+7 (701) 759 90 19
USD 428.68 EUR 507.21
RUB 5.57 CNY 64.2
Jańalyqtar

Koronavırýs: Elordada 1500 medıtsına qyzmetkerinen kadrlyq rezerv quryldy

2020 jylǵy 25 qyrkúıek 01:13
Bólisińiz:
Koronavırýs: Elordada 1500 medıtsına qyzmetkerinen kadrlyq rezerv quryldy

NUR-SULTAN. QazAqparat - Búgin N10 qalalyq emhanada elorda ákiminiń orynbasary Baqtııar Mákenniń tóraǵalyǵymen Nur-Sultan qalasynyń medıtsına uıymdarynyń basshylarymen kezdesýi ótti, dep habarlaıdy elorda ákimdiginiń resmı saıty.

Uqsas jańalyqtar
Tarazdyq dárigerler endoprotez qoıýdyń jańa túrin oılap tapty Túrkistan oblysynyń dárigerleri operatsııanyń jańa túrin oılap tapty Jambyldyq dárigerlerge 18 reanımobıl men 8 «jyljymaly medıtsınalyq keshen»  berildi

Otyrystyń kún tártibine koronavırýs ınfektsııasynyń qaıta órshýine daıyndyq turǵysynan medıtsınalyq sanıtarlyq alǵashqy kómek (MSAK) uıymdarynyń monıtorınginiń nátıjeleri qaraldy.

«Qoǵamdyq densaýlyq saqtaý basqarmasy men taýarlar men qyzmetterdiń sapasy men qaýipsizdigin baqylaý departamenti qyzmetkerlerinen quralǵan monıtorıng toby ústimizdegi jyldyń 1 qyrkúıeginen bastap densaýlyq saqtaý mekemelerin aralaýdy bastady. Búgingi kúni barlyq 35 bastapqy medıtsınalyq-sanıtarlyq kómek (BMSK) uıymdary, onyń ishinde 16 memlekettik jáne 19 jeke menshik uıym tekserildi», - dedi qoǵamdyq densaýlyq saqtaý basqarmasy basshysynyń orynbasary Álııa Rústemova.

Óz kezeginde Baqtııar Máken monıtorıng toby anyqtaǵan BMSK medıtsınalyq uıymdarynyń keıbir problemalaryna toqtaldy.

«Monıtorıng nátıjeleri orasan zor jumys júrgizý qajet ekenin kórsetedi. Medıtsınalyq qyzmetti ýaqtyly jáne sapaly kórsetý úshin bizdiń aldymyzǵa qoıylǵan mindetterdi oryndaý mańyzdy», - dep atap ótti spıker.

Baqtııar Máken eskertýler negizinen jeke medıtsınalyq uıymdarǵa qatysty ekenin atap ótti.

Nur-Sultan qalalyq qoǵamdyq densaýlyq saqtaý basqarmasynyń basshysy Tımýr Mýratov COVID-19 kúdikti naýqastarǵa medıtsınalyq kómek kórsetý úshin 4 deńgeıli algorıtm qurylǵanyn aıtty. Ol patsıentterdi kútim deńgeıleri men aýyrlyq dárejeleri boıynsha bólýge arnalǵan. Sonymen qatar kúzgi-qysqy kezeńdegi COVID-19 koronavırýs ınfektsııasynyń aldyn alý jáne emdeý boıynsha is-sharalar jospary jasaldy.

«Nur-Sultan qalasynyń ákimdigi men qoǵamdyq densaýlyq saqtaý basqarmasy koronavırýstyq ınfektsııanyń taralýynyń aldyn alý boıynsha sharalar qabyldaýda. Sonymen, biz jeke medıtsınalyq mekemelerdiń, respýblıkalyq emhanalardyń medıtsına qyzmetkerleri, medıtsına ýnıversıtiniń stýdentteri, oqytýshylar quramynan kadrlyq rezerv qurdyq. Búginde rezervte 1 500 maman bar. KVI-men aýyratyn naýqastardy emdeý boıynsha salanyń kadrlyq áleýetin arttyrýǵa erekshe kóńil bólinedi. KVI-men aýyratyn naýqastarǵa kómek kórsetýdi uıymdastyrý boıynsha medıtsınalyq uıymdardy baqylaý jónindegi komıssııa jumys isteıdi. Jedel jeli qurylyp, KVI suraqtary boıynsha 24/7 kómek kórsetedi. Halyqqa KVI ınfektsııasynyń aldyn-alý boıynsha aqparattyq-túsindirý jumystary, sondaı-aq medıtsınalyq uıymdardy dári-dármektermen qamtamasyz etý turaqty negizde júrgizilýde», - dedi basqarma basshysy.

Tımýr Mýratovtyń aıtýynsha, elorda aýrýhanalary jasandy tynys alý apparattarymen 98% qamtamasyz etilgen. Osylaısha, aýrýhanalardyń qyzmetteri úshin Densaýlyq saqtaý mınıstrligi usynǵan shekti ındıkator 370 qurylǵy bolsa, búginde 434 qurylǵy bar. Sonymen qatar ottegi terapııasymen qamtamasyz etý 45,6%-dy quraıdy, maqsatty ındıkator - 35%. Sondaı-aq 19 KT - respýblıkalyq klınıkalardyń, jeke medıtsınalyq uıymdardyń jáne basqa uıymdardyń; 27 rentgen apparaty, 583 ottegi kontsentratory jáne shamamen 1584 ottegi núktesi bar.

«Biz turǵyndar arasyndaǵy aýrýdyń taraýyn qalaı seıilte alamyz? Birinshi kezekte ambýlatorııalyq deńgeıde sapaly medıtsınalyq kómek kórsetýden bastaý kerek. Qazirgi ýaqytta jaýapkershiliktiń kóp bóligi BMSK uıymdaryna júktelgen. Koronavırýstyń múmkin ekinshi tolqynyna qarsy turý úshin myqty daıyndyq kerek. El Prezıdenti atap ótkendeı, memleket úshin basty mindet - azamattar men medıtsına qyzmetkerleriniń ómiri men densaýlyǵyn saqtaý», - dep túıindedi Baqtııar Máken.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT