+7 (701) 759 90 19
USD 447.67 EUR 491.36
RUB 5.74 CNY 63.07
Jańalyqtar

Koronavırýs: Qazaqstan men álemdegi ahýalǵa sholý

2020 jylǵy 27 aqpan 00:50
Bólisińiz:
Koronavırýs: Qazaqstan men álemdegi ahýalǵa sholý

NUR-SULTAN. QazAqparat – QR Bas sanıtarııalyq dárigeri Jandarbek Bekshın koronavırýs indetiniń aldyn alý boıynsha Qazaqstanda qandaı jumystar atqarylǵanyn aıtyp berdi, dep habarlaıdy QazAqparat.

Uqsas jańalyqtar
Koronavırýs týraly jalǵan aqparat taratqan Shymkent turǵyny keshirim surady SQO-da koronavırýstyń aldyn alý maqsatynda arnaıy jospar ázirlendi Koronavırýs: Qaraǵandy densaýlyq saqtaý basqarmasy maskalar tapshylyǵyna qatysty túsinikteme berdi

«Álemde koronavırýs boıynsha jaǵdaı kúnde qubylyp tur. QHR-da jaǵdaı turaqty bolsa, basqa elderde jaǵdaı kúrdelenip barady. Mysaly, keıingi kezderi Iran Respýblıkasynda jaǵdaı kúrdeli. Resmı túrde onda 42 oqıǵa tirkelip, 12 adam qaıtys bolǵan. Ońtústik Koreıada 10 ólim-jitim oqıǵasy, Italııada – 10, Gonkongta – 2 jaǵdaı tirkeldi «, - deıdi J. Bekshın.

Al atalmysh ınfektsııa shyqqan Qytaı elinde sońǵy málimetter boıynsha 78 064 adam vırýsqa shaldyqqan, 2 715 adam kóz jumdy. QHR Densaýlyq saqtaý isteri boıynsha memlekettik komıteti sársenbi 26 aqpanda 406 jańa kornavırýs juqtyrǵan adamdy anyqtady, al seısenbi kúni 52 adam osy ınfektsııadan qaıtys boldy. Ólimniń barlyǵy Hýbeı provıntsııasynda (Ortalyq Qytaı) tirkelgen.

Densaýlyq saqtaý mınıstrligi indet taraǵan memleketterdi úsh sanatqa bólip, Qazaqstan azamattaryna birneshe elge barmaý jóninde keńes berdi.

Buryn birinshi sanatta tek QHR bolsa, bul tizimge Ońtústik Koreıa, Japonııa, Italııa, Iran, Qytaıdyń arnaıy ákimshilik aımaqtary – Gonkong, Makao, Taıvan aımaǵy engizildi. Bul elderden kelgen azamattar 1 naýryzdan bastap, úıde karantınge oqshaýlanady. Olar óz mekenjaıy boıynsha oqshaýlanady. Kúndelikti jergilikti dárigerler osy azamattardy qarap shyǵady.

Qaýiptiligi jaǵynan ekinshi sanatta úsh memleket bar – Sıngapýr, Taıland, Malaızııa. Al úshinshi sanatqa – Vetnam, Germanııa, Aýstralııa, AQSh, Birikken Arab Ámirlikteri, Kanada engizildi. Bul elderden kelip jatqan azamattar erkin júredi, sharýalarymen aınalysa alady. Biraq, olardyń jaǵdaıyn medıtsınalyq qyzmetkerler telefon arqyly kúnara bilip turady.

QR Syrtqy ister mınıstrliginiń málimetine sáıkes, qazirgi ýaqytta Ońtústik Koreıada – 34 myń, Japonııada – 180, Iranda – 170-ke jýyq qazaqstandyq bar. Osy ýaqytqa deıin Ýhannan 300-ge tarta qazaqstandyqtar men sheteldikter jetkizilip, karantınnen ótkizilgen. Olardan koronavırýs tabylǵan joq. Qazir de Qytaıdan keletin azamattarǵa karantın engiziletin bolady. 20 aqpannan bastap 160 adam karantınde jatyr. Olardyń ishinde otandastarymyzben birge QHR-dyń da, ózge elderdiń de azamattary bar.

Sonymen birge, koronavırýs ınfektsııasyna baılanysty Qazaqstan Ońtústik Koreıa men Iranǵa áýe reısterin shekteıdi. Ońtústik Koreıa koronavırýs qaýpi jaǵynan birinshi sanatqa engizildi. Onda 1 146 adam koronavırýs juqtyryp, 11 adam kóz jumdy. 1 naýryzdan bastap eki el arasyndaǵy áýe qatynasy 9 reısten 3 reıske deıin azaıady. Al Iranda koronavırýsqa qatysty 42 oqıǵa tirkelse, onyń 12 adam qaıtys boldy. Túrkııa, Pákistan, Oman, Aýǵanstan syndy elder Iranmen áýe qatynasyn ýaqytsha shektegen edi. Densaýlyq saqtaý mınıstrligi QR Investıtsııa jáne ınfraqurylymdyq damý jáne Syrtqy ister mınıstrlikterimen birlesip, ózge memlekettermen de áýe qatynasyn shekteýdi qarastyryp jatyr.

Bul rette Qazaqstan men Qytaı arasynda júk tasymalynyń toqtamaǵanyn atap ótken jón.

«Júk tasymalymen aınalysatyn qyzmetkerlerge, onyń ishinde júrgizýshilerge qatysty esh qaýiptiń joqtyǵyn anyqtadyq. Gazben aınalysatyn kólik júrgizýshileri úshin de qaýip joq. Olar kedendik aımaqqa eki saǵatqa kiredi jáne Qazaqstanǵa ótpeıdi. Basqa da aýyr júk kólikteri júrgizýshileri shekara aımaǵynda tur. Qytaılyq taraptan da, bizdiń taraptan da sharalar qabyldap jatyr. Kólik júrgizýshileri baqylaýǵa alynǵan. Tekserý jumystary kúnine eki ret júrgiziledi», - dedi Jandarbek Bekshın.

Odan bólek, Jandarbek Bekshın kásiporyndar men qoǵamdyq oryndardyń dezınfektsııalyq rejımin kúsheıtýdi surady. Dezınfektsııalyq rejımdi kúsheıtip, barlyq qoǵamdyq uıymdarda qol jýýǵa jaǵdaı jasalýy kerek. Mindetti túrde suıyq sabyn qoıylýy tıis. Ásirese, sýpermarketter men medıtsınalyq mekemelerde dezınfektsııalyq rejım saqtalyp, saǵat saıyn esik tutqalary men baspaldaq mańaıy tazartylyp turýy kerek.

Almaty qalasynyń ákimdigi asa qajettilik bolmasa adam kóp jınalatyn jerlerge barmaý qajettigin eskertti. Qaladaǵy barlyq medıtsınalyq uıymdar jeke qorǵaný quraldarymen tolyq qamtamasyz etilgen.

Sondaı-aq, koronavırýstyń órshýine baılanysty birqatar halyqaralyq sporttyq oıyndar keıinge shegerilip, ózge qalalarǵa aýystyryldy.

Ońtústik Koreıanyń Seýl qalasynda 13-15 naýryz kúnderine josparlanǵan short-trekten álem chempıonaty ótpeıtin boldy. Bul elde koronavırýs juqtyrǵandar sany 1 146 adamǵa jetti.

Kúres túrlerinen Azııa aımaqtyq Olımpıadaǵa irikteý týrnıri Qytaıdan Qyrǵyzstanǵa aýystyryldy. Negizgi jospar boıynsha Tokıo olımpıadasy qarsańyndaǵy aımaqtyq lıtsenzııalyq týrnır Qytaıdyń Sııan qalasynda ótýi tıis bolatyn. Alaıda, Qytaıdaǵy koronavırýstyń órshýine baılanysty bul báseke Qyrǵyzstannyń Bishkek qalasyna aýystyryldy. Endi, kúres túrlerinen Azııa aımaqtyq lıtsenzııalyq týrnıri 2020 jyldyń 27-29 naýryzy aralyǵynda Bishkekte ótetin boldy.

Bokstan 2020 jylǵy Tokıo olımpıadasyna Azııa/Tynyq muhıt aımaǵy elderiniń aımaqtyq irikteý týrnıri men taekvondodan 10-12 sáýir kúnderi Ýsı qalasynda bolatyn taǵy bir lıtsenzııalyq jarys Iordanııanyń Amman qalasyna aýystyryldy.

Italııada Eýropa lıgasynyń 1/16 fınalynyń «Inter» - «Lýdogorets» komandalary arasynda bolatyn qarymta oıyny jankúıersiz ótedi. Vırýstyń taralýyna baılanysty ıtalııalyq A serııasynyń 25 týrynyń tórt matchy toqtatylǵan edi. Sondaı-aq áýesqoı jáne jastar lıgasynda 42 match keıinge qaldyryldy. Italııa koronavırýs juqtyrǵandar sany boıynsha Qytaı men Ońtústik Koreıadan keıingi úshinshi orynda tur.



Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT