+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Koronavırýs: Avstralııada karantın talabyn buzǵandarǵa 3,5 myń dollar aıyppul salynady

2020 jylǵy 5 tamyz 08:37
Bólisińiz:
Koronavırýs: Avstralııada karantın talabyn buzǵandarǵa 3,5 myń dollar aıyppul salynady

LONDON. QazAqparat – Eýropa elderi ınfektsııanyń órshýimen kúresýde. BUU barlyq úkimetti oqýshylardy mektepke qaıtarýdy, oqýlaryn jalǵastyrýǵa shaqyrdy.

Uqsas jańalyqtar
Koronavırýstyń aýyr túrine shaldyqqandardyń este saqtaý qabileti tómendeıdi - Myńjylqy Berdihodjaev Dılıara Qaıdarova: Onkologııamen aýyrǵan 2500 naýqas koronavırýs juqtyrdy Japonııa qazanda sheteldikterge shekarasyn ishinara ashady

Avstralııa karantındi buzǵandarǵa 3,5 myń AQSh dollary kóleminde aıyppul engizdi. Úndistanda pandemııa bastalǵaly indet juqyrýdyń eń joǵary kórsetkishi tirkeldi, dep habarlaıdy QazAqparat BBC-ge silteme jasap.

BUU Bas hatshysy Antonıý Gýterrısh seısenbi kúni bilim berýdegi koronavırýstyń saldarynan týyndaǵan «úzilis» planetanyń bútindeı bir býyny úshin úlken qaýip bolǵaly otyrǵandyǵyn aıtty. Oqýshylardyń mektepke oralýy jáne osy rettegi qaýipsizdik basty qazirgi tańda basty másele bolýy kerek, dep atap ótti ol BUU saıtynda jarııalanǵan óziniń beınehabarlamasynda.

Shilde aıynyń ortasyndaǵy jaǵdaı boıynsha 160 eldiń shamamen 1 mıllıard oqýshysy úshin mektepter jabyq, al 40 mıllıonǵa jýyq bala mektepke deıingi bilim berý mekemelerine bara almaı qaldy, dep atap ótti Gýterrısh. Sonymen qatar, indet taraǵanǵa deıin 250 mıllıon bala bilim ala almaǵan bolatyn, al damýshy elderdiń orta mektep oqýshylarynyń tórtten úsh bóligi mektepterden tipti bazalyq bilim almaı jatyp ketýge májbúr bolǵan.

Sońǵy táýlikte Úndistanda ózge eldermen salystyrǵanda, koronavırýs juqtyrýdyń jańa jaǵdaılary kóbirek tirkeldi. Dúısenbi kúni Úndistannyń 50 myńnan astam turǵynynan aýrý anyqtalsa, koronavırýs dıagnozy rastalǵan 800-den astam adam kóz jumǵan.

Aýstralııanyń Vıktorııa shtaty koronavırýsqa baılanysty oqshaýlaý rejımin buzǵandarǵa jańa jaza taǵaıyndalǵany týraly jarııalady. Ustalǵan zań buzýshylarǵa sol jerde 5 myń Avstralııa dollary (shamamen 3,5 myń AQSh dollary) kóleminde aıyppul salynýy múmkin. Osy maqsatta shtat kóshelerine 500 áskerı qyzmetshi jiberiledi.

Frantsııa úkimeti janyndaǵy Ǵylymı keńes kúzde nemese qysta elde koronavırýstyń ekinshi tolqynynyń paıda bolý qaýpi óte joǵary ekenin eskertti. Sońǵy aptada elde jańa jaǵdaılardyń sany kóbeıe bastady. Sońǵy úsh kúnde 3,4 myńǵa jýyq jaǵdaı tirkeldi, reanımatsııa bólimshelerindegi patsıentter sany da ósti.

Sońǵy aptada aýrýǵa shaldyǵýdyń jańa jaǵdaılarynyń ósýi Eýropanyń basqa elderinde de, onyń ishinde Belgııa, Lıýksembýrg jáne Ispanııada anyqtaldy. Seısenbide Polshada koronavırýs juqtyrýdyń tórtinshi rekordtyq kórsetkishi tirkeldi. Bir kúnde 680 jańa jaǵdaıy anyqtalyp, alty adam qaıtys boldy.

Seısenbiden bastap ondaǵan mıllıon fılıppın azamaty qaıtadan karantınge alyndy. Úılerinen ketpeý týraly buıryq el astanasy Manıla men onyń aınalasyna taratyldy. Jeksenbide eldiń dárigerleri prezıdent Rodrıgo Dýtertti Densaýlyq saqtaý júıesiniń quldyraýyna jol bermeýge shaqyrdy.

/


Bizdiń kanalymyzǵa jazylyńyz:

Bólisińiz:

Avtor:

Aıaýlym Altynbek

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT