Koronavırýs: Kelesi jyldan bastap qazaqstandyqtarǵa erikti túrde jappaı vaktsına egilmek

NUR-SULTAN. QazAqparat - 2021 jyldan bastap turǵyndarǵa erikti túrde jappaı vaktsına egý josparlanyp otyr.Bul týraly Memleket basshysy Qasym-Jomart Toqaev Premer-Mınıstr Asqar Mamındi qabyldaýy kezinde aıtyldy, dep habarlaıdy QazAqparat.

2021 jyldan bastap turǵyndarǵa erikti túrde jappaı vaktsına egý josparlanyp otyr. Alǵashqy kezeńde turǵyndardyń aýrýdy juqtyrý qaýpi joǵary toby, ıaǵnı dárigerler, pedagogtar, kúshtik qurylymdardyń qyzmetkerleri qamtylady.

Qasym-Jomart Toqaev Asqar Mamınge otandyq vaktsına óndirisine qatysty berilgen tapsyrmany jedel oryndaǵany úshin alǵys bildirip, dáriniń tıimdiligine basa mán berýdi jáne turǵyndarǵa qol jetimdi bolýyn baqylaýda ustaýdy tapsyrdy.

Aldyn ala boljamǵa sáıkes, Qazaqstanda koronavırýsqa qarsy vaktsına 65 jastan asqan, júrek-qan tamyry aýrýy, qant dıabeti jáne sozylmaly ókpe aýrýlary bar táýekel tobyna kiretin adamdarǵa jáne medıtsına qyzmetkerlerine salynatyn bolady. Vaktsına alatyndardyń boljamdy sany 2 347 000 adamdy quraıdy.

Densaýlyq saqtaý mınıstrligi vaktsınalaý - ınfektsııalyq aýrýlardan qorǵanýdyń tıimdi ádisi ekenin jetkizdi. Qazaqstandyq ǵalymdar 7 vaktsına daıyndaý tehnologııasyn jasady. Koronavırýsqa qarsy vaktsına salynatyn táýekel tobyndaǵy adamdar aıqyndaldy. Qazaqstanda koronavırýsqa qarsy vaktsına baǵasy qansha bolýy múmkin ekeni de aıtyldy.