+7 (701) 759 90 19
USD 418.41 EUR 507.95
RUB 5.69 CNY 64.76
Jańalyqtar

Koronavırýs: Elorda «jasyl aımaqqa» ótti

2020 jylǵy 27 qarasha 21:44
Bólisińiz:
Koronavırýs: Elorda «jasyl aımaqqa» ótti

NUR-SULTAN. QazAqparat - Elordada karantın sharalary óz nátıjesin berip, qala koronavırýstyń taralý qaýpi boıynsha «sarydan» «jasyl» aımaqqa ótti, dep habarlaıdy QazAqparat tilshisi.

«Nur-Sultan qalasynyń «jasyl aımaqqa» ótkenine úsh kún boldy. Alaıda, bul arqany keńge salyp, erkinsýge sebep bolmaýy tıis. Óıtkeni, «jasyl aımaqqa» ótý koronavırýs juqtyrǵandar sanynyń azaıǵanyn bildirmeıdi. Qalada áli de táýlik ishinde ınfektsııa juqtyrǵandar tirkelip jatyr. Degenmen, ótken demalys kúnderi tirkelgen jaǵdaılar az bolǵan edi», - dedi Nur-Sultan qalasynyń bas memlekettik sanıtar dárigeri Janna Pirálıeva QazAqparat tilshisine.

Sonymen qatar ol elordada kún saıyn koronavırýs juqtyrǵan 70-ke jýyq naýqas tirkelip otyrǵandyǵyn aıtty.

«Qazirgi turaqtylyqty ustap, aldaǵy 14 kúnde «jasyl aımaqta» qalatyn bolsaq, onda bári jaqsy dep sanaýǵa bolady. Al ázirshe naqty aıtý qıynǵa soǵady. Eger aldaǵy 2 apta ishinde ahýal turaqty bolsa, onda karantın sharalaryn birtindep jeńildetý máselesi kóterilýi múmkin», - dedi ol.

Al Nur-Sultan qalasy ákiminiń baspasóz hatshysy Aqmaral Oljabaeva elorda «jasyl» aımaqqa ótkenimen, qala turǵyndary saqtyq sharalaryn qatań saqtaýy qajettigin eskertedi.

«Engizilgen karantındik sharalar men qala turǵyndarynyń, jumys berýshilerdiń sanıtarlyq normalardy saqtaýynyń nátıjesinde elorda «sary« aımaqtan «jasyl« aımaqqa aýysty. Degenmen, vırýs áli de bar. Sanıtarlyq normalardy qatań saqtaý qajet. Maska taǵyp, áleýmettik qashyqtyqty saqtaǵan jón», - dedi ol.

Eske salaıyq, elorda buǵan deıin «sary aımaqta» ornalasqan bolatyn.

Qazir el óńirleri koronavırýstyń taralý qarqyny boıynsha úsh sanatqa bólinýde: «jasyl», «sary» jáne «qyzyl» aımaqtar.

Búgin elordadaǵy baspasóz máslıhatynda QR Densaýlyq saqtaý vıtse-mınıstri Ajar Ǵınııat atap ótkendeı, qazir qaýipti «qyzyl aımaqta» 5 óńir: Shyǵys Qazaqstan, Soltústik Qazaqstan, Pavlodar, Qostanaı jáne Aqmola oblystary ornalasqan. Almaty qalasy - «sary aımaqta», al qalǵan óńirler «jasyl aımaqqa» enip otyr.








Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT