+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Koronavırýs: Qaraǵandy densaýlyq saqtaý basqarmasy maskalar tapshylyǵyna qatysty túsinikteme berdi

2020 jylǵy 3 naýryz 17:19
Bólisińiz:
Koronavırýs: Qaraǵandy densaýlyq saqtaý basqarmasy maskalar tapshylyǵyna qatysty túsinikteme berdi

QARAǴANDY. QazAqparat – Qaraǵandy oblystyq densaýlyq saqtaý basqarmasynyń basshylyǵy óńir turǵyndaryn koronavırýs týraly jalǵan habarlamalarǵa senbeýge shaqyrdy, dep habarlaıdy qazAqparat tilshisi.

Qaraǵandy oblysynda koronavırýsqa kúdikti bir de bir jaǵdaı tirkelmegen. Atalmysh ınfektsııanyń taralýynyń aldyn alý sharalary týraly Densaýlyq saqtaý basqarmasynda ótken brıfıngte málim etti.

«Ózderińiz bilesizder, Memleket basshysy koronavırýstyń taralýynyń aldyn alý úshin naqty sharalar qabyldaýdy tapsyrdy. Oblys ákiminiń orynbasary Álisher Ábdiqadyrov bastaǵan oblystyq shtab quryldy. Negizgi baǵyttardy qamtıtyn is-sharalar kesheni ázirlendi. Medıtsınalyq qyzmetkerler koronavırýs anyqtalǵan jaǵdaıda áreket etý boıynsha aýqymdy oqytýdan ótti. Oblys boıynsha provızorlyq baqylaý jáne azamattardy karantındeý úshin arnaıy oryndar daıyndaldy», - dep habarlady Densaýlyq saqtaý basqarmasynyń basshysy Erjan Nurlybaev.

Ol sondaı-aq medıtsınalyq maskalar aınalasyndaǵy dúrlikpe týraly da túsinikteme berdi. Basqarma basshysynyń aıtýynsha, turǵyndardyń ózderi dárihanalarda jasandy tapshylyqtyń ornaýyna áserin tıgizgen.


«Búgingi tańda biz maska kıip júrý rejimin engizgen joqpyz. Dúrlikpege esh negiz joq. Aqpan aıynyń basynda oblysqa shamamen 700 myń betperde alyp kelgen. Azamattar olardy úlken partııalarmen satyp ala bastady. Bul máseleni sheshý úshin jaqyn arada oblysta bir ret qoldanylatyn buıymdar, birinshi kezekte maskalar men halattar óndirisi jolǵa qoıylady. Biz turǵyndardyń suranysyn tolyq qanaǵattandyramyz», - dedi Erjan Nurlybaev.

Onyń aıtýynsha, medıtsınalyq uıymdar maskalarmen tolyq kólemde qamtamasyz etilgen. Olar respýblıkalyq bıýdjetten bólingen qarajat esebinen satyp alyndy.

Brıfıngte sondaı-aq JRVI men tumaý aýrýy týraly habarlady. Oblystyq taýarlar men qyzmetterdiń sapasy men qaýipsizdigin baqylaý departamentiniń basshysy Qanat Asqarovtyń aqparaty boıynsha, jaǵdaı qanaǵattanarlyq jáne karantın engizýdiń qajeti joq. 1 qazannan bastap oblysta JRVI dertiniń 30 myń jaǵdaıy tirkelgen, maýsymdyq tumaýdyń - 142 jáne V tumaýynyń bir jaǵdaıy zerthanalyq saraptama arqyly rastaldy.


Vedomstvo basshylary azamattardy messendjerlerde jalǵan habarlamalarǵa senbeýge, tek resmı aqparatty paıdalanýǵa shaqyrdy. Ondaı aqparat QR Densaýlyq saqtaý mınıstrliginiń, Densaýlyq saqtaý basqarmasynyń, taýarlar men qyzmetterdiń sapasy men qaýipsizdigin baqylaý komıtetiniń departamentiniń saıttarynda únemi ornalastyrylady.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT