+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Koronavırýs indet qaýpi týraly «Saý bolaıyq!» telejobasy efırge shyqty

2020 jylǵy 5 tamyz 18:24
Bólisińiz:
Koronavırýs indet qaýpi týraly «Saý bolaıyq!» telejobasy efırge shyqty

NUR-SULTAN. QazAqparat - «Qazaqstan» teleradıokorporatsııasy koronavırýspen kúresýdiń joldaryn túsindiretin taǵy bir baǵdarlamany efırge shyǵardy. Korporatsııa quramyndaǵy «Balapan» telearnasynan balalarǵa arnalǵan «Saý bolaıyq!» jańa jobasy kórsetile bastady, dep habarlaıdy QazAqparat tilshisi.

Uqsas jańalyqtar
«Balapan» telearnasyna - 10 jyl «Egemen Qazaqstan» Project Syndicate jobasy maqalalaryn jarııalaý quqyǵyn ıelendi

Habardyń maqsaty - kishkentaı kórermenderge densaýlyqqa qatysty mańyzdy aqparatty oıyn túrinde bere otyryp, salaýatty ómir saltyn nasıhattaý. Tutas álem koronavırýspen kúresip jatqanda densaýlyqty kútý birinshi orynǵa shyqty. Joba kishkentaı kórermenderge «densaýlyq - zor baılyq» ekenin uǵyndyrýdy maqsat etedi. Karantın rejıminde qaýipsizdik sharalaryn saqtaýdyń mańyzy týraly túsindirip, sportpen dos bolýǵa shaqyrady.

«Maýsym aıynan bastap «Qazaqstan» telearnasynan bes kún boıy tikeleı efırde «Teledáriger» jobasy shyǵa bastady. Negizgi maqsat – el turǵyndaryna, ásirese shalǵaı aýyl-aımaqtaǵy kórermenge qazirgi kúrdeli ahýalǵa baılanysty kúndelikti medıtsınalyq keńes berý. Dárigerler tikeleı efır barysynda COVID-19 vırýsy men ózge de aýrýlardan saqtaný men aldyn alý sharalary, emdeý tásilderi týraly nusqaýlyq beredi. Alaıda bul turǵyda balalardyń da kókeıinde túrli suraqtardyń týyndaıtyny sózsiz. Úlkender óz aldyna, balalardy indetten qorǵaý - basty másele. Ol ata-analardyń jaýapkershiligimen qatar, kishkentaılardyń ózine aýrýdyń qaýpin túsindire otyryp júzege asyrylatyny sózsiz. «Balapan» arnasy osy iske atsalysýdy kózdeıdi. Bul joba «Qazaqstan» teleradıokorporatsııasynyń osy baǵyttaǵy aqparattandyrý sharalarynyń jalǵasy», - delingen teleradıokorporatsııanyń baspasóz qyzmeti taratqan aqparatta.

«Saý bolaıyq!» telejobasy efırge aptasyna úsh ret dúısenbi, sársenbi, juma kúnderi saǵat 12:00-de jáne 19:25-te shyǵady. Baǵdarlamanyń «Kerek derek» aıdarynda medıtsına salasyna qatysty termınder jeńil tilmen túsindirilse, «Shymyr bol!» aıdarynda túrli jattyǵýlar kórsetiledi. «Jatta, este saqta!» bólimi baǵdarlama qorytyndysy retinde suraq-jaýap túrinde ótedi.

Jobanyń ereksheligi, baǵdarlamaǵa ekran aldynda otyrǵan kórermender de atsalysa alady. Ol úshin jattyǵý jasap, arnanyń resmı paraqshasyn belgilep, áleýmettik jelige júkteý qajet. Eń úzdik beınejattyǵý «Shymyr bol!» aıdarynda kórsetiledi. Joba «Balapan» arnasynyń efırinen jyl sońyna deıin jalǵasady.


Bizdiń kanalymyzǵa jazylyńyz:

#Sport   #BAQ   #Qoǵam   #Koronavırýs  
Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT