+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Koronavırýs: Qyzylorda oblysynda mobıldi brıgadalar quryldy

2020 jylǵy 7 shilde 14:42
Bólisińiz:
Koronavırýs: Qyzylorda oblysynda mobıldi brıgadalar quryldy

QYZYLORDA. QazAqparat - Qyzylorda oblysynda jedel járdem qyzmetine júkteme eki esege artty. Bul jóninde oblys ákimi Gúlshara Ábdiqalyqova onlaın brıfıngide málim etti, dep habarlaıdy QazAqparat tilshisi.

Qazir Qyzylorda oblysy boıynsha halyqqa 81 jedel járdem brıgadasy qyzmet kórsetedi. Olardyń quramynda 52 dáriger men 351 feldsher bar.

«Qazir táýligine 2 myńǵa jýyq shaqyrtý tirkeledi. Júkteme 2 esege ósip, dıspetcherler men qyzmetkerlerdiń jetispeýshiligi baıqalady. Osyǵan oraı, medıtsına mamandyǵy bar jas mamandar men eriktilerdi jumysqa tartý sharalaryn qarastyrýdamyz.

Sonymen qatar, úıde em alýshylarǵa qosymsha kómek berý maqsatynda 50-den astam dárigerlik mobıldi toptar quryldy. Olardyń jumysyn úılestirý úshin ákimdikter tarapynan qyzmettik avtokólikter bólindi», - dedi aımaq basshysy.

Oblys ákimi medıtsına mamandarynyń eńbegin baǵalaýǵa, saqtyq sharalaryn qaperde ustaýǵa shaqyrdy.

«Qadirli jerlester! Oblysta engizilgen shekteýlerge túsinistikpen qarap, saqtyq sharalaryna erekshe den qoıýǵa shaqyramyn. Eń bastysy, aq halatty abzal jandardyń erlikke tán eńbegine qoldaý bildirip, emdeý mekemelerinde jatqan naýqastardyń aman-esen ortamyzǵa qosylýyna tileýles bolaıyq! Bizdiń basty baılyǵymyz – adam densaýlyǵy jáne onyń ómiri. Bir-birimizge janashyr bolaıyq», - dedi G.Ábdiqalyqova.

Búginde deıin Qyzylorda oblysynda koronavırýs ınfektsııasyna shaldyqqan 1456 adam tirkelgen. Onyń ishinde 950 naýqas syrqatynan jazylyp, 3 adam qaıtys boldy.


Bizdiń kanalymyzǵa jazylyńyz:

Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT