+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Koronavırýs ekpesiniń eki dozasyn saldyrý ne úshin qajet - dáriger túsindirdi

2021 jylǵy 5 tamyz 11:38
Bólisińiz:
Koronavırýs ekpesiniń eki dozasyn saldyrý ne úshin qajet - dáriger túsindirdi

ALMATY. QazAqparat - Vaktsınatsııanyń baıaý qarqyny koronavırýs juqtyrǵandar sanynyń odan saıyn artýyna ákelýi múmkin. Vaktsına vırýs mýtatsııasynyń aldyn alady. Bul týraly Almaty qalasy №8 emhananyń bas dárigeri Farıda Aǵybaeva habarlady.

Uqsas jańalyqtar
ShQO-da jarty mıllıon adam koronavırýsqa qarsy vaktsına aldy Qaraǵandyda kenshiler men metallýrgter arasynda eki avtokólik oınatyldy Almatyda bir táýlikte 6 myńnan astam adam vaktsına aldy

Emhananyń bas dárigeri ekpe alǵannan keıin COVID-19 ımmýnıteti qalaı damıtynyn jáne eki komponentti alýdyń mańyzyn aıtty.

Onyń aıtýynsha, vaktsınany alǵannan keıin adam aǵzasy vaktsınamen tanysady jáne ımmýndyq jasýshalardyń eki túriniń jumysyn bastaıdy: V jáne T-jasýshalary.

«V-jasýshalary antıdeneni belsendi túrde qalyptastyrady, biraq vaktsınanyń ekinshi dozasynsyz bul ımmýnoglobýlınderdiń mólsheri birneshe aptadan keıin kúrt tómendeıdi. T-lımfotsıtter-ımmýndyq júıeniń negizgi qarýy. Dál osy T-jasýshalar qaýipti taýyp, qozdyrǵyshty joıady. T-jasýshalarynyń negizgi máselesi – vaktsınatsııanyń birinshi kezeńinen keıin ımmýndyq júıe T-lımfotsıtterdiń óte az mólsherin jasaıdy, al aǵza vırýsty qabyldaýǵa daıyn emes kúıinde qalady», - dep túsindirdi F. Aǵybaeva.

Sondyqtan ımmýndyq reaktsııanyń qalǵan bóligin iske qosý úshin vaktsınanyń ekinshi dozasyn alý qajet.

«Qazirgi kezde COVID-19 vaktsınalaryna júrgizilgen úlken medıtsınalyq zertteýlerdiń nátıjeleri kórsetkendeı, ekinshi doza qorǵanys dárejesin birneshe ese arttyrady. Izraıl ǵalymdary koronavırýs vaktsınasynyń eki dozasyn da qabyldaǵan patsıentterde qorǵanys 6-12 ese joǵary degen qorytyndyǵa keldi. Osylaısha, biz vaktsınanyń ekinshi kezeńi senimdi qorǵanys úshin asa mańyzdy ekenin kóremiz», - dedi emhananyń bas dárigeri.

Koronavırýsqa qarsy vaktsınany 21 kún aralyqpen eki kezeńde alý kerek.

Birinshi doza antıdeneniń az mólsherin óndirýge baılanysty turaqty qorǵanys áserin qamtamasyz etpeıdi.

Ekinshi doza birinshisiniń áserin kúsheıtedi jáne bekitedi, adam aǵzasyndaǵy antıdene mólsheri artady.

Almatynyń №8 emhanasy da úsh ekpe bólmesi bar ári úsh mobıldi top jumys isteıdi. Ekpe salýdy vaktsınalaýǵa ruqsaty bar 36 medıtsınalyq qyzmetkerden turatyn alty brıgada júrgizedi.

«Emhanada ekpe egov.kz portaly men tirkelý arqyly aldyn ala jazylyp, sondaı-aq kezek boıynsha, úzilissiz jáne demalys kúnderi saǵat 8.00-den 20.00-ge deıin júrgiziledi», - dedi F. Aǵybaeva.

Emhananyń egý pýnkteriniń jalpy ótkizý qabileti - táýligine 300-400 adam. Búginde munda 26 235 adam ekpe aldy.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT