+7 (701) 759 90 19
USD 417.02 EUR 505.51
RUB 5.59 CNY 64.52
Jańalyqtar

Koronavırýs: Densaýlyq vıtse-mınıstri eldegi ahýal boıynsha keńes ótkizdi

2021 jylǵy 17 qańtar 12:15
Bólisińiz:
Koronavırýs: Densaýlyq vıtse-mınıstri eldegi ahýal boıynsha keńes ótkizdi

NUR-SULTAN. QazAqparat - Densaýlyq saqtaý vıtse-mınıstri Ajar Ǵınııat COVID-19 shaldyqqan patsıentterge medıtsınalyq kómekti uıymdastyrý máseleleri boıynsha keńes ótkizdi, dep habarlaıdy QazAqparat.

Keńeske elimizdiń barlyq óńiriniń Densaýlyq saqtaý basqarmalary basshylarynyń orynbasarlary, mıokard ınfarktisi jáne jaraqattar kezinde medıtsınalyq kómek kórsetýdiń ıntegratsııalanǵan modelin engizý jónindegi Úılestirý keńesteriniń, ınsýlt jáne onkologııa aýrýlary basqarmalarynyń, QR Densaýlyq saqtaý mınıstrliginiń qurylymdyq bólimsheleriniń basshylary qatysty.

A.Ǵınııat atap ótkendeı, COVID-19 ınfektsııasymen kúreske memlekettiń barlyq múmkindikteri jáne quraldary baǵyttaldy.

Dári-dármekpen, qajetti medıtsınalyq jabdyqtarmen qamtamasyz etý, jańa modýldik ınfektsııalyq statsıonarlar salý boıynsha sharalar qabyldandy, qarajat bólindi, KVI emdeý jáne dıagnostıkalaý hattamasy, is-qımyl algorıtmi jáne taǵy basqasy ázirlendi jáne únemi jetildirilýde.

Qabyldanǵan sharalardyń nátıjesinde koronavırýstyń taralý jaǵdaıy turaqtaldy jáne tómendeı bastady.

«Búginde halyq arasynda koronavırýstyń ósýin eskere otyryp, jergilikti jerlerdegi dárigerler tirkelgen halyqty, birinshi kezekte D-esepte turǵandardy tekserý boıynsha jumysty jalǵastyrýy, naýqastardyń densaýlyq jaǵdaıynyń nasharlaýyn der kezinde anyqtaý jáne olardy qajet bolǵan jaǵdaıda aýrýhanaǵa jatqyzý úshin koronavırýspen aýyrǵandarǵa monıtorıng júrgizýi qajet. Jergilikti jerlerde jumysqa mobıldi brıgadalardy belsendi tartý kerek. Olar óz betinshe dıagnoz qoıyp, em taǵaıyndaýy tıis. Densaýlyq saqtaý basqarmalary KVI belgilerin óz betinshe anyqtaý jáne vaktsınalaýdyń artyqshylyqtary jóninde halyq arasynda aqparattyq-túsindirý jumystaryn belsendi júrgizýi qajet», - dep tapsyrdy vıtse-mınıstr.

Keńes barysynda, sondaı-aq mıokard ınfarktisi jáne jaraqattar kezinde medıtsınalyq kómek kórsetýdiń ıntegratsııalanǵan modelin engizý, ınsýlt pen onkologııalyq aýrýlardy emdeý boıynsha Úılestirý keńesteriniń jumysy qorytyndylandy.

Atalmysh keńesterdiń usynymdary boıynsha KVI etıologııasy men patogenezin eskere otyryp, qan aınalymy júıesi aýrýlary bar patsıentterge erekshe nazar aýdarý, patsıentterdi dınamıkalyq baqylaýdan ótkizýdi jolǵa qoıý, naýqastardy ambýlatorııalyq deńgeıde dári-dármekpen qamtamasyz etý, sondaı-aq mamandandyrylǵan ortalyqtardy materıaldyq jáne kadrlyq qamtamasyz etýdi kúsheıtý mańyzdy.


Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT