııa Ábdiqaıymova óńirde koronavırýs ınfektsııasyna baılanysty qalyptasqan tótenshe jaǵdaı ýaqytynda kópshilikti qonaqqa barmaýǵa jáne úıge qonaq shaqyrmaýǵa shaqyrdy, dep habarlaıdy QazAqparat tilshisi.

Qazir oblysta elimizde koronavırýs ınfektsııasyn juqtyrǵan adamdar sany jóninen aldyńǵy úshtikte tur. Oblysta osyǵan baılanysty tıisti shekteý engizilip, Qyzylorda qalasy men birqatar aýdandarda karantın jarııalanǵan.

«Aıta keterligi, aımaqta koronavırýs ınfektsııasyn juqtyrǵan turǵyndardyń 60-70 protsentin jastar quraıdy. Olardyń tarapynan keıbir keleńsiz oqıǵalar oryn alyp jatady. Máselen. elordadan kelgen stýdent qyz aýylda dostarymen basqosý ótkizgen. Sonyń saldarynan birneshe adamǵa koronavırýs ınfektsııasy dıagnozy qoıyldy. Shaǵyn ǵana aýyldan 25 adamnyń qaýipti indetti juqtyrýy alańdatady. Sondyqtan biz osy baǵytta karantın erejelerin qatańdata tústik. Endi oblys aýmaǵynda 2-3 adam bolyp toptasyp júrýge tyıym salyndy. Ólim-jitim, toıǵa barýǵa bolmaıdy.», - dedi oblystyq Taýarlar, qyzmetterdiń sapasy men qaýipsizdigin baqylaý departamenti basshysynyń orynbasary, aımaqtyń bas sanıtar dárigeri Álııa Ábdiqaıymova.

Ol keıbir otbasylardyń jaqyndary elimizdiń túkpir-túkpirinde turatynyn biletinin aıtyp ótti.

«Olar janaza men toılardan qalmaýǵa tyrysady. Qazir mundaı sharalar ınfektsııanyń taralýyna óte qaýipti bolyp tur. Sondyqtan turǵyndardan barlyq qaýipsizdik sharalaryn saqtaýdy suraımyz. Úı karantınin saqtańyzdar!», - dedi Álııa Ábdiqaıymova.

Sońǵy derek boıynsha Qyzylorda oblysynda 69 adam koronavırýs ınfektsııasyn juqtyrǵan.

Bizdiń kanalymyzǵa jazylyńyz:

Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT