+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Koronavırýs: BQO-da jeke málimetterdiń taralýyna qatysty qylmystyq is qozǵaldy

2020 jylǵy 29 naýryz 23:08
Bólisińiz:
Koronavırýs: BQO-da jeke málimetterdiń taralýyna qatysty qylmystyq is qozǵaldy

ORAL. QazAqparat – Oralda koronavırýs juqtyrǵan áıelge qatysty jeke málimetterdiń taralýyna baılanysty qylmystyq is qozǵaldy, dep habarlaıdy QazAqparat tilshisi.

BQO polıtsııa departamentiniń resmı ókili Bolatbek Belgibekov málim etkendeı, qazirgi kezde sotqa deıingi tergeý amaldary júrgizilýde.

Oraldyq áıel Atyraýǵa jumys babymen baryp qaıtqan. 28 naýryz kúni aýrý belgileri baıqalǵan soń medıtsınalyq kómekke júgingen. Ol aldymen burynǵy «Kýmyska» sanatorııindegi provızorlyq gospıtalda bolǵan. Koronavırýs anyqtalǵannan keıin Oraldaǵy juqpaly aýrýlar aýrýhanasyna jetkizilgen.

WhatsApp áleýmettik jelisinde onyń jeke derekteri, sonyń ishinde mekenjaıy týraly málimet taralyp ketken.

«Bul zańsyz is-áreketter QR QK 147-baby 5-bóligin (jeke ómirge qol suǵylmaýshylyqty jáne Qazaqstan Respýblıkasynyń derbes derekter jáne olardy qorǵaý týraly zańnamasyn buzý) buzý bolyp tabylady. Bul bap boıynsha 7 jylǵa deıin bas bostandyǵynan aıyrý jazasy qarastyrylǵan. Atalǵan derek boıynsha Oral qalasy polıtsııa basqarmasy tergeý amaldaryn júrgizýde. Kináliler qylmystyq jaýapkershilikke tartylatyn bolady», - dedi QazAqparat tilshisine B.Belgibekov.

Eske sala keteıik, budan buryn BQO-da koronavırýs juqtyrǵan áıeldiń bireýi Saratovtan, ekinshisi Atyraýdan kelgenin jazǵan bolatynbyz. Olar - Oral jáne Aqsaı qalalarynyń turǵyndary. Bórli aýdanynyń ákimi Mırjan Satqanov málim etkenindeı, Aqsaı qalasynyń kósheleri men qoǵamdyq oryndarda qajetti dezınfektsııalaý sharalary júrgizilýde.


Bizdiń kanalymyzǵa jazylyńyz:

Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT